شبكة ابن كربلاء التعليمية

2021-12-13 11:30:37 [الإسلامية]

هواية طلاب ضاجو من رجعت الإسلامية بالعكس المفروض تكيفون لان رجعت حترفع من معدل بهواية كلها 16 موضوع مع أحكام تلاوة هي 16موضوع

ما من المعقول انو 16موضوع متكدر دبرهن؟؟

مادة كولش سهلة وسهلة ل 100 بيها
ف انصحك ملزمة الأستاذ:-
ساجد العكيلي

ملزمة كاملة متكاملة وكل أنماط الأسئلة موجودة بيها اشتريها ومو خسارة بيها

واقرأ الأسئلة الوزارية من سنة
2016_2019

تمام!


موفقين حبايبي


#علياء باز کردن / نظر دهید

2021-12-13 11:30:36 [الانكليزي]

مادة الانكليزي تعتبر المادة النسبية لي ترفع المعدل من بعد الإسلامية

لان ثوابت بيها مستحيل تتغير اوك

اتبع مايلي:-

1\ حاول دائما تقرا الحفظ قبل متقرأ القواعد هسة حتكلي ليش علياء؟ الحفظ قبل القواعد لان قواعد الانكليزي سهل وثاني شي درجته مو هينه ابد
(30درجة عليه) ف حتى تركز عليه اقرأ الحفظ مال كل الوحدة واخر شي خلي القواعد حتى تضبطه
2/الاسقاطات حاول تقراهن ترجمه كل نقطة ترجمها حتى تقراها وتصير كولش سهلة عليك
3/ التوصيلات كذلك مثل الاسقاطات ترجمة فقط
4/الإملاءات اقراها ورقة وقلم وكولش سهلات منهجنا بي كلة 9 مواضيع وكلهن بسيطات
5/قطع الكتاب القطعة ترجمها ثم احفظ أسئلتها وكل سؤال من تقراها اقراه بأكثر من صيغة هسة حتكلي شلون علياء اكثر من صيغة؟
اني اكولك شلون مثلاً اذا كان سؤال وجواب سوي اختيارات، فراغ، صح وخطأ،.......وكذلك وصلت!!
6/الأدب اقراه نفس طريقة قطع الكتاب بضبط شلون من كتلكم توصيلات نفس الاسقاطات نفس شي كذلك الأدب مثل القطع تمام!


7/القطعة الخارجية أنصحك تضبط القطعة الخارجية وانت مغمض وية اشتر احمد او وية الأستاذ علاء إسماعيل السعداوي

8/الإنشاء أقسم الإنشاء قسمين واقرأ كل سطرين سوة اول سطرين حفظتهن اقرأ سطرين لبعدهن وكل سطرين هنه وترجمتهن ....وكذلك واخر شي من تخلص كل الإنشاء اكتبه واكتب ترجمته ركزو ع الإنشاء والقواعد اكثر درجة عليهن 50 درجة ع الإنشاء والقواعد

[قواعد30 درجة+الإنشاء20 درجة]

طلاب أفضل الأساتذة الانكليزي:-
1/الأستاذ علاء إسماعيل السعداوي
2/الأستاذ أحمد فوزي

وانتو اذا عدكم مدرسين زينين مرتاحين عليهم عادي كملو وياهم واستمرو

طبعاً اقرأ وزاريات الانكليزي من

2014_2021دور ثالث
تمام

موفقين ان شاء الله


#علياء باز کردن / نظر دهید

2021-12-13 11:30:30 [الرياضيات]

