القناة الرسمیةللشاعر الحسیني عبدالامیرالناصري

2021-11-15 17:51:59 قصیدة:مفجوعه.
ـــــــــــــــــــــــــــــــــــــ
مفجوعه مفجوعه..ودمعي یصب
یا یمّه مفجوعه..أبمــوت الغرب

بس الفرق بهواي
ماسطرولي عیناي
یا یمّه مفجوعه..أبمــوت الغرب
ــــــــــــــــــــــــــــــــــــــــــــــــــ
یا فاطمه آنه ألـّتي..مـثلچ متت مهضومه
یا یمه سمعي هالعتب..من فاطمه المعصومه
ما ادري لیش ابهالزمن..کل فاطمه مظلومه
احنه بنات اشرف نبي..عشنه الزمن بهمومه

بعیوني بعیوني..حرگة بچي
یا یمـه بعیـوني..عندي حچي

مانصح دهري اویاي
ماسـطــرولي عیناي
یا یمّه مفجوعه..أبمــوت الغرب
ــــــــــــــــــــــــــــــــــــــــــــــــــ
لیش التشابه بالأسم..یحرمنه من کل غالي
لو صدرچ اضلوعه انچوت..آنه احترگ دلّالي
یدروني اسأل عالرضا..و محتاجه وگفت والي
حرگو دلیلی ابموتته..وانکسر ضلع آمالي

نیراني نیراني..مو من حرگ
یا یمــه نیـراني..من نــفـترگ

شیطفّي نار احشاي
ماســطرولي عیناي
یا یمّه مفجوعه..أبمــوت الغرب
ــــــــــــــــــــــــــــــــــــــــــــــــــ
یا یمّـه حرمه التنفجع..کل موقف ایأذیها
والـخوه عازتـها اشکـثر..للفـاگده والیـها
لو عندچ ابدارچ أخو..چا نارچ ایطفیها
و ما خله صدرچ ینعصر..والباب ینسد بیها

ملچومه ملچومه..ابنار الجذع
یا یمه ملــچومه..من یا ضـلع

اشلون أسد هاي ابهاي
مـا ســطرولي عیــناي
یا یمّه مفجوعه..أبمــوت الغرب
ــــــــــــــــــــــــــــــــــــــــــــــــــ
چف الدفع باب الخشب..لیش استهان ابأمرچ
گلتیله آنه فاطمه..و بقوّه صار ایعصرچ
شمسوي بسمار الجمر..حار و نبت في صدرچ
والله انتي مو مالت کسر..حتی الزمان ایکسرچ

بالعتبه بالعتبه..نار و دمه
یا یمه بالعتبه..دم فاطمه

محترگه اعلیچ ادماي
مـا ســطرولي عیــناي
یا یمّه مفجوعه..أبمــوت الغرب
ــــــــــــــــــــــــــــــــــــــــــــــــــ
خل تحچي نیران الجذع..شنهي الجریمه اببابچ
جثـة جنیـنچ عالارض..متـوسّده بعتابچ
هم صدره بالعتبه انسحگ..لو دمعته لمصابچ
هم سولف اویاچ و سکت..لو ضل یحن لصوابچ

بجروحه بجروحه..وین التفت
یا یمه بجـروحه..مات و سکت

عذبني دمع أبچاي
ماسـطرولي عیناي
یا یمّه مفجوعه..أبمــوت الغرب
ــــــــــــــــــــــــــــــــــــــــــــــــــ
مظلومه وابلیل الدفن..گبرچ یضیع ابخفیه
و هاي انه گبري معتلي..من غربتچ مستحیه
انتي الي گلتي ابتربتي..گبر الزچیه یحیه
کلـمن یزور اخت الرضا..چن زارني بالدنیـه

بالحضره بالحضره..احنه سوه
یا یمه بالحــضره..انتي الـضوه

سمعیلي کل شکواي
ماســطرولي عیــناي
یا یمّه مفجوعه..أبمــوت الغرب
ــــــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري..المحمره باز کردن / نظر دهید

2021-11-15 17:51:53 السلام علیکِ یا سمیّة فاطمةالزهراء یا فاطمةالمعصومه س باز کردن / نظر دهید

2021-11-11 12:40:10 باز کردن / نظر دهید

2021-11-11 12:39:57 باز کردن / نظر دهید

2021-11-11 12:39:57 قصیدة مانسیتک
ــــــــــــــــــــــــــــــــــــــــــــــــــ
اداء الرادود الحسیني
الملا عباس السعیدي
ـــــــــــــــــــــــــــــــــــــــــــــــــ
کلمات الشاعر الحسیني
عبدالامیرالناصري
ــــــــــــــــــــــــــــــــــــــــــــــــ
دولة الکویت باز کردن / نظر دهید

