خلص نغم خلص .. اني مجاي افرض عليج نفسي بس من شفت لهفتج علية اليوم كتلت يجوز حنت وكلبها رف لذيج الايام العشناها سوة .. بس الواضح نفسج متغيرتي المهم اني اجيت اسلم عليج . لاني بلصدفة شفت نضال وكالتلي مسافرة فأجيت اشوفج ويمكن هاي المرة الاخيرة اشوفج بيها . اني رايح نغم. اني رايح .. بس اكو شغلة حطيها بالج .. لو تفترين الدنيا كلها وتسافرين الدول كلها . مراح ترتاحين حتلو ابتعدتي عن شي اسمة زواج او تاخافين تصيرين وداد ٢ .. راح تبقين متاها وصراع وية نفسج .. لانج بعدج عايشة بدوامة الماضي ..بعدج بتأنيب الضمير لو مهما تبتي . بس انتي متعرفين نفسج انج كاعدة تخطئين بحق كل اليحبوج بزيادة من غير متحسين . تكفرين عن ذنوبج بناس . وتعذبين ناس ثانية. مثلي اني . يي مثلي هواي عذبتيني نغم هوااااي. من اول يوم شفتج بي .. وانتي بعدج زغيرة دخلتي بكلبي . بس بعمرج مباوعتيلي ولاحسيتي بية بس راح يبقة هذا الكلب . يدگ بأسمج . مودعة بالله نغم راح راح راح راح واحد بداخلي. يكول .. اوكف اوكف ..واحد ثاني يكول لا خلي قربج راح يعذبة اتأكد . فعلا مريضا نفسيا .. ردت اوكع لزمتني نضال نغم نغم. كافي كافي نغم . تنتقمين من نفسج ومن هذا المسكين تدرين .. لكيتة يمشي بالشارع . ويحاجي روحة. وهوة الي كلي اخذيني الها . بحجة اني جايبتة الج يحبج والله يحبج . ساعات احسدج عليه .. احسان محبني هذا الحب كلة .. هوة سامج ونسى كلي الي صار وحتى علاقاتج وشغلج بذاك المكان يعرف بيها ورغم هذا سامحج ونسى ولليوم منساج احسان من اول غلطت طيش راح واختفى ومادري وين راح ولابين اثرة اتمنى احضى بي المحة اشوفة اشم عطرة اشوف عيونة وحواجبة الي قاطبهن والي متروح من بالي .. تدرين اني بمكانج اليوم شاسوي انسى الدنيا والي بيها وارجع انام بحضنة وبين ايدة اغفى .. واتنفس الهوة الي يتنفسة .. بس وين ويييين الكاه . راح وماالة اي اثر .. فكرج مدورت ولاسألت علية . لج ليل مانام .. بيوم الي اشوفة بالمنام عندي عيد .. واكعد طول اليوم اذكر الحلم واتأمل بي واتخايلة يمي واحاجي .. بسسس بسسسس نضال .. بسس .. شنو بسس .. انتي بسسس ياللله عليج من قوووة وصلابة لج الحديد يلين من الي صار وانتي ولا نهزيتي . شنو هل القساوةة . كافي نضال كافي بس تعبت . لوم لوم .. لوم ..تعببب .. ندمم ..ياريت ولو جنت .. كافي بس طلعو من راسي وتفكيري ع العموم .. نغم اني اجيتج اليوم ..اريد منج شغلة يمكن هاي اخر شغلة الله العالم ل. اشوفج بعد لولاء .. اخخخ نغم حتى اتصال ماكدر اتصل عليج لو صرتي هناك .. من خلالي راح يندلوج .. فجيتج .انطيج امانة امانة يي امانة .. هاج .. هذا نسخة .. من مفتاح بيت احسان خلي عندج .. هاي الدنية صغيرة بلكت لو شفتي .. انطيهياه وكليلية هذا البيت من نضال .. الك وتكول لتردة ..موجود ع وضعة .. بي ناس فقرة ع كد حالهم . حطيتهم بي لوجه الله .. واذى مشفتى نضال هاذي امانة والامانة صعبة .. لالا تشوفي انشالله تشوفي منو يدري ترجعين تجين واتشوفي الة هناك .. ويجوز اني .. هيج هيج شنو انتي نضال .. ماكو هيج لتخلين بالج .. المهم الي كتلج عليه سوي واذى ملكيتي .. البيت يبقى وقف لهذولة الساكنين بي واذى تحولو .. يصير من حصة ياسين هوة اولى بي حضنتها بعيون مليانة دموووع جنت احضنها واحس هاي اخر شي بيناتنة جانت تشهگ وتبجي .. واني احس كلبي راد يوكف من كم الام والوجع الي بي تخايل .. اتأمل اعز ثنين بنفس اليوم تودعهم الحبيب .. والصديق الاخ .. شعور يوجع .. يألم .. يجرح .. ليش دائما احنة نختار نبعد عن كل الي نحبهم ساعات بأرادتة .. وساعات الموت هوة اليوكف حاز مابينة ليش ليش هيج الدنيا توجع بينا .. ليش نبعد كل الي نحبهم .. ليش ضروفتة تتعاكس ويانة .. وتخلينة نسوي الي منريد نسوي .. مثل نختار الابتعاد واحنة گلبنة يتقطع ع انو نكون قراب من بعض .. الدنية .. قاسية ويانة .. لو احنة قاسيين وية نفسنة .. لو القدر يلعب دورة ويانة ؟؟ اشياء هواي تترسخ بمفاهيمنة . مالها اجوبة وتبقى علامة ؟؟ ع كلشي بحياتنة طلعت وراحت .. واحس روحي طلعت وياهاا رجعت لغرفتي كمت احس المح طيف سرمد يفوت من يمي .. وهوة جاي من برة .. ويوكف بلباب ويبتسملي اباوع ع طيف سرمد كبالي مثل العارض السينمائي هاي اني .. وهاي سرمد طب علية للغرفة ويبتسم .. وشايل وردة حمرة واني كاعدة كبال المراية . اسرح بشعري وانحنى علية وحط الوردة الحمرة يم اذاني وسحبني من ايدي وحيل غمرني ولمني بحضنة واحس بي حيل يحضني كأنو يريد يطببني بصدرة بداخل روحة .. وبقة يشمشم بية .. ويوزع بوساتة ع وجهي ويحاجيني بهمس .. احبج .. احبج .. بصوت مليان حب بصوت انفاسة الي تحرك وجهي وروحي 124 viewsㅤㅤㅤㅤㅤㅤ, 17:54