طلاب بالنسبة لمادة رياضيات مادة فهم مو حفظ هسة البعض بيكم حيكولي يي احنا نعرفها فهم مو حفظ انت صح تعرفها بس اكو غيرك يحفظ وهالشييي أكبر غلط يعني انتَ/ي شراح تحفظ مثال مثالين هاي معادلة رياضيات مو جغرافية لو اقتصاد لو تاريخ ف حتى تضبط هالمادة اتبع الخطوات التالية:-
1/اثبت ع المدرس واحد فقط هو وملزمته يعني مو تقرا ع مدرس والملزمة ع غير مدرس هالشي غلط
2/افهم حتلو تبقى بالمثال ساعة المهم تفهم الموضوع اوك!!
3/بعد متخلص الموضوع حل تمارين بيدك انتَ ولما توصل للخطوة توكف بيها شغل الفيديو او شوف دفتر مدرسك وين وكفت وبعدها ارجع كمل حلك
4/بعد مضبطت تمارين كتاب+ أمثلة الكتاب حل الأسئلة الوزارية اقرأ الأسئلة الوزارية للرياضيات
من سنة 2016_2021 دور ثالث
5/ قبل متبلش بالموضوع جديد راجع الموضوع القبلة حتى المادة تنطبع بعقلك وهيج حتضبط

طبعاً انصحكم بأفضل أستاذ رياضيات:
الأستاذ باسل الزبيدي

وانتو اذا عدكم أستاذ دتفتهمون عليه عادي ابقو استمرو وياه مو مهم يا استاذ أقره عليه المهم اني دا افهم عليه

مو عيب اذا تبقى تقرأ بالموضوع يوم او يومين ولا عيب تبقى تقرأ بالمثال ساعة اهم شي انت تفهم ومن تخلص الموضوع انت فاهم ومسيطر عليه


الله يوفقكم

#علياء باز کردن / نظر دهید

2021-12-12 22:47:47 طلاب الادبي نزلتلكم طريقة دراسة العربي+المواد الأدبية

انتظروني بوست جديد يتضمن:
[انكليزي، رياضيات،اسلامية]


#علياء باز کردن / نظر دهید

2021-12-12 22:39:25 طلاب لهنا خلص العربي شرحت من قواعد، ادب،نقد

افضل المدرسين للعربي:
1/الست ريزان الجاف
2/الست رفل الزبيدي
3/الأستاذ أحمد النعيمي
4/الأستاذ سجاد اللامي
5/الأستاذ عقيل الزبيدي

موفقين أن شاءلله

#علياء باز کردن / نظر دهید

2021-12-12 22:39:22 [القواعد]
طلاب بالنسبة للقواعد مادة فهم هي قاعدة ثابتة مستحيل تتغير هي قاعدة كذا وكذا وكذا.... ماشي بس الفرق وين ؟ كل مدرس يشرح بطريقة ف حاولو تختارون مدرس زين تفهتمون انتو عليه يعني مو مثلاً صديقك/ج يقرأ ع حمزة جابري انتَ لازم هم تقرأ ع حمزة جابري لا هالشي أكبر غلط شوف المدرس لتفتهم عليه انتَ و كل موضوع من ينتهي اقرأ الأسئلة الوزارية اله وافضل بالقواعد
تقرون من ١٩٩٩ _٢٠٢١ دور ثالث مع حل تمرينات وقراءة تمرين المحلول

موفقين حبايبي

#علياء باز کردن / نظر دهید

2021-12-12 22:39:20 هلاو طلاب
[الأدب]

هواية طلاب يواجهون صعوبات بالأدب ويعانون منةةة انو شعراء تشابهه بالكلام بس احنا لازم نعرف شي انو شعراء بالأدب كل شاعر اله قصيدة واله دواوين والة حياتة...الخ فهاي ثوابت متتغير
ف هاي نظريتكم غلط وخلي بالك شاعر مثل اي شخص معين هسة حتكلي شلون علياء ؟ هسة اكولك شلون مثلاً اليوم نتحدث عن شخص نكول هو خريج سنة كذا ، مواليد كذا، يشتغل بكذا مشروع،.....وهكذا وصلت
ف من تجي تقرا الأدب اول شي اقرأ حياة شاعر بس مو تكعد تدرخ هالشي مراح يخدمك مثلا كول شاعر نولد بكذا سنة وتوفى بكذا سنة اول قصيدة صدرها كذا دواوينه كذا ......وهكذا
بعدها اقرأ القصيدة حاول تقراها القصيدة بورقة وقلم لان احنا كلنه نعرف ما يكتب يحفظ وكل بيت من تقراه اقرأ معناه
وبعد متخلص من قراءة شاعر سويلة مراجعة سريعة واي شي تحس محفظت زين اكتبه بورقة وقلم حتى يطبع بدماغك