2021-11-11 11:14:33 فيديو كليب بنت الزهراء عليها السلام
وفاة السيدة فاطمة المعصومه س

1441 / 2019

اداء
الحاج جاسم النجار الحويزي

كلمات الشاعر
عبدالاميرالناصري

الهندسة الصوتية
هيثم السعيداوي

انتاج
موقع المواقف

تصوير مونتاج و إخراج
السيداحمدالحسيني البطاط

يوتيوب




آپارات
https://www.aparat.com/v/tUKLn

قناة المخرج
https://telegram.me/s_ahmad_albattat باز کردن / نظر دهید

2021-11-11 11:14:33 #الشاعر_عبدالامیر_الناصری
#استشهاد_السيدة_معصومه_سلام_الله_علیها


قصیدة: فاطمه المعصومه س
ــــــــــــــــــــــــــــــــــــــــــــ
نعم یخت الرضا گبرچ یشع نوره
یــزور الزهـره کلمن گبرچ ایزوره

حلم گبرچ اطوفه..من اشوفه
ـــــــــــــــــــــــــــــ
بحساسي عشت لحظات..آنه ابحضرتچ
امشي ابصـحنچ وتنظر..عیني الگبتچ

هر سوی حرم یک دم..شور و مآتمه
دیـدم در بغــل داری...قــبر فاطمه

أشــمن ریــحت الزهره
ابضـریح الفایح ابعطره
اجیــت ابعــبره و اتمنه
أذب ادموعي بالحـضره

هـوای مرقدت بستره یک رازه
رسیدم دیدم و درب حرم بازه

الحرم حاضن ضیوفه..من اشوفه
ـــــــــــــــــــــــــــــ
هر گوشه ی صحن تو...کنجِ یک غمه
ای بانــوی با عـفت....نامت بر دمه

موبیدي وبچت عیني..والمدمع همل
اسمچ للحجاب أصبح...مضرب للمثل

ســلام ای خــانـم تنـها
مــزارت قـبـله ی دلــها
هــم أســم اُمٌنا الزهــرا
عزایت هست این شبها

ارید انصب عزائي اللیله بالحضره
أنوحن و أذکر المـعصومه والزهره

عزائي ما اعوفه..من اشوفه
ـــــــــــــــــــــــــــــ
یا هیــبة بلد ایران...کـلّچ مـوعظهٰ
صرتوا للتشیّع باب...انتي والرضا

از صحن الرضا آمد...شوق ماتمت
یکبارم نگاهـم کن...هستم خادمت

تحــت گبتـچ شلت ایدي
علــگ شــدّیته أبجــیدي
دعیت الله و صحت ربي
أبــولاکم یضــل توحیدي

تو بانوي قم و خواهر سلطانی
تو معـنای حـجاب خاک ایرانی

امل گلبي وطیوفه..من اشوفه
ـــــــــــــــــــــــــــــ

خادم السیدة..عبدالامیرالناصري
1441


القناة الرسمیةللشاعر الحسیني عبدالامیرالناصري

@abdolamiralnaseri
https://t.me/abdolamiralnaseri باز کردن / نظر دهید

2021-11-11 11:14:32 يا فاطمة المعصومة . شور
السيد محمد الجيزاني
الشاعر عبد الأمير الناصري
الليالي الفاطمية المقدسة
( الرواية الأولى ١٤٤٠ )
موكب دموع الزهراء . السماوة

https://telegram.me/dm_zh باز کردن / نظر دهید

2021-11-11 11:14:32 شوررر......
السیدة فاطمة المعصومة
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
من الزمـن مهــظومه
یافاطمه المعصومه
یاسلام الله علیچ یاغریبه.....
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
یـــــاکــــریـــــمة آل النــــــــبي
وصفچ اکبر من مطــلبي
یــل نبــــض گلبــــچ زینــبي
ناقص احزانچ بس سبي

متــــألمه و مظلــومه
یافاطمه المعصومه
یاسلام الله علیچ یاغریبه.....
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
یلّـــي حزنــــچ ما أعظـمه
ما إظن نوحي ایترجمه
انتي هم اسمـــچ فاطمه
یعــــنی لا شــــک متــــألمه

مثل إمچ و مهمومه
یافاطمه المعصومه
یاسلام الله علیچ یاغریبه.....
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
بنت إمام انتي و طاهره
إخت إمام انتي وصابره
عــــالجـــره و إلي ما جـــره
دمـــعـــة إعیــــونچ حایـــره

