علی جباری(علی معللیم)

2021-03-20 16:38:00 بو یئنی ایل بایرامینی ، بو بایرامی سئون اینسانلارا قوتلو اولسون ،
اومورام بو یئنی ایل بوتون اینسانلارا خئییرلی اولسون .

علی چباری ( علی معللیم ) باز کردن / نظر دهید

2021-03-20 16:24:37 بایرام شعری

سئوینردی هامی سن گلن زامان
ایندی چوخو قمه بورونور بایرام
چوخو راضی دئییل دای سن گلسن
دئه سنه ده ائله گؤرونور بایرام ؟

بیرایدده تاپیبدیر ایشین یولونو
چیخارتماغا سودان تک اؤز چولونو
ازیر چوخلارینین قیچین قولونو
ازیلنه باخ نجور سورونور بایرام

چوخونون آرزیسی ایچینده اؤلور
یاشامین قونچاسی آچمازدان سولور
هی درددیر ، هی قمدیر ایچری دولور
قملرله چئوره لر ، هورونور بایرام

میللتین گورورسن بو وضعیتین ؟
عاییله ساخلاماق چتیندیر چتین
علی تک آختارسان معلول علتین
عاییله لر ندن بؤلونور بایرام ؟


@alijabbarii باز کردن / نظر دهید

2021-03-16 20:55:35 آزربایجان رقصی

آخیر چرشنبه دن قالان گوزل بیر ویدئو
اصلیندا چرشنبه مراسیمی گرک بوجور اولا چالیب اویناماق و تورک فولکولارین دیری ساخلاماق نه کی ترقه آتیب میللتی قورخوتماق

بیزیم کولتورموز و فرهنگیمیزی بئله دیر
یاشاسین کولتوروموزی قورویان لار

‌ @Gulax ☜ باز کردن / نظر دهید

2021-03-10 03:38:22 آی وطن شعری

علی جباری ( علی معللیم ) باز کردن / نظر دهید

2021-02-26 23:05:47 خوجالی قیرغینی شعری
علی جباری . علی معللیم
@alijabbarii باز کردن / نظر دهید

2021-02-20 09:53:49 آنا دیلی گونو ، آنا دیلینی سئونلره قوتلو اولسون

آنادیلده مدرسه شعری
شاعیر علی جباری . علی معللیم

@alijabbarii باز کردن / نظر دهید

2021-02-03 03:35:50 آنام

بوتون اوولادینین دردینی چکن
اولارین ، قمینی اوره یه اکن
بالانین یولوندا گؤز یاشین توکن
آی منیم اودوما آلیشان آنام

دوعاسیندا بونو دیین هر دؤنه
آللاهیم بو سؤزو دئییرم سنه
بالامین بلاسین وورگینان منه
آی منیم قاداملا ووروشان آنام

گؤرنده کی بیرآز حالیم پوزولوب
اؤیره یینین دامارلاری اوزولوب
گؤزو یاشلی تئز یانیما سوزولوب
مین دیلله دردیمی سوروشان آنام

پولسوز واختیمدا تئز بوقجاسین آچان
آز اولسا اورایا ، بورایا قاچان
اؤز آدینا منه ، آی آغیز آچان
منتسیز، رشوتسیز ، چالیشان آنام

دای او سسین گلمیر تلفونوموزا
یوخومادا گورموشم آخشام گل بیزه
سن سئون غذانی پیشیردیم سیزه
مین دیلله منله دانیشان آنام

داها قاب قازانین گولمورو اوزه
آچسان غذا واردیر دیین یوخ بیزه
ائوده هربیر ایشین دییری گؤزه
اورکدن بوینوما ساریشان آنام

محبتله پایی وئرن هرزامان
قارشیسیندا هئچ بیرزاددا اوممایان
هر بیرزامان منیم قایدیما قالان
گونو گوندن منه یاناشان آنام

او یامان گونومده کسن یانیمی
قم سیخماسین بلکه منیم جانیمی
تئز - تئز سوراغلایان هر بیر آنیمی
آی منیم دردیمه قاریشان آنام

فیشاردا گؤرنده هر اوولادینی
چئورسینه سالان های فریادینی
اماندیر تئز یئتیر سن امدادینی
هره نین دیلیله قونوشان آنام

علینی بو فیکر سالیب کمنده
عجیبه بیر خیلقت وارایدیر سنده
آجیقلانیب نه سه ، مندن کوسنده
دؤزنمه ییب فوری باریشان آنام

@alijabbarii باز کردن / نظر دهید

2021-02-03 03:28:47 آنام ، شعری

1394-ده ، اؤز آنامین یاسیندا باز کردن / نظر دهید

2020-12-22 13:48:39 سالام
شاعیرسن ؟

اؤز ادبیاتیمیزی یاشاتماق اوچون
اؤزدیلیمیزده بیر انجمنیمیز وار
هرگئجه نقد ، مئیخانا ، سؤز تانیتیمی ، هفته ده ، ایکی گون اوزه ل دانیشیق اولار
اؤز دیلیمیزی اویرتمک اوچون کیلاسیمیز وار
گوجلو ، یازارلار ، شاعیرلار توپلانیبلار ،
حقیقتا بیر دانشگاه دیر
سنده گلمک ایستیرسن ؟ گل فایدالان


https://t.me/joinchat/BywLYUB3mKVO5DPOqF2dDw باز کردن / نظر دهید

2020-12-11 19:16:51 واللاه
ائله گؤرونور
بو آغای ظریف ین سیاسی ساوادی یوخدور

اردوغان بیر سؤز دئمیشدی چوخلاری هئچ بیلمیردی
آغای ظریف گلدی بو ایشی ایله باعث اولدو
او سؤز دیللره دوشسون
یاتانلاردا اویانسین
خارجی خبرلرده دئییلسین
هامی او سؤزه گوره فیکرلشسین
چوخلاری اونا گؤره دانیشیر
هله چوخلاری دانیشاجاق

ظریف دئییر
اردوغان نییه دئییر

آرازی آییردیلار
میل ایله دویوردولار
بیز سیزدن آیریلمازدیق
زورولا آییردیلار

بو سؤز بیر حقیقت دیر
نییه ظریفه آجیق گلیر ؟

@alijabbarii باز کردن / نظر دهید