موشح في رثاء العباس عليه السلام زينب اتنخت بخوها وغيرته صاح يختي ادللي وشد رايته زينب تنخت بسبع الكنطره تصيح ياعباس والمدمع جره من الظمه الاطفال طاحت عالثره والطفل عبدالله ذابت جبدته من سمع راعي الوفه وراعي العلم اختاض كله وغيرته طفحت حمم صاح انه العباس صكار الزلم يختي عد عيناج كلها وحييته شنهو يختي الماي انه بخدمتج اله اجيب النهر كله الخيمتج بعينج تشوفين وسكي عيلتج وسكي عبدالله وبرد لهفته والنعم عباس صاحت والنعم انه ادري بشيمتك يابوالشيم والله بوجودك ابد ماننحرم وانت وارث حيدره وكل هيبته عالمهر شد وتوجه للنهر صال صولة حيدره فارس مضر كام يحصد بيهم بسيفه الكمر والاعادي الموت الاحمر شافته صاحت الغوث العده من صارمه هذا ابوالغيره وشبل حامي الحمه سوه يم النهر اكبر ملحمه والعساكر شردت ومالاكته بزوده طب للمشرعه ليث الحرب ومله الجود بماي لكن ماشرب اذّكر حسين وجمر گلبه لتلهب ونرسم وجه الحسين بجربته من مله الجود ورجع صوب الخيم تلكه الاطفال كلها والحرم گام يسگيها بأيده ومبتسم وزينب الفرحت بخوها ونخوته سيد زيد الفحام 539 views08:11
