أحلفــــك بأمـــّك الزهـــراء ( تجليبه ) شاعر أهل البيت / جابر النجفي ـ 23 / 8 / 2017 م ـ 30 ذي القعده 1438 هـ ـ الديوانيه 07804314411 مـِدْ إيدك إلي وإمسحها علاّتـي === أحلفك بأمـّك الزهراء مولاتي ــــــ أحلفك بأمّك الزهراء يامولاي == تمد إيدك إلي إو تمسح لهيب إحشاي مو صعبه عليك إو سهله كلـّش هاي == أريد أخدم أظل وأرفعها راياتي ــــ أريد أخدم أظل وأكتبها أشعاري == وقرالك شعر وَيْ كل دمع جاري مآتم دايمه أنصـُبها وإبداري == ما تنشف أبد مهمومه دمعاتي ـــ ما تنشف أبد دمعاتي حد الثار == ثارك ياذبيح الطف يبو الأحرار أنتظره إو أريد إوياه أطفي النار == أبو الثارات مهدينه الولي الآتي ـــــ أبو الثارات مهدينه أنتظـُر أمره == لازال الضلع يـِتـْنطـّر إيـْجبره تنزف عد علي لازالت الطبره == إمامي إو يسمع الموعود آهاتي ـــ إمامي وأنتظر نوره يداويني == يشافي علـّتي للخير يهديني حلم دنياي كوكب يضوي إسنيني == أشوفه إو تنتهي إبفجره معاناتي ــــ أشوفه إو تنتهي الأحزان أفارﮔـها == أعيش إبخير والأفراح أراﻓﮔـها خيراته أبو الغيره يـُفرّﮔـها == وأصير إوياه جندي إو هاي غاياتي ـــــ وأصير إوياه جندي القايم الموعود == وأﮔصد كربله وأنزع ثياب السود واخذ ثار عبد الله إبعزم مشهود == ونادي ياحُسين إقبل موالاتي ـــ ونادي ياحُسين إهمومي إجليها == أريدك رايتي إبمدحك تـِعـَلـّيها وإجروحي يبو اليمّه تداويها == وأريد أنساها يامحبوب حسراتي ـــ مع تحيات شاعر أهل البيت / جابر النجفي 1.3K views17:32
