موشح في رثاء ام البنين عليها السلام هــاي ام الاربـعـــــه ام البنـيــــن ماتت الليله بحزنها عله الحسين ••• هــاي ام الاربعـه ليـوث الحـرب ماتت بهمــها ومـدامعــها تصـب فارگـت دنيـاها مجـروحـة گلب فگدت بطف كربله ليوث العرين ••• حلـم عــدها وماتحـقـق هالحلـم يحـضــر بموتـتـــها شيّال العلــم بيده يدفنـها الگمـر راعـي الشيم ياوسف محّد حضرها امن البنين ••• چان عدها الأمل من يدنه الأجل يشيّعــوها اولادهـا اربـاة الفحـل ساعــة المـاتت ولا منهــم وصـل كلهــم بطـف كربلـــه متـوذّريــن ••• شيّعـــوها بالمنـــاحــه والبكــــاء هــاي ام عبــاس شيّال اللـــــواء رفــع راس ام البنيــن بكــربــلاء حين ضحّه بروحه وبگطع اليدين ••• بالحزن واروها يم گبر الحسن هـــاي ام الاربعـــه ام الحـــزن الها بالطف اربع شمـوع انطفن ضلت عليهـم تون ونّ الحـزين ••• لكـن الشيّــب گلبـــها وفتـّتـــــــه مصاب ابوالسجاد يـوم الفگــدته ومن اجاها الناعي ينعه مصيبته تلطم عله الراس تصرخ ياحسين خادم ام البنين عليها السلام سيد زيد الفحام ______________________________ 513 views08:10
