#البارت 373 فتحو باب غرفهم فارس شاف وليد: الحمدلله انك حلقت وليد: ليششش مفروض كنت اسير وانا هكذك امد.تتعاطف معنا وتبسر كيف تبهذلنا جميله صاحت: ليش عنشحت من ابوها او ايش هذا حقكم غصبن عنها تديه وبعدا مش هي داريه ماوقع بكم اصلا هذك قاطعه نفسها من شجره ومقاطعه الاسره كلها فارس: برأيي نسير مرتبين مثل ماحنا ماكانه في شي عشان لاتحس مروى: لاتقلولها ان عمي مات اسيل بتتفرجهم ومعقده حواجبها: ليش اللف والدوران هذا كله خلوكم ع طبيعتكم عادي وليد : بحجر الله ارجعي ارقدي يامرت اخي ذلحين مش وقت نصايحش قلش المره مستبده مقاطعه الاسره ماكنت اعرف معي عمه فارس هيا من اللغاجه اقطب ادخلي جهزي لي ثياب وشوفي لي الشميز المكوى يشتي يفتح باب الحمام وليد خرج من غرفته ودخل قبله.. اسيل خرجت الشميز شافته مش مكوى جلست تمسحه وتتذكر ادو الكاويه او لا شافت شنطتها فتحتها بسرعه وخرجت مكواه الشعر الي وقعتلها هديه في عرسها وبدأت تكوي جميله فتحت باب الغرفه ودخلت تسالها: وين السكر شافتها و انصدمت رجعت تضحك فارس دخل مستغرب : اوف معهم كاويه متطوره اكثر مننا جميله : هذه حق مرتك المجنونه فارس شافها وبينشف شعره ويتمشط ويتعطر جميله بتجهز الصبوح وبتدعي وهي سارحه تتذكر تفاصيل ذكرياتهن دخلت ام ندى قاطعتها : يوه يوه انتي بتفعلي الصبوح جميله: ايوه انا قدو جنان نزاحمش وازيد اشغلش خدمه من الصبح لليل ام ندى: الله المستعان بس بحجر لازد قلتي هكذا ياجميله خرجو من الغرف جاهزين لابسين وجلسو يصتبحو يوسف: وليد قد اسمك عتطلع صنعاء ابسر لك شغل ع الطريق وليد رفع راسه بضبح: شغل ليش وقد عنملك كنز يا هبل يوسف: انت مش داري ذلحين الارض ايحين تخرج ابدا اشتغل شويه تتسلى من الضبح وليد: وانت ياسعم بتشتغل! يوسف: نعم ، لقيت عمل برمجه كمبيوترات وبعسسه في محل نت اهم شي اخارج نفسي وليد انحرج طرح قلص الشاهي وقام خرج : هيااا اقطبو فارس شاف اسيل : لاتنسي تشربي الفيتاميناات ماتشتي شي يمه؟ جميله بتدعي له مروى ضبحت من تصرف وليد ماتغيرش! كيف هي تغيرت خجل من الي فعله زوجها وهو لا ! منتظرته بقلب ملان عتاب مالحقت تحقق معه وتفهم ايش كانت علاقته بالسكرتيره كانت بتهتم بنتها وهو قد نام مع الارهاق بعد مسافه وحماس وشوق عرفوا انها مديره اكبر جامعه خاصه دوليه في اليمن مش بس الوكيله وانها ملكها عكس الي وصل لامه وقالتلهم وليد بيعرق متوتر : ابسرت حقهااا يعني ملكها من اين عتقلي من اين فارس عصب مسك يده وسحبها لتحت وقرب من وجهه: اهدأ لو عتبدأها بجنان قوم ارجع كمل رقدتك في البيت لاتخرجها ذلحين هنا ونحرم المقابله @afeshomody3 298 views22:35
