بالأغنية التركية |ختم| 'Duydum ki biri yar olmuş sana' اترددت | 💫نِبِضّ أّلَحٌيِّأّةّ💫🥀
بالأغنية التركية |ختم| "Duydum ki biri yar olmuş sana" اترددت هالجملة كثير من المغني والمغنية يلي هي بمعنى "سمعت أن شخصاً ما أصبح حبيباً لك" هالجملة لخصت كل علاقاتنا، بمعنى أنو نحنا لما بتنقطع علاقتنا الودية بالحبيب، منصير نسمع كثير حكي بس نحنا منلخصو بإنو لقى البديل، أو من البداية كان عم يخون، رغم إنو هالشي بكون غير هيك تماماً، بكثير مرات ممكن نبعد لأن اكتفينا وجع، اكتفينا نكد، اكتفينا شك، اكتفينا تحكم مراهقين وغيرة مجنونة، أو ممكن نكون ضيعنا راحتنا وتعبنا، مش ضروري البعد يعني خيانة، بأغلب العلاقات الناس بتبعد لأن خلصت طاقتها للتحمل، بس بتضل تدور ورا الشخص يلي تركتو، بضل غرور الحب عامينا عن كثير شغلات، منها مثلاً أخطائنا يلي ما بتنحمل وهالناس اتحملوها مرة بعد مرة وبعدين قالوا خلص، بس نحنا ك طبيعة البشر مناخد السكوت والتمريق عن أغلاطنا حق مكتسب للأسف، ومنحب ناخد دور الضحية بكل شغلة، بس مع هيك ورغم كل شي بدنا نضل رقم واحد بحياة كل شخص تركناه، بدنا نضل محور اهتمام هالحدا حتى لو هو صار حدا عادي. نحنا بضل معنا قائمة مسموحات محرمة ع غيرنا وغيرنا نفس الشي! وبهي الأغنية بينولنا كمية الوجع لما منتخبى ورا حكي وهمي، ومنمشي ع مبدأ تركتني لأن لقت البديل، وتركني لأن لقى الحضن الدافي.
