2021-07-30 17:07:09
#زنجيل
قصيدة رقم ٤٠
موشح | تقديم العزاء للإمام المنتظر "عج" عند قدوم شهر محرم
مهيمن يوسف الموسوي / محرم ١٤٤٣هـ ٢٠٢١م
عـظّـم أجــرك ســيّدي يالمـنتـظـر
من يجي شهر المصايب و القهـر
*١*
سيّدي اشحالك صُبح من كـربلاء
من مصايـبها او حِـزنها و البكاء
كـل سـنه تـنصب لجلها هالعـزاء
والگلب عندك حِمل حِزن و كِــدر
*٢*
ساعـد الله گـلبك اشحامل جـروح
كربله وشگـد عـليها بس تـنـوح
هالمصيـبه والـرزيّـه ما تـــروح
كل حـياتك گـلبك اعـليها انـكسـر
*٣*
يا مصيبه الأثرت واعله الدِلـيـل
خَـلّت الدمعـات مِنّك بـس تسيـل
كربله بيها انقـتل وشچـم قـتيـل
من بني هاشـم لَحَـد إبن الطُهـر
*٤*
من علي الأكـبـر شـبـيه المصطـفه
خَلقه او اخـلاقه او علوم او معرفه
بيـها متـمـيز وأخــد احــسـن صـفه
مـن شَـبه جــده النبي سيّـد البـشــر
*٥*
بالحـرب حِــيـن الوصـل رايـد نــزال
هـاجـمه اعـليـه الـعـده لجـل القـتـال
تِغـدر الأكـبـر وسـف أخـسه الرجال
ضــد تـعـاليـم الحــرب اهــل الغــدر
*٦*
والبـطـل ابــن الحـســن راد الفـــداء
مـن أجــل ديـنه ينـصــره عالعـــداء
راســه صابــوه ابغــدر نـازف دِماء
بالحــرب ازغــــر مقــاتــل بالعـمــر
*٧*
قـاسـم اهـل البيــت نَجــل المجـتـبه
وبحِـــجـــر آل النـبــي هـــــوَّ رِبـه
شـنهـو حـالك مِن تقـتـله الناصـبه
لا رحـم عـدهـم جميع اهـل الكـفـر
*٨*
والگـمـر عـباس سـبـع الگـنطــره
من حِـمه سبط الرسول او ناصـره
فـادي نفـسـه للنصـر وبمـفـخـــره
والمـهـم عــنـده فـقـط هـوَّ النـصـر
*٩*
روحـــك ابـكـل مقـتـله متــروّعـه
لو تذكــره كـل چـفـوفه امگـطعـه
من چِـفـن عـينك يهل كل مدمعـه
تذكر الصار او جِـره قرّب النهـر
*١٠*
والاشد جِدك او إمامك بالطفـوف
مِن عدوّك حوّطه ابجيش الألوف
حاطت اعليه السهام و كل سيوف
مـن عـدوّه الظــالمه صار ابخطـر
*١١*
سـيدي يالمنتـظـر وضعـك صعـب
كـل دمـع مـنـك لجـل جـدّك يصب
كل مصابه يسعـر ابنص الگـلـب
ناره ما تطـفـه بقـت طول الدهـر
*١٢*
تـذكـره حـيـن الصُبح دمّه يسـيح
من أثر كِثر الطعـن صاير جـريح
والصعب من عالترب أصبح ذبيح
مِن إجـه ليه الشمـر حَـزّ النـحــر
@mys_313
تمت و الحمد لله تعالى
مهيمن يوسف الموسوي
٣٠ شهر رمضان المبارك ١٤٤٢هـ
١٣/٥/٢٠٢١م الخميس ١١:٠٩م بغداد
312 viewsedited 14:07
ق
