بنات المصطفه من البلايه سبايه سبايه سبايه عگب ليث العري | قناة أشعار خادم خدمة اهل البيت عليهم السلام

بنات المصطفه من البلايه
سبايه سبايه سبايه

عگب ليث العرين الي كفلهن
علاوي والزجر والي ضعنهن
هضمهن نيّته السوده يذلهن
نساوه ابلا اهل وبلا حمايه

بنات امدللـه او نسوه حراير
اساره امگيّده ايكسرن الخاطر
عگب عِزّ الهواشم سوط زاجر
عليهه ايغرد امنهل الجنايه

فـلا هودج ولا محمل ولا نوگ
عله الهزّل صفن والگلب محروگ
ونين البل صدر يجدح او مخنوگ
الدمع من دم يصبّنه خطايه

من ديره الديره البين فرهن
التشمت جارح ابحچيه او كسرهن
هيهات او ابد يرجع خدرهن
يگلهن يا نسه هاي النهايه

زواچي امعففه او طبّن دواوين
عفا تفرسهن ابنظره الملاعين
يسوموهن وصايف هل نساوين
خدر آل النبي سيد البرايه

اتْ رگّع عبيهن بين الاجناب
مكشوفات صارن عگب الاطناب
وتحشّم عليهن وسفه الاذناب
سبايه سبايه سبايه

عادل الصخراوي القريشي

https://t.me/adelsakhravighoreshi