#البارت 374 السكرتيره واقفه مبتسمه قدامهم بتأنتر بعدين ذكرت شافتهم : اووه تفضلو انتظرو داخل يخرج الي عندها وادخلوا كلمتها وليد: ومالش ماتتحاكي من اول ساعه واقفين وانتي تأنتري فارس سبقه ومادالها فرصه تسمع وليد: ممكن توريني من اين مكتبها السكرتيره: تمام اطلع فارس بيطلع قدامها السكرتيره: شافته بيمشي بعدهم وليد وصلوا لجنب باب المكتب وبيشوفوا الساعه الي قدامهم تأخرت ساعه للا ربع وهم مراعيين خرجت تغسل يدها مغسه جنب باب حمامها ومكتبها وليد شاف فارس: هولا شكلهن بيتفرطين هنا صبوح وجلسه واحنا ساعه مراعيين لفتت له عمته وقلبت عيونها ودخلت : دخليهم هذولا ولاتدخليش حد ولاتوصلي اي اتصال السكرتيره: حاضر.. خرجت ادخلوا في المكتب دخلوا ومنصدمين هذه عمتهم !!!!! عمتهم كأنها عمرها 25 سنه بكامل اناقتها وجمالها ومظهرها الأنيق وملامحها غير عماتهم الي اصغر منها وعجزين قبلها فارس: انتي الاستاذه خيريه الشيخ؟ خيريه شافته بنص عين نظرات كلها قوه وابتسمت رفعت بيدها الاسم الي فوق مكتبها : تعرف تقرأ ولا اتهجا لك؟ وليد بهرر ولفت لفارس يشوفه : يمكن ماعرفتنا قلها اسامينا فارس ضبح من ردة فعلها ذكر كلام امه.. احنا وليد وفارس عيال اخوش خيريه فتحت الجهاز المحمول قدامهم وبتبحث اغنيه فيروز فتحتها وجالسه تسمع قامت تلوي وواقفه في الطاقه : اذا ماسمعتها كل صباح يخرب يومي وليد شافها بعيده شويه وبصوت واطي: والله لاخرب لها عيشتها لو تحفظ البومات فيروز صم مالها هذه ! يمكن مش هي ياخي فارس : اهدا خيريه ظهرها لهم وبتتفرج من الطاقه: مالكم ساع الديوك بتتناقروا ماكفاكم المناقره حقكم والطمع وصلتكم للي انتو فيه! لفتت لاعندهم وبتتمخطر بالجزمه الكعب والعبايه المطرزه : حظكم وصلت صنعاء قبل 5 ايام وسمعت بالي حصل لكم وليد: ذلحين ممكن تجلسي ونتكلم بدون الغاز وحركات مافيا امريكا فارس مسك راسه ونزله يخبي ضحكته رفع راسه بسرعه : طيب وصلش اي عرض! خيريه : عرض ايش ؟ نعم جامعتنا معتمده في العالم كله وليد: ليش بتتكلمي معنا هكذا؟ هو طبعش هكذا يعني! خيريه ضحكككه ملان المكتب : كيف تشتي اكلمك بالانجليزي؟ بيتفرجوا بعض بصدمة خيريه شافت فارس: ايش من عرض ؟ فارس: بخصوص الارض الي متشاركتها انتي وابي خيريه: عفوا بس من انتو ؟ وليد بهرر : استغفر الله العظيييم اللهم طولش ياروح بس فارس طرح رجل فوق رجل و ربع يده ورزح ظهره وجالس يشوفها ويدقق تصرفاتها خيريه: من صدق انا اعرفكم؟ وليد: ليش بتلفي وتدوري قلتي سمعتي الي وقع بنا خيريه: اي حد عيسمع بالي حصل لمدير الاعمال وعائله الشيخ وابنهم التاجر الفاشل @afeshomody3 244 views22:35
