عبد الله الرضيع يمه الولد _ خليني يمك اطلب حنينك _ يمه انته وینک ماترد بعد ////////// يمه حل وكت المسيه وانته وين يا نبع مامرت ابغصنك سنين بعدك النوم الليالي مالي عين ذبلت ايامي عله جفون الحنين طيف الهجر _رددلي اسمك عيني اعله عينك __يمه انته وینک ماترد بعد // / / / / / / روحي هدتها النوايب والعذاب يلمثل ذبحك فلا صاير مصاب بالمهد بعدك ولا عندك حساب تطلب الماي ابسهم ليش الجواب يلمنذبح _ خليني اشمك شادهني بينك _ يمه انته وینک ماترد بعد // / / / / / / ويه كل غرة مسيه وكل صباح جنت الوليلك ييمه واستراح يلرحت عني الفرح من عندي راح مهدك الخالي بكه بس للنياح بيدي المهد _ يبني واكلمك الزم يمينك _ يمه انته وینک ماترد بعد // / / / / / / يادلول اعله جرحي الما يطيب استلذ بي جي حمل ونة حبيب ياكمر ليلي تحت احزاني غيب يحله بالضلمة عله عيوني النحيب قاسي البعد _ من احجي باسمك يشتد أنينك _ يمه انته وینک ماترد بعد // / / / / / / اغمض جفوني واحسنك اجيت توسدت أيدي وعله صدري انحنيت ها يأذيك العطش يمه وبجيت ؟ حار دم نحرك ومن عنده انجويت ؟ وبكل حلم _ بجفوفي اضمك والثم جبينك _يمه انته وینک ماترد بعد احمد عيسى البديري 175 views11:11
