#قصائد_زنجيل قصيدة رقم ٨٧ شوط كربلائي للإمام السجاد ع أهيم ابعالم السجاد واحرگ روحي چن شمعه أحس ليل اهدعش عاشور وأسيل ويالحزن دمعه ................... أسافر للبقيع أدموع وأفيض عله الگبر حسره أغمض والگه روحي هناك أحس جدمي سحگ جمره أتيه ابروجة الافكار واصليله فرض عبره أسمع چن صهيل الخيل أحس طف ونوايح ليل جسد دامي وضعيف الحيل عليل وتحدي بيه النوگ عله الصار ابهمس ينعى ................... أحس ابگبره صوت أطفال وأسمع شهگة ايتيمه تنشد گلي وين انروح يخويه احترگت الخيمه نضل لو نمشي يالسجاد يتامه وكربله هيمه شبت بالخيام النار ضلينه نسه وازغار گالو بالغري الكرار بلكت يلحگ اعلينه يحظر بالشددطبعه ....................... أحسن بالبقيع اعيون لسه اتعاين الرايه تناطر والنوايب نوگ ننصب يمهن اقرايه مناره امصوبه ابعامود گبور اتاني مشايه مواكب تنعى للمسموم گبر من الحقد مهدوم علي السجاد يا مظلوم عله ابن الزهره ردنه انوح وابگبره الدمع يسعه ..................... بقيعك لسه چن عاشور وابسيفه الشمر ردله طف ابگبتك ينعاد واچفوف الحقد نبله تناطر رفة الرايات وانصارك تجي اتعدله قائمكم نريده ايعود وانصير ابخدمته اجنود وابچفه النصر معقود ثارات الذبيح انريد نسل الناصبي انگطعه ................. أنصارك صبحنه اهواي هاي الدنيه نگلبهه عياله ونحب الموت سفره العركه نحسبهه للوهابي هم انروح ذيچ الناس انأدبهه بكل شيعي جمر وگاد نطلب كربله تنعاد بس نحظرها يالسجاد نتمنه ترد اليوم وانته شاهد الفزعه علاء المياحي 2.2K views09:02
