سفيـــــر إحسيـــــن مولانـــــه ( تجليبه ) مسلم ياسفير إحسين مولانه === عافوك إبغدر بالكوفه خوّانه ـــــ عافوك إبغدر بالكوفه يامغوار == ياحامل عزيمة عمـّك الكرار سفير اﻟﺤﮓ ﺑﮔيت إنتَ وحيد الدار == قاسيت الظلم مولاي وألوانه ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ قاسيت الظلم مولاي والآلام == يالمبعوث بالطيبات ما تنضام من إحسين إمام الخير عالي الهام == تركوك إو مشوا للباطل أعوانه ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ تركوك إو مشوا راكبهم الشيطان == وحيد إﺑﮔيت مهموم إو غريب أوطان ما تعرف لوين إتروح ياحيران == بس طوعه ترحب بيك ولهانه ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ بس طوعه ترحب بيك وُإتـْهـَلـّي == لبيتي إدخل يمسلم يابعد أهلي روحي إمن الوجع لمصيبتك تغلي == عمري أفديه لحسين المجد شانه ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ عمري أفديه لحسين إو إلك مولاي == وظل بالحب حياتي إو من أموت إرجاي ﻳﺳﮔيني علي المهيوب شربة ماي == كتابي حبكم إو معروف عنوانه ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ كتابي حـُب محمد واضحه إحروفه == همـّتكم ﭼبيره إو زين معروفه عطاياكم ﭼثيره إو دوم مصروفه == لله الخالق الرحمن شكوانه ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ لله الخالق الجبـّار أشكيله == إبن مرجانه أرسلها إو إجتْ خيله يمسلم ﮔوم هالمالت فرد ميله == راويهم علي الكرار بكوانه ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ راويهم علي المهيوب من ينزل == نصّين الكفر يجسمهم إو يعزل يامسلم هذوله إتعوّدوا عالذل == وإنت العز حليفك دوم بأركانه ــ مع تحيات شاعر أهل البيت / جابر النجفي 870 views17:26
