2022-06-08 01:58:25
ایللر بویو
ایللر بویو من بو اودون ایچینده
اتکلندیم الولانام آلیشام
یارادان اینسانی آزاد یارادیب
من ناچارام اؤزگه دیلده دانیشام
یئر آلتیندان چیخان سنده باخسان
دونیا قبول ائدیب دئییر تورک حاقسان
میلادداندا نئچه مین ایل قاباقسان
بیر ایدده قویمورلار اونا یانیشام
یئددی مین ایلدن چوخ گئچمیشیم واردیر
سندلر گوستریر دیل ریشه داردیر
کؤتوگه باخ گؤر هارا تورک دیاردیر
اسگی تاریخیمله اؤزوم تانیشام
آتیلا ، هونلارین ، نه ییدی دیلی
او امیر تیمورون ، نه ییدی ائلی
دده قورقود داکی دیلی دومرولو
یدوللا صمدی دن ، گرگ سوروشام
قوچاق دئسن، بابک تک قوچاغیم وار
شاه اثرلر سهند تک چیراغیم وار
شاعیرلریم پیریم چوخ اوجاغیم وار
نئجه قویمازلار اولارلا باریشام
دونیا اوزون توتان وار شهریاریم
فخر ائدیری اونا بوتون دیاریم
منده تورکم بودیلدی افتیخاریم
قانون دئییر اون بئش اوچون ووروشام
ساوالان تک قاری اوزولمز داغیم وار
سونگون کیمی معدنیم وار باغیم وار
دن بیتیرن هریئر سولوم ساغیم وار
آبادلیغی اوچون گرگ چالیشام
هرکس بیر تورپاقدان آلار جانینی
او اوجالدار اونون شهرت شانینی
یئرینده تورپاغا وئرر قانینی
من علی ده گرگ اونا قاریشام
@alijabbarii
دوشونجه اینسان
دوشونجه لی اینسان دوشون گرگی
یوردون وئریر سنه دوزو چؤره گی
مانقورد لیغا قویوب گوجو کمکی
دوز چؤره ک حورمتین هئچ واخت آتماسن
اؤز دیلینی اؤزگه دیله ساتما سن
یادلار ندن بیزه سویوش دئییرلر
دیلده درس اوخوماق حقین یئییرلر
قوردلار قویون پالتارینی گئییرلر
خیمیر- خیمیر گلیب گئچیب قاباغا
اود ووروبدور خرمن ایله تاباغا
اولار یامان دئیب رشتی پیسله دی
دینمه دیلر بیرین داها اوسله دی
سونان داها نه کیفیر جوک بسله دی
بیز دوزمریک سویوش آلتیندا قالاق
گرگدیرکی میندار آغزینان چالاق
تورکم یئدی مین ایل تاریخ نیشانیم
منی گیچیلدنی سئویم ، اینانیم
پیسله یری تورکو نئجه دایانیم
درین دوشون سنده اؤزو تاپگینان
حقیقتی سئچ آرادان قاپگینان
ایلک تاریخی وئریر کوروشدان سوراق
سومئر، آرتور، مانا ، مادلاردان قاباق
اوچ مین ایل اؤن ائدیب بوردا اوتوراق
قوتتی ، لوبلو ، قولاغیوا یاد گلیر
اوخو تاریخ گؤرنه قدر آد گلیر
سلجوقین ،غزنوین دیلین یازمیری
هونلاردان ،اوغوزدان بیر ایز قازمیری
هخامنیشدن اویانا آزمیری
اسلامدان وار مین ایل تورک حوکومتی
تاریخ درسینده یوخ بیر تورک صحبتی
اؤز دیلینی تعریفلیب اوجالدیر
یاد دیللری هی پیسله ییر پوچالدیر
دوشونه نی بودرد یامان قوجالدیر
بوظولمو ایراندا اولور حاضیری
تورک، تورکه یازیسین فارسی یازیری
اؤز دیلینی اوخور گزسن دونیانی
چونکو اؤز دیلینده درسی تئز قانی
تورکو درسین فارسا ، نه دیر زیانی
زیانی یوخ نییه قویمور تدریسه
بیزده گؤرک آنادیلده مدرسه
کانادا سوئدین دؤرد رسمی دیلی
هرکس اؤز دیلینده اوخویوب بیلی
نییه پارچالانمیر اولارین ائلی
تجزییه، پانتورکیسم ، بیر بهانه دیر
زور دئمگه اولار بیر نیشانه دیر
@alijabbarii
275 views22:58