2022-07-28 02:17:14
كاعد حسين. يم الانصار
ليل عاشر والحجي مكشف يريده
باجر نموت. بين السيوف
الشاف روحه مو كفو خل يسحب ايده
الليل هذا اخذو جمل انتم بحل مني
هاي ضلمه اللي خجل خل يمشي ما لزمه
واليبقى جنه اضمنها اله وكل الفتح يدرك
العافني عمره يخلصه يعض صبع ندمه
انه بيدي الجنه انه الحبني احبنه
انه صاحب المنه. حسين مولا
انه روحي وي روحه. انه اشبك جروحه.
انه توبه نصوحه. حسين مولا
.....................................
راحو اخفاف. وضلو اثكال
سيدي عد يمنتك خلينه احنه
كلهم حسين بالبقا موت
كالو شمحله اليموت ويمه جنه
الف مره ننذبح وننذري بكدها
وما نعوفك يبن فاطم قسم بالعصمه
الدنيا هي بس الك. شنهي من دونك
الموت عدنه جن طفل وترضعه أمه
الك نرخص الغالي الك ينزل العالي
الك نفدي منبالي حسين مولا
الك نعصر الغيمه الك نسكي الهيمه الك سيد الشيمه حسين مولا
.....................................
بهالوضع هاذ ويحجي الحسين
يختبر أنصاره ويحشم الظماير
كام عباس. طك عرج بي
صاح افه تحشم الوادم وأنه حاظر
وستر زينب يالعجيد الدنيا اكلبها
وكام يركض جاب رايه ودكها يم رجله
كله اسمع يبن ابوي. وداعت عيونك
الفكر يدوس اعله طرفك يكطعله اصله
تره اليوصل الساسك تره يقبل امداسك
تره يرتفع راسك. حسين مولا
كمر حارس خيامك. كمر روحه جدامك.
كمر عايش آلامك حسين مولا
.................................
همه يحجون. ولن طلع صوت
هاشمي وكل الزعل بان بكلامه
صفنو الناس وعرفو الصاح
على الدنيا العفه بعدك يالامامه
تبسم حسين وحجه عفيه يوليدي
هذا طبع الهاشمي ما يقبل الذله
شرأيك بموتك سأل كله واحنه الحق
الطحت فوك الطاح فوكي ابد ما اهمله
علي فارس النيبه علي قاهر وهيبه علي الفارس يجيبه
حسين مولا
علي محد يعرفه علي حسينه اليوصفه علي يلتهب طفه
حسين مولا
...................................
سيد حيدر الجزائري
95 viewsالشاعر سيد حيدر الجزائري, 23:17
ا
