خويه يه المسلوب جسمك من يجيك ايچفنك ياهو ايصلّي عليك احسين يا | قناة أشعار خادم خدمة اهل البيت عليهم السلام

خويه يه المسلوب جسمك من يجيك ايچفنك
ياهو ايصلّي عليك احسين ياهو اليدفنك

يا محمد جدي انظر هاذه سبطك بل عره
بل دمه امرمل يه طاهه او كل اعضائه امبتّره
وحنه يا جدي سبايه ولجثث متعفره
عله العرصه ودري هل مشهد يهدك يسحنك

خويه مسبيه تراني غصب امشي مهجتي
لو يرد الامر ليّه احذاك صارت گعدتي
شون شنحب شرد اگولن يا كبرهه امصيبتي
منچتل يحسين خويه او هسه هاذه مسكنك

ميته ريت او لا اشوفك هيچ عل بيده نثر
اچلاك شالعهه لِ مثلث ويلي محزوز النحر
ولصبع مبتور منك خويه مرضوض الصدر
ولشمس تصگع عليك او بل معاره بدنك

اشلون امشي او تبگه جثتك خويه ما فوگ الثره
ابلا كفن لا دفن يبن امي ولا حتّه ضره
ريت راح العمر گبلك وابد لا شوف الجره
اشلون متوذر يخويه او لِحد ماكو اليحضنك

آه من ضيم الزمان او آه من الصار الي
عگب كل عِزّي او دلالي بيد خصمي انولي
زينب آنه ابگلبي حسره غير چتلك يل ولي
خويه يل مسلوب جسمك من يجيك اليدفنك
عادل الصخراوي القريشي

https://t.me/adelsakhravighoreshi