بهيج حالة مراح ايأذي احد غير بس يأذي روحة ويأذي الي يحبهم .. و | #روايات و#قصص #عراقيه #واقعيه
بهيج حالة مراح ايأذي احد غير بس يأذي روحة ويأذي الي يحبهم .. ويكضي عمرة كلة بتانيب الضمير. وهم مراح يعيش المهم ياعمري .. اني هسة عندي ياسين بالدنيا كلها هوة واولادة . ع الرغم هوة مو ابن بطني بس ربي يشهد شكد احبة كانو ابني من صدك .. حياتي .. انتي امة ميحتاجلها كلام .. الام الي تربي وتتعبت وتسهر وتكبر . مو الي جابت .. الحمدلله راضية بقسمتي . زين وشحجيتو بعد منا منا سولفيلي ابد محجينة شي هههه مجرد سلام وكلام ونطاني كارت كال اذى اي شي عندج معاملة شي اني حاضر ولدوخين روحج وتشكرت منة وطلعت هوة راح واني رحت وتصوري طلع يعرف مكان فيروز كال يي مرة القنة القبض ع شقة جانت مشبوهة . وهية طلعت الرئيسة بس هاي من سنين وهية .. وللاسف .. طلعت نفسها المرة الي تجدي بالشارع الي كتلج عليها .. حاولت اساعدها وانقذها من الي هية بي بس رفضت وبشدة .. الي فتهمتة عقلها مفوت ومتقبل مساعدة من احد هية متعلمة ع الشارع والكل يعرفها .. حيل نقهرت من عرفت سالفتها ونهايتة حيل مؤلمة بس ميأست حاولت وياها .. بس جانت تعاني من مرض نفسي .. الي صار بحياتها مو هين .. سبب اذيتها هوة طريقها الاعوج ياما نصحتها بس مفاد الى ان خسرت حياتها واهلها وربها بس حيل تعبت متحملت اتركها بالشارع .. اخذتها مصح نفسي تتعالج وتعيش هناك .. احسن من حياتها بهذي الطريقة جانت عدوانية . بس الحمدلله نوعا ما ارتاحيت عرفتي ياعمري .. هاي قصتي .. وقصة الصديقات الااا... صوت اطلاق نار عالي احس اذاني رادت تنفجر من قوة الصوت وقربة مني ماعرف شصارلي درت ابااوع نغم واكعة وغركانة بالدم كمت من مكاني واعيط ياناس ياعلم .. كمت اضرب ع وجهااا اباوع طلقة بنص ضهرها نغمممممم حاولت تفتح عيونها ومادري شتحجي بس الفهمتة كالت اتصلي ع ياسين اتصلت ع الاسعاف وكبل ع ياسين ربع ساعة وياسين فوك راسنة وهية كوة لازم نفسها من الموت اجة مثل المخبل يمة. يمة حبيبتي لتعوفيني دخيلج يمة ويبجي مثل الطفل يخاف امة تعوفة وتروح ويبوس بأديها منو يااحقييييير ياكلب الي سوة هل الفعلة الدونية منووو يتجرء ويضرب روحي جنتي منوووو كوة تطلع الكلمات من جوة لسانها .يمة اني اخذ بثارج بس كولي منو . لالا اول خابروو ع الاسعاف يلة بساع .. ياسين اتصلت لتشغل بالك جايين .. ابني حبيبي . يمة بس كوليلي من هيج سوة منو اسمعني لتفكر بشي هذا ثار قديم ونأخذ جانت تحجي بصعوبة والحرروف يادوب يفهمون .. شنو ثااار بحياتي كلها مشفتج اذيتي احد حتى ياخذون بثارج يمةةةة الخاطري كومي ماسوة شي بلاياج . لايمة لا هل الثار قديم مو هسة من بدايت حياتي بس اسمعني وليدي . بيبيتك امنة عندك . ترة ماعدها احد غيرك اذى تريد ترد المعروف . راعيها والك اجرك وثوابك انتي شتحجين . بعيوني انتي وياها اخليكم . انتي راح تعيشين وتزوجين ايودي ونغومة الصغيرة . لايمة لا ..بس اسمعني البيت الي بغداد خلي للناس المحتاجة وهوة بالنهاية الك والمعمل . لتسدة وتبيعة حبيبي . لوتعرف كم بيت فاتح . خلي ع وضعة حتلو مو انتة تديرة . اكو وحدة ثقة امي تعرفها هية تكلك منو والتفاصيل .. عفية لتحجين هيج الله يخليج .. هاا شفتي وصلت وصلت الاسعاف وراح تعيشين .حبيب......................... يمممممممممممممممممممممممممةة ... ولج يووووووووووومم النهايةةة
كل وحدة بيهم حكاية الم وكل وحدة بيهم بحر غميج من الاحداث وكل وحدة بيهم مرة بصعاب صعب اي انسان يتحملة ...مااحب اتدخل بالسياسة وهواي امور سياسية ماحب اتدخل بيها ولا حبيت اتعمق بالامور السياسية .. بس بحثت وتحريت .. والقصة اجتني عن طريق صديق مقرب اما بخصوص ذاك النظام هواي عالم نغدرو وهواي نساء اعتصبوو بأبشع الصور .. وهواي راحو ضحايا ونغدروو بدون ذنب اوعمل .. ورجال ابن رجال الي يفك حلكة .. وبهذا النظام ايظا وبهذا الوكت نعيش حالة استياء اصعب والكل رايح بالرجلين وللاسف لليوم بعد محد مرتاح والكل عايش بدوامة الرعب هاا خاف نطلع بعد منرجع .. ها خاف دواعش هاا . خاف الحزب الفلاني ها الطائفة ووو. ووووووو ونبقة ونبقة عايشين بدوامة الرعب الرعب الي ملازمنة طول عمرنة من اجدادنة ولهذا اليوم الى متى الى متى الى ااااااااين يااااعراق يابلد الحضارت الى اااين كلها تريد تغتصبك .. والكل يريد ينهش منك من ذاك الحين ولليوم اتمنى لكم قراءة ممتعة واسفة ع اي خطىء صار . السحكات اقصد انشالله تعجبكم وتنال رضاكم . اي نقد اي تعليق اني حاضرة دمتم في رعاية الله وانتظروني بقصة جديدة ومختلفة احبكم زهراء الطائي
