سبيات علاويك يبوفاضل سبيات ولوالي زجر للهاشميات سمّونه يخويه | قناة أشعار خادم خدمة اهل البيت عليهم السلام

سبيات علاويك يبوفاضل سبيات
ولوالي زجر للهاشميات
سمّونه يخويه الخارجيات

خويه الولي شمر الهضم چتلني
حين الضحك متشمت اعله ضعني
گب الگلب گبل الخيم سحني
وآنه العقيله ام الخدر شتمني
بلياك الوكت يتماطر امصيبه بلياك
مشت هيبتنه كلهه خويه وياك
غزونه ابجامعه او سوط او بليات


بيت الله احنه او ملجأ اللي خايف
ولباري خلانه اهل مضايف
اهل المضيف امبيّته ابصرايف
او نعتو تره احديثات الي وصايف
يعباس ترضاهه هاي العيلتك يعباس
فرجه بنات المصطفه ابين الناس
نعتونه خويه اخلافك الذليلات


ابدگ الطبول اهل الرده اتلگتنه
ترگص عله اجراح الگلب آذتنه
ابضحچه او شماته او نرفزه سبتنه
تالي ابخرابه يل ولي جعدتنه
يساره علينه اتصيّح الوادم يساره
حريم او حاطت اعلينه السكاره
امدللاتك يل اخو فِجيعات


ماكو شريف ابهل عده الچثيره
و امصيبتي بين الخصم چبيره
وچبت جبل عندي لچن چسيره
حرمه او غريبه ابلا ولي او عشيره
تمنيت تجي ولشام ترعبهه تمنيت
او عدانه تنظر الاختك تعنيت
ولكن الاريده ايصير هيهات

طفله وابوهه رادته المسيه
شافت حلم فزت تون عليه
خويه الگمر جابو طشت منيه
من ايدي ابوفاضل اخذ رقيه
عزيات صفينه ابكل محل عدنه عزيات
حزن لاحگ حزن عل فاطميات
او علينه ايحوم دولاب المنيات

عادل الصخراوي القريشي


https://t.me/adelsakhravighoreshi