* نویں ذی الحجہ یعنی یوم عرفہ کے بارے میں آپ کو علم ہونا چاہئے | بچوں کے لیے کہانیاں
* نویں ذی الحجہ یعنی یوم عرفہ کے بارے میں آپ کو علم ہونا چاہئے: *
یہ دن گھر کو صاف ستھرا کرنے کا نہیں، نہ ہی شاپنگ کا اور نہ ہی آرام و نیند کا یہ دن ہے۔ یہ وہ دن ہے جسے اللہ تعالی نے خود عظیم مقام عطا فرمایا ہے۔ یہ وہ دن ہے جسے اللہ تعالی بڑا شرف بخشتے ہیں۔ یہ وہ دن ہے جس میں اللہ تعالی اھل عرفہ کے بارے میں فرشتوں کے سامنے فخر کرتے ہیں۔ یہ ایسا مبارک دن ہے جو جہنم سے لوگوں کو آزادی کا پروانہ دیتا ہے۔ یہ دن اطاعت رب اور اس کی بھرپور عبادت کا ہے۔ سب سے بہترین دعا عرفہ کے دن کی دعا ہے۔
*ہمیں خوب کوشش کرنا ہے کہ اس دن ایک سانس بھی اللہ تعالی کی اطاعت یا قربت کا عمل کئے بغیر نہ نکلے۔ دنیا کے جواہرات میں ایک جوہر اگر گم ہو جائے تو کتنی تکلیف ہوتی ہے پھر دنیا کے افضل دن کو کیسے ہم ضائع کرسکتے ہیں--!* اگر شب قدر ہم نہ جان سکے تو عرفہ کا دن تو نہیں بھول سکتے۔ اگر شب قدر میں آسمان سے فرشتے اترتے ہیں تو اس روز ہمارا رب کریم خود نازل ہوتا ہے- لھذا اس دن کو غنیمت جانیں اور جتنی بھی خیر اس روز کر سکتے ہیں اسے کر ڈالیں۔
* نو ذوالحجہ بروز جمعہ کرنے کے کام*
*نویں ذی الحجہ کا شیڈول بہت ہی عمدہ بنایا جاسکتا ہے۔ بلکہ اس شیڈول کو اپنے احباب کو بھی بھیجا جا سکتا ہے۔ بس یہ ایک دن کا ہے جو سال میں ایک ہی مرتبہ آتا ہے:-*
۱۔ رات جلدی سو جائیے تاکہ اللہ تعالی کی عبادت و اطاعت میں کچھ ہمت و طاقت محسوس ہو۔ ۲۔ فجر سے پہلے اٹھ جائیے تاکہ آپ اس دن کے روزے کی نیت کرکے سحری کھائیں۔ یہ روزہ ہمارے گذشتہ اور آنے والے سال کے گناہوں کو مٹوادے گا۔ ۳۔ پھر کم از کم دو یا چار رکعات نوافل پڑھئے اور حالت سجدہ میں رب غفور سے دنیا و آخرت کی ہر خیر وبھلائی کی خوب دعا کیجیے۔ اس کی خوب حمد و ثنا کیجیے کہ اللہ تعالی نے مجھے اس دن تک پہنچایا جس میں رحمتوں کی برسات برستی ہے اور خوب بخشش ہوتی ہے۔ 4۔ فجر سے قبل کا وقت استغفار کرنے میں لگا دیجئے، تاکہ ہمارا شمار سحری کے وقت استغفار کرنے والوں میں ہو جائے، "وبالاسحار ھم یستغفرون۔" ۵۔ اذان فجر سے کم از کم پانچ منٹ قبل تیار ہو جائیے۔ اور یاد رکھیے ہمارے سارے گناہ دوران وضو آخری قطرے کے ساتھ نکل جاتے ہیں۔ 6۔ پھر وضو کے بعد کی دعا پڑھئے۔ ۷۔ فجر کی نماز باجماعت پڑھیے اور اپنی جگہ طلوع صبح تک بیٹھے ذکر واذکار اور تلاوت قرآن کریم میں گزاریے۔
۸۔ سلام کے بعد تکبیرات پڑھنا بھی نہ بھولیے۔ ۹۔ نماز اشراق کو بھی وہیں ادا کیجیے تاکہ آپ رسول اللہ صلی اللہ علیہ وسلم کے ساتھ ادا کئے گئے حج وعمرہ کا ثواب پاسکیں۔ اس نماز کو بالکل نہ بھولیے۔ ۱۰۔ اب آپ چاہیں تو سارا دن بالکل نہ سوئیں اور نہ ہی کوئی لمحہ بغیر یاد الہی یا دعا کے گذاریں۔ یا تھوڑی دیر سو جائیں اور نیت یہ ہو کہ اللہ تعالی کی مزید عبادت کے لیے میں تروتازہ ہونا چاہتا ہوں۔ اٹھ کر چار رکعت نماز چاشت ادا کریں اور رب کریم کی بندگی اور اس کی رضا پانے کے راستے تلاش کریں۔ مثلا صدقہ کرنا، بیمار کی عیادت یا رشتہ داروں کا خیال وغیرہ، تاکہ اکتاہٹ نہ ہو۔ تکبیر، ذکر، تلاوت، تلبیہ اور لاإلہ إلا للہ وحدہ لا شریک لہ، لہ الملک ولہ الحمد وھو علی کل شئ قدیر۔ خوب پڑھیں۔ ۱۱۔ نماز ظہر با جماعت ادا کیجیے اور تکبیر و تسبیح و تحمید کے ساتھ ساتھ تلاوت قرآن کریم بھی کیجیے۔ ۱۲۔ نماز عصر بھی ادا کیجئے اور تکبیرات کے ساتھ شام کے اذکار بھی کیجیے۔ ۱۳۔ مغرب سے تھوڑی دیر قبل تک قرآن مجید کی تلاوت اور دعائیں عاجزی سے کیجئےاور اپنی دعا میں بالخصوص امت محمدیہ کو نہ بھولیے۔ ۱۴۔ اللہ تعالی سے دعاء کیجیے کہ مولی! سورج اس وقت تک نہ ڈوبے جب تک مجھے جہنم سے آزادی کا پروانہ نہ مل جائے۔ اللہ ہم سب کو ان اعمال کے بجا لانے کی توفیق عطا فرمائے۔ ہم اللہ تعالی سے اپنے اور آپ کے لئے قبولیت دعا کی درخواست کرتے ہیں۔ ۱۵۔ اذان مغرب ہوتے ہی افطار کر لیجئے، اور بھولیے نہ کہ اللہ تعالی تو روزہ دار کی دعا کو اس روز خالی نہیں لوٹاتا۔ اللہ تعالی ہم سب کو جہنم سے آزادی کا پروانہ نصیب فرمادے۔ آمین
* ذوالحجہ کے حوالے سے بہت اہم پیغام*
نو ذوالحجہ یومِ عرفہ (سنیچر) کا روزہ رکھیں اس روزے سے ایک سال اگلے اور ایک سال پچھلے گناہ معاف ہو جاتے ہیں۔ دن میں روزہ اور رات میں عبادت کا ثواب شب قدر میں عبادت کرنے کے برابر ہے۔
تکبیر تشریق نو ذوالحجہ (سنیچر) کی فجر سے لے کر تیرہ ذوالحجہ (بدھ) کی عصر تک ہر فرض نماز کا سلام پھیرتے ہی مرد حضرت کے لیے بلند آواز سے اور خواتین کے لئے آہستہ آواز سے ایک بار تکبیر تشریق پڑھنا واجب (ضروری) ہے.
