2021-09-27 10:28:06
قصیده:تحدّي الموت
ــــــــــــــــــــــــــــــــــــــــــــــــــــ
*لو تنگطع رجلینه مانگطع المشّایه*
ـــــــــــــــــــــــــــــــــــــــــــــــــــ
یاحســین أرواحنـا لجلک فداء
ما نعوفک لو حجر تهمي السماء
انته اکبـر من فعــل هذه الوباء
تربتــک بیـها الشــفاء ابکــربلاء
*نزحف زحف ضلینه وبچفنه تعله الرایه*
*لو تنگطع رجلینه مانگطع المشّایه*
ـــــــــــــــــــــــــــــــــــــــــــــــــــ
احنه لجــلک مایوگفّــنه الخطر
للمــحب نصــعد جبل نعـبر بحر
احنه اهل یالیتنا و جینه أنحضر
انطوف بین احسین اچفوف الگمر
*وین المرض نادینه احنه اله شرّایه*
*لو تنگطع رجلینه مانگطع المشّایه*
ـــــــــــــــــــــــــــــــــــــــــــــــــــ
ابکل زمن یحصل یزید ایمانعک
واحنه انصــارک ابدمنه انتابعک
احنه ذوله الصحنه جینه انبایعک
ابکــل زمن یالیــتنا کُـنـّـا معــک
*رف العلم بیدینه و أید الگمر تچّایه*
*لو تنگطع رجلینه مانگطع المشّایه*
ـــــــــــــــــــــــــــــــــــــــــــــــــــ
نقسـم اعله امک الزهره بالضلع
وبعرس جسام واصواني الشمع
هالسنه انزورک و یمک نجتـمع
نعـتني مشــایه یمــک بالدمــع
*انحب التعب تدرینه ابدرب المشي بهوایه*
*لو تنگطع رجلینه مانگطع المشّایه*
ـــــــــــــــــــــــــــــــــــــــــــــــــــ
حلـوه رایـات الخدم لمن ترف
والمسافه تنطوي صوبک زحف
یاحسین المرض یمک مو کلف
لو فگـدنه واحده ایـهدلک الف
*ابهذه الدرب خلینه کلها الک وفایه*
*لو تنگطع رجلینه مانگطع المشّایه*
ـــــــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري...المحمره
1443
72 views07:28