تصفح جرب البريميوم تسجيل الدخول سجّل اشتراكك الأشيب من ق | #روايات و#قصص #عراقيه #واقعيه

  تصفح

جرب البريميوم
تسجيل الدخول سجّل اشتراكك

الأشيب
من قبل its_105


Part 20
37.2K 2.9K 2.4K

بواسطة its_105

-الكاتبة: سارة آل حـسن
Part 20
:-لا تنسون التصويت ومتابعه الحساب فراشات
5
________
...صباح شتائي بارد ممطر بخفه، كعد بـ كُل نشاط فتح الشباك استنشق هواء بارد نقي ابتسم بخفه وهمس وي نفسه
:-اوفيييششش
9
...بقى الشباك مفتوح وصار يمارس روتينة الصباحي كَمل ونزل بـكُل نشاط دخل المطبخ واردفت بـ ضحكه
:-احلا ثنين يـبلش بيهم صـباحي وجهج والمطر
5
...ضحكت بـخفة وجاوبتة
:-الله لا يحرمني شوفه هل ضحكه بـكل صباح
... تقرب طبع بوسه ع راسها واردف
:-عاشت ايدج الحنينة دانتعبج ويانه
نسرين: تعبكم راحه ع كلبي يمة
1
روار: فدوة نروحلج شمعة بـيتنة
...كعد ياكل بـهدوء ريوكه المعتاد من ايد امه، كمل وطلع من البيت متجهه لدوامه صعد سيارة وشغل اغنية هيثم يوسف (وينه هو) وصار يدندن وياها طول مسافة الطريق
15
...وصل متأخر للمستشفى طبك سيارتة بـ الكراج ونزل يمشي بـسرعة، حدائق المستشفى فارغة عدا شخص واحد كاعد ع مسطبة بطرف الحديقة مغمضة عيونها ورافعه راسها بـ اتجاه السما مبتسمه والمطر الخفيف ينزل ع وجهه ابتسم روار وحجه وي نفسه بصوت مسموع
:-اه يا هيثم الطريق كله تغنيلي وينه هو وهو طلع كدامي
2
..قطع صفنتة صوت صديقه تميم وهو يصيح عليه بصوت عالي
:-لك روار متبطل من التأخير
...اندار عليه روار وصار يمشي بـ اتجاه بسرعه وغنه بصوت مسموع
:-لك وينه هو كال اجي وما جاني
8
تميم: راح يجيك المدير يورك ور لعد اصبر
روار: الله يدري جووووز عاشر غيري
تميم: هااا طبكن من الصبح
2
روار: جووووز هسه ذايب بـ حب ثاني 
تميم: غير نفهم هو منو
روار: نصيبي المصخم الي مدايجي لهسه اكووو غيره
تميم: بعدك زعطوط ابني
روار: واخذ زعطوطه ونجيب زعطوطين ويانه
4
تميم: وتصيرون عائلة المزعطه
روار: ونكبر سوة وناس تربي ناس
2
تميم: اذا انت ابوهم اغسل ايدي منهم
روار: واحد انطي لامي واحد لخالتي يطلعون توب
تميم: ما ربوك لعد من يعرفون يطلعون توب
روار: فلت لـ حبل ما يكدرون بعد
1
...ضحك تميم وكملو طريقهم للـمختبر وبلشو بـشغلهم مثل كل يوم، بـنهاية الدوام كعد روار ساند ظهره وصاح بـ الم
:-لك ظهري انكسر انعل ابو الشغل
تميم: غدرونه اليوم خلوها براسنه
روار: وهاي العالم مدري شبيها كلها تمرضت فجأة
تميم: نصهم مابيهم شي استهتار الله وكيلك
...صفن روار واردف بحسره
:-شوكت استهتر اني وزعاطيطي
3
تميم: طاح حظك واني كلت شو شراح تكول ع هل صفنة
روار: عمي زوجوني شلون طلابه هاي
تميم: احد لازمك ومانعك تتزوج
روار: اي حظي المصخم مانعني 
تميم: فارغ انت بس تحجي من تصير للصدك تكول شبيها العزوبية تبزز
1
روار: بس ترا هي صدك تبزز
تميم: الحمدلله ودعتها اني
روار: وشتنصحني؟!
تميم: ابقى متبزز بالعزوبية احسن من ما ينزرب بيك بـ الزواج
2
روار: انجب احسن هو متزوج مرتاح ويكللنه لا تتزوجون، شبيك شهل انانيه تريد الراحة بس الك؟!
تميم: راح تندم
روار: احلى ندم بـحياتي بس زوجوني
4
...وخلص يوم روار الـمعتاد، وصار كل يوم أحد واربعاء يشوف البنية الي شافها بـيوم المطر كاعده نفس مـكانها، قرر يتقرب منها ويحجي وياها بـالرغم ما جان يعرف شنو مشاعرة، تقدم بخطوات ثكيلة منها واردف بهدوء
:-السلام عليكم
...رفعت راسها عليه متوترة
:-وعليكم السلام
روار: اسف اذا ازعجتج بس عندي سؤال انتي تشتغلين هنا؟!
..هزت راسها بـ لا، بقى يباوعلها روار ميعرف شيحجي وياها بعد قطعت صفنته من كالت
:-عدنه مريض هنا
روار: هاااا هيج لعد اعتذر ازعجتج بس لان داشوفج هواية فكرت تشتغلين ويانه
...هزت راسها وسكتت ما جاوبته رجع اردف روار
:-بـيا قسم مريضكم؟!
...بعدها ممجاوبتها اجاهم صوت ابوها وهو يكول
:-يلا قدس بابا تعالي
...كامت بسرعه من مكانها وراحت بـ اتجاه ابوها بدون متحجي او تباوع لـ روار، ابتسم روار واردف وي نفسه
:-ههههه شهل فطارية دخيل ربج حايط واكف يمج عفتيني وطفرتي
...صار يتلهف روار لـ يوم الأحد والاربعاء بس حتى يشوفها، كعد من الصبح بـُكل نشاط يمشي ويغني وي نفسه نزل للمطبخ كالعادة يم نسرين بس جان الأشيب موجود ضحك وصاح بصوت
:-لك خاااالييييي هاي منووو يمنه اليوم
...ضحك الأشيب وكام من مكانه حضن روار واردف بهدوء
:-اعرف مقصر وياكم بس تعرف وضعي
روار: الله يساعدك بس ترا احنه هم حقنه عليك نشتاقلك  ونريدك ويانه تشاركنه كعدتنه ليش مسويها فد مره
الأشيب: باقي يمكم هاي الفترة واشبع لعد
...تقدم روار باس راسه امه وكعد مقابيل الأشيب كالت نسرين بـضحكه
:-الكشخه بس يومين بـ الأسبوع