2022-06-23 16:41:36
العدل الإلهي مُحيط بينا بطريقة مُطمّنه ، و مخيفه في ذات اللحظه !
في الوقت الإنت بتعافر فيه ورا إنسان هو ما مُنتبه ليك ، حيصادفك إنسان حيعافِر عشانك .. و ما حتنتبه ليه برضو !
في الوقت الإنت بتقطع فيه مسافات طويله في نهايه مجهوله ، في البِناجي ربنا نُصّ الليل عشان تقطع عشانه ولو خطوه وحده ..
الحُب و التعلق ما بيدنا ..
ياريت لو كُنا بنقدر نختار إنو البنحبهم يبادلونا نفس الشعور بضغطة زر أو شفره ، لكن ربنا عوض علينا بعقل يورينا نمشي في السكه دي ولا نقيف
القلب مخلوق مرهق ، ما بيخضع للمنطق ، ولابتغريه الحسابات العقلانيه ..
عشان كده جانا عقل نوزن بيه ، شويه من هنا و شويه من هنا .. عشان المركب يمشي ، و ما تتوّهك الحياه ، و تعلقات القلب الما منطقيه
و أخر حاجه و للأبَد
" شوف الشافَك ، و حِب اللّيك "
#رغد_عبدالرحمن
19 viewsMnoya Mohammed, 13:41