تصفح جرب البريميوم اشلاء محطمة من قبل ZozaZoza8 باارت 26 ، والاخير .. 4.3K 377 113 بواسطة ZozaZoza8 اشلاء محطمة زهراء الطائي البااارت الـ ٢٦ .والاخير _اما بخصوص الناس الكاعدين بي فانتة حر . ترة اني شفتهم خوش ناس ع كد حالهم طيبين تريد تطلعهم تبقيهم للاجر . براحتك البيت بيتك _ع بختج صدك تحجين انتي . يبقون طبعا اني الحمدلله الله كرمني ومامعتاز _يي الله يجزاك خير انشالله ويكثر خيرك _هذا البيت يبقة وقف لكل محتاج . وبثواب روحها الطيبة . عمرها كلة مضلومة . جانت تحلم بعائلة وجوو دافي . ماتت ومحصلت الي تريدة يحجي بحسرة وانكسار والم ولوم . يطلعن وية كل تنهيدة الله يرحمها . هاهية وصلت الوصية والحمدلله .. بس انتة لازم تروح للكاعدين بي .. امهم مرة جبيرة وطيبة وتخاف الله وتحلل وتحرم . تريدك تكللها محاللة وانك راضي تكعد بلبيت . اوحتى تدفعلك ايجار . بعد انتي وياهم تتفاهم . واكيد تندل المكان لو نسيتة .. ههه ينسي اووووف ياگلبي اووف . شوفي اكلج شغلة .اني صح رجال دغري وماحب سوالف الحبجيات والرمانسيات . بس عندي كلب لو حب ميكره ولو عشق مينسى معشوقة . لليوم الله شاهد علية هية محفورة بگلبي حفر .. بس شسوي الحياة اتلهي وتخلي بنيادم ينسى روحة ويهتم بالحواليه . .بس اريد اندل المكان المدفونة بي .. يي تأمر ادليك وكت متحب .. .. رحم الله والديج . ومتقصرين والله يكثر من امثالج ع الامانة والصدقة والروح الطيبة العندج .. مشكور خوية هذا حگ واجب . ومنا ورايح بضاعتي كلها منك بس هاا هم هل هلة بية هههه. ههههه ع بختج ام ياسين بعيوني المكان كدامج شيلي وامشي الله يكثر خيرك .. مع السلامة بلسلامة اغاتي .. طلعت منة مرتاحة نوعا ما حياتي ترتبت عم بيها الهدوء ولاول مرة .. ارتاح مبدأين الشغلة اخذ كل وقتي وكرست حياتي بي .. مفكرت بشي ثاني .. مجان عندي مهم شكد احصل لو شكد راح اخسر لا جنت الاقي متعة بكل شي اسوية والمفرحني اكثر .. انو اكثر من عشر عوائل فقيرة معيش جنت مااوضف بس المحتاج .. اروح بنفسي واشوف احوالهم يلة اشغلة العاملة .. والايام تعدي والسنين تمر فديم ياسين كال صيف والجوو حلوو .. تعالو يمنة انتي وبيبي شعدكم هم تغيرون جو وهم مشتاقين وايودي يسأل وين بيبي مشتاق وكبر ولانة هم اتشوفوها ياسين جان يجي بس بلاجازات صارعندة ايودي . مؤيد . ونغم . بس احنة ولامرة سافرنة .. امي تعبانة حيل ومريضة ومعلعلة ع كرسي متحرك متكدر تكوم واذى كامت تخطي خطوتين وتوكع .. وكليوم تصيح . ازوجي اريد اشوف احفادي .. واضل اضحك يمة يااحفاد دخيلج .. بس بعدها بوعيها والله اخذت امي ورحنة . نكضي كم يوم ونرجع التقيت بمرت ئازاد .. جانت صديقة الي من سنين طويلة .. يامة شكتلي وحجتلي واني بعد يامة شكيتلها وحجيتلها قصتي من الاول للخير من شفتها فرحت اخذتها ورحنة مكان .. كل مرة نروحلة .. مكان عام .. كلش حلوو . والطبيعة الخلابة والاجواء ولابالخيال بحيرة . بيها بجعات بيض يسبحن والاشجار الخضرة عبالك مغسولة متعلمين نروح هناك ..اكو مساطب نكعد عليهن .. بدت تحجيلي . وفرحانة . انو ئازاد الحمدلله اشوية متغير نحو الاحسن .. بدة يهتم بية وباالاولاد .. حيل فرحتلها . وداخلي كلت الحمدلله الي سافرت جان وجودي اضاهر ماذي هل البنية .. مخليت شي مكتلها عليه وسالتني ع .. سرمد .. مشفتي تستمر القصة أدناه .. نغم سرمد ملتقيتي بي يعني شفتي احسان مشفتي الة .. ههههه يكمن اذى اكلج متصدكين لااكيد اصدك. بس گولي .. يي شفتة .. وتصوري وين .. وين .. رحت اسوي معاملة ترخيص مال المعمل الي كتلج علية .. يي ولگيتة الة وبالصدفة .. يم المعقب مال المعاملات .. جاي بشغل .. جان لابس زي عسكري وبرتبت ملازم .. لالا بشرفج .. وربي مصدك من شافني .. يالله لو تصدكين شكد جنت مشتاقتلة .. يي وسلم علية وسلمت علية وبقة يسالني وين ماوين كتلة سافرت مثل متعرف .. كال يي . وهسة رجعت وياسين شيب راسي يلة قبل نرجع ضحك وكال يي طول عمرج عنيدة وراسج يابس اني حاولت امنعج من السفر بس ماكو فايدة تريدين ياسين الولد الفقير يمنعج .. گوية .ههه لااا عاد بهاي صدك عندة حق .. هههه و لج المهم طلع مزوج .. وعندة ولد ثنين ماشالله ولدة شباب .. لاااا وسفة عبالي ترجعون .. لج شنو نرجع اكلها الرجال مزوج ولدة شباب وتكلي مترجعون .. حبيبتي من الاول مصار نصيب هسة راح يصير يعني .. يي هم صدك . بس داگول شفتي بحياتج عاد لازم بالنهاية ترتاحين وترجعين للحب الاولي .. هاهية حبيبتي سهاد هاهية العمر يمشي مواكف ع احد بس كل واحد بينا لازم يخطط صح كبل كل خطوة يخطيها وليخلي الانتقام حجة لتصرفاتة الطايشة 424 viewsㅤㅤㅤㅤㅤㅤ, 18:01
