2022-08-27 11:53:50
قصيدة لطم ( للامام الحسن ع) جديد محرم الحرام... 1444.. هج
سابع صفر ...... جبده انفطر
هذا الحسن * هذا الحسن
.........................................................
هذا الحسن يا شيعته امقصرين وياه
مو فقط يوم امصيبته لازم مننساه
انياله البجاله ابدمعته وبحسره ينعاه
كلمن اجاله ابحاجته بالشده يلكاه
هذا العزه ........ للمجتبه
هذا الحسن * هذا الحسن
.........................................................
مظلوم عاش ابدنيته ومات مسموم
ابيا ذنب حته القبر ياوسف مهدوم
حقها المدامع لو جرت وتسيل هاليوم
ودعنه بأحزانه ورحل ياناس مالوم
انسيل الدمع ....... نكسر ظلع
هذا الحسن * هذا الحسن
..........................................................
كلما يمر سابع صفر نبجي المصيبه
ونواسي امه فاطمه الزهره الحبيبه
الليله ابو صالح يون زايد نحيبه
يالمهدي الله يساعدك روحك غريبه
تنعه المصاب ....... دمعك خضاب
هذا الحسن * هذا الحسن
.........................................................
عجل يمهدي ننتظر من تطلب الثار
الحسن نمشيله زحف ونروح زوار
ننصب مواكب بالدرب ونهل الاعبار
ارض البقيع نشيده انصارك احرار
ثار البقيع ......... لا ما يضيع
هذا الحسن * هذا الحسن
........................................................
هالليله ياباب الكرم تنظر عليه
امحلفك اني سيدي بداعت رقيه
احسبني من هاي الخدم وهاي هيه
خليني ابجي كل سنه للغاضريه
طول العمر ......... ابهذا الذكر
هذا الحسن * هذا الحسن
.........................................................
الخادم ... ابو فدك الشامي
https://t.me/ahmed_alziwar
2.3K views08:53