من دنیتچ ملچــومه
یافاطمه المعصومه
یاسلام الله علیچ یاغریبه.....
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
یــــا شبــــیهة إم الخـــدر
دمـــعتــــچ نار و تـستـعر
عـــــلّمـــتــــّچ أم الــــصـــــبر
إبلا إخو ما یسویٰ العمر

من إخوتچ محرومه
یافاطمه المعصـومه
یاسلام الله علیچ یاغریبه.....
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
جبتي عمرچ یخت الرضه
جــمره بچفــوفچ قابـــضه
عالهـــضم گلــــبچ مــا رضـــه
شفــتي عمــرچ شیعـــوّضه

متحـیّره و مالــومه
یافاطمه المعصومه
یاسلام الله علیچ یاغریبه.....
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري المحمرة
https://telegram.me/abdolamiralnaseri باز کردن / نظر دهید

2021-11-11 11:14:32 السلام علیک یاکریمة اهل البیت
السیده معصومه س
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مایرویٰ ابدمعاتي ..جفني العطشان
محبوسه ابعبراتي..کل ا لأحزان
من عمتي العقیله
ونـّـــاتي الثجـــــیله
ربــــي إشتـــــکیله
کل الأحزان
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
مهبط النوح....لمن ایلوح
بي تفز مرعوبه إجرح ذکریاتي
حزني معروف....عایشه ابخوف
آنه معصومه العقیله ابکل صفاتي
گلبي موجوع ....وثوب الدموع
عندي من زینب وراثه تضحیاتي
دمع الجفون ....رخص العیون
لن شبیهة زینب آنه ابنایباتي

عصابه لب رأسي..کل ساعه اتمیل
تسبیحة انفاسي ..دمعات اللیل

ماأملک وسیـله
دمعاتي قلــــیله
ربــــي إشتـــــکیله
کل الأحزان
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
چف الأقدار ....بینه من دار
گطّع إنیاط الگلب والغالي راحل
صفنة اللیل .....تهدم الحیل
هم مثل زینب فگدت ابعمري کافل
إرفض الریب .....ربي بالغیب
هوه قارن محنتي إبرکب المهازل
ولأرض طوس ....ردت إتدوس
الحوافر صدر أخوي وجسمه ناحل

چن طایح من مهره ...عمي
العباس
لأ یمنه و لا یسرة.....مهشوم الراس

من ساعة رحیله
شفنه المستحیله
ربــــي إشتـــــکیله
کل الأحزان
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
عطشت الروح ...وعندي لجروح چن یتامه وتصرخ اگبالي الیتامه
إبباب الأیام .....عندي ایتام
تنتظر یرجع کفیلي الحدخیامه
ماردت ماي ....أعلم ابهاي
کل أخو مایرجع الأخته ابسلامه
خوفي ارتاب .....متني ینصاب
انظر الغالي طریح أبلاعـــمامه

هالموقف حیرني ...مشدوهة راي
لوزینب تنظرني ...تبچي البلواي

گلبي امناحي حیله
ما تنفع عویله
ربــــي إشتـــــکیله
کل الأحزان
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
غربة الدار ....تترک آثار
والغریب اتعسّر ابگلبه اللیالي
احسب آهات ....و المسافات
تنطوي ابساعة مصابي وإرتحالي
کربله الیوم ....یمي اتحوم
امنین اجیبلي کفیل ابهاذه حالي
صبري شیفید ....دربي ابعید
تنهضم کل حرمه لوماعدها والي

من مصحف احزاني ....إحفظت الآه
تکبیرة أشجاني ......أنــــا لله

مهظومه ونحیله
حزني لا بدیـــله
ربــــي إشتـــــکیله
کل الأحزان
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
جفن الهموم .....یمطر أدموم
عندي حرگه ابعیني من دمعة رقیه
صعبه تنگال .....وابأشد حال
کلمن أمها فاطمه تشـــبع أذیه
موتي هل حان ...وین الأوطان
وین أهلنه الضیعونه أبهالوطیه
أبنار الأشواگ ....گلبي مشتاگ
ینحفر گبري أبکتر گبر الزچیه

یم گبر المظلومه ....إتوسد ریت
لحضان المهظومه.....والله
أشتاگیت

جرحي امخاوي لیله
مـا یگـــطع مســــیله
ربــــي إشتـــــکیله
کل الأحزان
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
کمات خادم الحسین (ع)

عبدالأ میر الناصري/محمرة
https://telegram.me/abdolamiralnaseri باز کردن / نظر دهید