أنا بستغرب إنو معقول بعد في هيك ناس بتفكر، بعد في هيك ناس يمكن | 💫نِبِضّ أّلَحٌيِّأّةّ💫🥀
أنا بستغرب إنو معقول بعد في هيك ناس بتفكر، بعد في هيك ناس يمكن حاوية الزبالة فيها شي مفيد أكثر من عقلها! شو يعني اسم الأم صار عيبة ولا قصة، ولا معدود من العورات ولا عم يعمل إغراء؟! أنا من الناس يلي بخجل من اسمي لأن مش اسم أمي يلي بعد اسمي، ولو بقدر بحط اسمها ع جبيني وبتفتل فيه خلي كل العالم تعرف اسمها، وتعرفها، وتعرف قديش إني فخورة فيها ومبسوطة بحالي لأن هي أمي أساساً كل إنجاز بحياة أيّ شب وبنت أساسو الأم، لأن ماحدا بيسهر وبيتعب وبشيل الهم إلا الأم، ماحدا بحول الغصة لألف ضحكة إلا الأم، وماحدا بريد الخير إلك إلا أمك.. وبيكفينا فخر إنو يوم القيامة رح نتنادى باسم الأم وشهادة الثانوية وشهادة التخرج وحتى الهوية ما بزيدها كمال إلا لأن اسم الأم موجود فيها.. وبالنهاية كل حدا بينحرج من اسم إمو أو بشوف فيه إهانة، هو حدا مريض وما إلو خير حتى بحالو.
بالنسبة إلي بحس بإنجاز عظيم إنو في بس حرف مشترك بين اسمي واسم أمي، وكل تفصيل فيها أو باسمها هو أساس لوجودي ياريت لو بقدر خلي اسمي ع اسمها وبس، كنت ولا لحظة بطلت كون فخورة وبعشق اسمي.
