4 ...ضحك روار وكال :-ما تفوتج فايته يمه نسرين: احجيلنه شكو الأ | #روايات و#قصص #عراقيه #واقعيه

4
...ضحك روار وكال
:-ما تفوتج فايته يمه
نسرين: احجيلنه شكو
الأشيب: شكو يعني اكيد كاشخ للبنات
روار: لا والله مو للبنات لـ بنيه وحده
...ضحكو وكملو اكلهم بعدها طلع روار متجهه لدوامه بـلهفه مو حباً بـ الدوام بس حتى يشوف قدس، وصل من وقت وبقى واكف ينتظرها تجي لان متأخره
...مرت نص ساعه وهي ماكو تأفأف روار بـ ملل واردف وي نفسه
:-شلون وضعية تعبانه خرا بشاربة الما يرقمها اليوم
...اجا صوت تميم من وره وهو يكول
:-ها بوري من الصبح
2
روار: دنجب وعوفني بضيمي
تميم: يمكن ما تجي بعد
روار: وليش ما تجي
تميم: ليش يعني اكيد مريضهم صار زين
روار: يارب يتخربط هسه ويجيبونه
12
تميم: كوم كوم ماتجي بعد
روار: غطي مكاني شوية واجي
تميم: راح تنفصل لـ يكون بعلمك
روار: خل يفصلوني اجيبلهم الأشيب يحرك المستشفى ع راسهم
1
تميم: وجه كباحه الأشيب
2
روار: غير اخوية وسندي شلون لعد
...هز راسه تميم مأيس منه ودخل للمستشفى وعافه، مرت دقايق واجت قدس تمشي هي وابوها كعدت بنفس مكانها وعافها ابوها وراح مثل كل يوم
..طفر روار من مكانه بسرعه وراحلها بدون مقدمات سألها بخوف
:-ليش تأخرتي اليوم؟!
6
...رفعت راسها عليه مصدومه وبين عليها التوتر ورجعت دنكت راسها بسرعه تتلافه نظرات روار الي اكلتها رجع اردف روار بـهدوء
:-قدس مو احجي وياج
قدس: عفية روح منا ماريد احجي
...كعد يمها ما اهتم لـكلامها وكال
:-اريد رقمج
18
...رفعت راسها عليه مصدومه وصارت تفرك بـ اديها وهزت راسها رافضه وجاوبته
:-ماعرف اني ليش انطيك رقمي
روار: حتى تعرفيني
قدس: حباب روح منا
روار: شوفي اني اسمي روار وصار شهر ونص مسلوك جدي واني كل يوم انتظرج هنا حتى اشوفج بس هسه الشوف مدا يكفيني واريد رقمج اريد احجي وياج حسي بيه
9
...ابتسمت بـخفه لـكلامه واردفت بهدوء
:-اول مره اشوف شخص صريح لهل درجه
روار: صريح وحباب وفقير ومن كل الصفات الزينه بيه
قدس: من مدح نفسه ذمها
روار: ههههههه طيرتي لزكه وجهي ترا
3
...ضحكت بـخفه وجاوبته
:-مو قصدي اعتذر
روار: وهسه شنو تنطيني رقمج لو لا
2
قدس: لا اعتذر
روار: ناوية تشلعين كلبي يعني
قدس: لا بس ماعرفك
روار: وشلون تعرفيني اذا انتي متقبلين تنطين رقمج
قدس: شتريد مني؟!
روار: ماريد شي بس اصدقاء
قدس: ماكو صداقة بين ولد وبنيه
روار: احنه نخليها اكو
...وبعد اقناع مستمر كدر روار يقنع قدس ياخذ رقمها وصار كل يوم يحجي وياها بـ نهار وبـ الليل لـما تعلق بيها وصار يحبها بس انكسر كلب روارنه من رفضتة قدس وجان جوابها اله
:-لا تخلف بـكلمتك خلي تستمر صداقتنة
5
روار: شوفي مدا ادور علاقه وياج اني بس كولي اي باجر اني واهلي يمكم وعيونج
قدس: ماريد اتزوج اني
روار: ليش
قدس: اكو اشياء هوايه متعرفها انت
روار: احجيلي لعد
..جاوبته ببكاء
:-انت تعرف ليش قدس يومين بـ الاسبوع هنا
روار: لا لان سألتج وما جاوبتيني
قدس: لان المريض اني
5
...بهتت ملامح روار وسألها بخوف
:-ليش شبيج؟!
قدس: عجز كلوي وكل اسبوع اني اغسل كليتي مرتين، شكد اريد اعيش شهر شهرين سنه راح يجي يوم واموت المن متزوجة وكاسرة كلب شخص ورايه
14
...بقى روار يباوعلها بـحيرة وقهر وجاوبها بصوت يرجف
:-ليش ما حجيتي من البداية
...بقت ساكته وتبجي تقرب لزم ايدها بس سحبتها منه بسرعه ونترت بي
:-لا تلمسني روار
روار: احبج قُدسي
2
...زادت قدس بـ البكاء، لسانها يحجي شي ودموعها وعيونها يحجن شي ثاني، وزادت كسرة روار من عرف بـمرضها وعاش 6 اشهر بـ عذاب وهو ينتظر حبيبتة تموت
6
...توسل بيها يزوجها راد يعيش وياها الفترة الي باقيتلها بس قدس رفضت وصارت تتجنبه وتحاول تكطع علاقتها بي ومرت 6 اشهر ثانيه ورجع روار ما يشوف قدس اله من تجي للمستشفى وزادت جياتها صارت بين يوم ويوم تجي للغسل الكلوي
...بين المرض ع ملامحها وزاد تعبها فتحت عيونها بتعب وهمست
:-شسوي يمي
روار: ليش اني اكدر افاركج
قدس: راح تتعذب هيج روار
روار: متعذب وميت بدونج
قدس: عفتك حتى تنساني
روار: انتي علاج مرضي شلون انساج
قدس: بس اني ماعندي علاج لمرضي
...دنك راسه يحاول يسيطر ع دموعه رفعت ايدها بتعب ومسحت ع راسه وهمست
:-راح تموت قُدسك
7
...نزلن دموع روار متعذب وهو يشوفها صدك داتموت كدام عينه وهمس
:-اخذيني وياج قدس المن عايش اني وراج
15
...ابتسمت قدس واردفت بهدوء
:-راح ادعيلك الله يبرد كلبك وتجي الي تعوض مكاني وتجبر كسرتك الي راح اعوفها اني
12
روار: ماريد قدس ماريد هيج، ادعيلي الله ياخذني واجي يمج
2
قدس: رواري
2
...جاوبها بغصه
:-عيون روار
قدس: قدس هواي تحبك
13
...حضن ايدها وبجة بصوت مسموع واردف من بين شهكاته
:-لج ليش تعوفيني لعد من تحبيني ليش تركتيني كل هاي الفترة وما خليتيني اشبع منج