2021-09-12 01:34:46
منشـور خـاص لطـلاب الـدور الثانـي و اهل الدخول الشامل
اول شي انسوا سالفة انو اسئلة الدور الثاني صعبة لأنو حيمتحنون طلاب الدخول الشامل ومعرف ايش!!!
الاسئلة حتجي مثل كل سنة لا صعبة ولا اي شي من الي تفكرون بي حالياً واصلاً حتجي اسهل ان شاء اللّٰـه من الدور الاول
شلـون يعني اسهل؟! يعني اذا چـان اكو اخطاء بأسئلة الدور الاول ف مراح تنعاد بالدور الثاني + الاسئلة الفكرية حيجي منها كم سؤال للتمييز بين الطلاب.
سـؤال/ يمته موعد الدور الثاني؟!
جـواب/ اقل موعد للدور الثاني هو يوم 10/15 ان شاء اللّٰـه.
سـؤال/ يمته ابدي ادرس للدور الثاني؟!
جـواب/ خلصت الامتحانات لكل الافرع ف اول شي اخذ ريست وبعدين بلش بالدراسة وكلما تكون مأجل مواد هواي ف بلش بأقرب وقت ، و #ديربالك تاخذ ريست اكثر من اسبوع !!! لا ياخذك الواهس حتى لو مأجل مادة او مادتين الافضل انو تبلش تدرس على وقت وتسيطر على المواد الي عندك واذكر انو الي مأجلهن تگدر ترفع معدلك من خلالهن، اخذ ريست وارتاح واطلع واتونس وبعدين بلش ادرس وان شاء اللّٰـه بعد متخلص دور ثاني ف اخذ ريست شگد ما تريد.
سـؤال/ كل مادة شگد اخلي الها ايام؟!
جـواب/ حسب عدد المواد الي مأجلهن انت قسم الايام + حسب صعوبة المادة بالنسبة الك .
سـؤال/ اريد جدول للدور الثاني!
جـواب/ لاا تاخذون جدول من اي قناة او من اي مدرس او من اي طالب!!!!! انت تعرف نفسك زين بأي مادة وعندك ضعف بأي مادة ......الخ ف لاا تاخذ جدول من اي شخص!!
واخير شي بالنسبة للطلاب الي يگولون احنة مأجلين 6 او 5 او 4 ومنلحگ وووو، اذا بديت على وكت وتعبت نفسك وعفت كلشي عندك وتفرغت لدراستك ف تلحگ ، عوفوا الحجي الي مراح يجيب اي فايدة وعوفوا الخوف وبلشوا وتوكلوا ع اللّٰـه ، الايام بسرعة تخلص ومثل ما خلص الدور الاول حيخلص الدور الثاني ان شاء اللّٰـه
نصائح_سادسيون
333 views., 22:34
ش
