يابو فاضل. طيحتك كسرة ضهر يابو فاضل. جدمي يم جودك عثر وسولفلي اهوايه جربتك والرايه. يابو فاضل __________ يعافيتي. النهر شيريد لمن فرهد احلامي اجيتك للشريعه ازحوف چنت الشوفتك ضامي اشما اتدنه خطوه اعليك احسن تگصر ايامي شفتك. طايح. وياريت ما اشوف بيرغ للوفه اعله الجرف ملفوف على كبر الشريعه اموزع اچفوف مدري اشصار بيه انته حيلي. وماترد. ليه. بعد انته حيلي. وعلى اعيونك دم جمد شفت ايه وايه جربتك والرايه. يابوفاصل __________ الجرح صاير عليك اگدار وانته اگدارك الخوه نبله ابجودك ونبله اشعدها ابعينك الحلوه گوم وشوفني ابياحال اكض اصفاحي واتلوه الشماته التمو اخلافك عليه لگوني افرك ندم بثنين اديه يگولون انكسر من طاح اخيه هاي ابيش احلها فارگتني. وخضر ابگلبي جرح فارگتني. وفرگتك طعنة رمح شمس ومتچايه جربتك وارايه. يابو فاضل __________ صدگ هذا انته ياروحي العمود ابراسك اشسوه ارحم. غربتي. وشكواي گوم اندارلك فدوه يكافل. دنيتي اخلافك صم اتراب ماتسوه العمر صدگ اخلافك ما اريده يمن زندك وفه يگطر وريده رقيه امتانيه وسكنه وحميده رد يابو الحميه ياعضيدي. صعبه لو ارد وحدي ياعضيدي. دمعتي بطور الحدي بالدمه محنايه جربتك والرايه. يابو فاضل __________ يسالوفة طفل مذبوح ضامي وصوتك ابروده يادمعة عطاشه اهواي كلها متانيه اوعوده يقصه بحلگ جرف الماي تحچي بطيحة ازنوده يادمعة يتامه اتعاتب الماي تره اجروح الگلب بغيابك اهواي تعرف. بالعدو كلساعه اله راي لا يحرگ خيمنه ياحبيبي. الگوم بيه اتشمتو ياحبيبي. كلهم بچتلي فتو وحيرني اهوايه جربتك والرايه. يابو فاضل __________ يواهس عمري ياعباس يخلگي بساعة الخنگه الدنيه ابلا اخو شتفيد ضيف امفارگ الملگه هوه الشابگاته اسهام يلچمه الرايد ايشبگه اشما اتدنه يمك تطلع اجروح واشبگ جرح ينزف وين ماروح وبعد مامقتنع ياخويه مذبوح وانته اگبالي اشوفك وي عتابي. يطلع الوان الدمع وي عتابي. تخيلت كسر الضلع وگمت اشوفن ثايه جربتك والرايه. يابو فاضل _________ عبدالامير السعيدي 73 viewsاَحــمد الـَفـاطـ.ـمي°, 23:11