#موفقين أن شاء الله


#علياء باز کردن / نظر دهید

2021-12-12 22:39:18 {النقد}
اعتبر مادة نقد ترفع درجة العربي هواية طلاب يستهينون بالنقد زين شنو سبب؟؟ كونها مادة حصتها بالأسئلة الوزارية [15درجة] ع شنو اضبطها اضبط قواعد وأدب وأنشاء كولش كافي انت تدري بنفسك انو دضيع درجتك بيدك وهاية نضريتك كلها غلط منو يكول حتجاوب القواعد كلة وتاخذ 30 درجة شنو ليضمن!!!! بس اذا انت قاري نقد مهما تاخذ ع القواعد راح يرفعك النقد وهنه كلهن فصلين الفصل الأول فقط 8 اوراق والفصل الثاني 6 اوراق ليش دتضيع ل 15 درجة خليك حريص ع درجتك ولتخلي احد يلعب بعقلك بعدك بداية سنة اضمن من هسة 15 درجة واني أفضل تقرون ملزمة احمد النعيمي للنقد لأنها معززة بكافة الأسئلة الوزارية للفصلين وبعد متخلصون من كل فصل اقرو الأسئلة الوزارية اله ولتنتقل للفصل الثاني اذا انت مضابط الفصل الأول


تمام

اتمنى يارب تستفادون مني

بالتوفيق للجميع

#علياء باز کردن / نظر دهید

2021-12-12 22:03:40 بداية طلاب بصورة عامة كل مواد سادس يحتاجلهه حب يعني مثلاً انت كرهت مادة اكو ايعاز بدماغك حينطي لعقلك انو هالمادة صعبة وراح تجاهلهه ويضيع مستقبلك بسببها واكو العكس
ف المغزى شنو؟ انو تحبون المواد كلها
وهسة نبلش بشرح المواد الأدبية
اول شي كثرة المصادر راح دوخك هسة حتكلي علياء شنو المصادر؟؟؟
يعني الملازم اثبت ع ملزمة مدرس واحد واحدددد فقط معليك ب صديقك/ج اذا كان يقره ع غير ملزمة شوف الملزمة لتناسب تفكيرك ودراستك
اولاً تقرا المواد الأدبية بفهم ثم حفظ ومعليك بلي يكولك انت ادبي واذا موضوع تحس نفسك مضابطة تكدر تستخدم ورقة وقلم وهيج حتظبط
ثانياً قبل متبلش بتحضير جديد راجع تحضير لقبلة
ثالثاً بعد الانتهاء من قراءة كل فصل تراجع تعاريف+فراغات+تعاليل الفصل
رابعاً بعد الانتهاء من قراءة كل فصل حل اسئلة الفصل بيدك متتصور شكد مهمة اسئلة الفصل ابد لا تستهين بيها
خامساً بعد الانتهاء من قراءة كل فصل اقرأ الأسئلة الوزارية للفصل

اليكم
أفضل ملازم المدرسين للمواد الادبية:
1/الأستاذ أحمد جبار الدايني
2/الأستاذ مسلم الخويلدي
3/الأستاذ أحمد عبدالله الجنابي
4/الدكتور عباس العامري
اني عن نفسي اقرأ ع الأستاذ احمد عبدالله الجنابي
لان حال اسئلة الفصول +ملزمته متكاملة مضمونه+ ملزمة تعاريف ،تعاليل، فراغات الفصل +الأسئلة الوزارية لكل فصل


عذراً ع الإطالة

موفقين ان شاء الله

#علياء باز کردن / نظر دهید

2021-12-12 22:01:44 طلاب الادبي اي سؤال استفسار عندكم اكتبولي بتعليقات واني اجاوبكم تمام!

#علياء باز کردن / نظر دهید