رقيه النوح بطلي بعد عيني حبيبة بابا انتظرچ تجيني دمعچ گلبي أ | قناة أشعار خادم خدمة اهل البيت عليهم السلام

رقيه النوح بطلي بعد عيني
حبيبة بابا انتظرچ تجيني
دمعچ گلبي أذابه
موعدنه الخرابه
حبيبة بابا انتظرچ تجيني

سلام الله عله ابنيتي ملاكي
حلوتي زهرتي المحد سواكي
يلاعبني الهمت بويه ابهواكي
تره ابفرگاچ يبنيتي هلاكي
واحشني افراگچ بت ابوهه
يه وردت بابا ونظر عذبوهه
گلبي إشفي عذابه
موعدنه الخرابه
حبيبة بابا انتظرچ تجيني

عمت عيني اثر لحبال بيدچ
مثل امي زراگ ابطرف عينچ
مسطوره او تصبي سكته دمعچ
رقيه الشوك اشوفه جرح جدمچ
تراهي الشوكه چن سهم ابچبدتي
التصيبچ جارحه بيّه وردتي
هانت هل طلابه
موعدنه الخرابه
حبيبة بابا انتظرچ تجيني

ترف وجهچ رقيه امترب انظر
واثر دمع اعله خدچ گلبي يفطر
يه بت بابا المصايب بيچ تعصر
اصد حالچ اتغيّر ألم يمطر
تگولي طالت السفره بلا اوداع
لو تاخذني الك لو ترجع ابساع
يبنيتي الاجابه
موعدنه الخرابه
حبيبة بابا انتظرچ تجيني

فداچ ابنيتي ترچيه الخذوهه
وادري آنه بذانچ جرّحوهه
لتجيسين إذن اللي أذوهه
اداويهه أنه إحبيبة ابوهه
بعد محد يگلچ يا سبيه
ولا زجر الينادي خارجيه
آنه اطي جوابه
موعدنه الخرابه
حبيبة بابا انتظرچ تجيني

حلم هاذه التشوفي يا رقيه
بعد باقي حلم وهوه المنيه
اجيچ آنه وبوفاضل نويه
او تشوفي الطفل متعلگ عليه
الاكبر جهّز الجيتچ لعابي
فتره او ينتهي كل المصابي
اصبريلي يه بابه
موعدنه الخرابه
حبيبة بابا انتظرچ تجيني

عادل الصخراوي القريشي


https://t.me/adelsakhravighoreshi