6 ...سكتت قدس تعبانه ماتكدر تجاوبه وهو مستمر حاضن ايدها و يبجي | #روايات و#قصص #عراقيه #واقعيه

6
...سكتت قدس تعبانه ماتكدر تجاوبه وهو مستمر حاضن ايدها و يبجي، وبعد اسبوع فارقت الدنيا وتركت شخص مكسور بعدها
26
روار: كدام عيني شالو تابوتها ماكدرت ابجي واحضنه ولا كدرت اعاتبها واحجي وياها و اودعها، بقيت اباوع من بعيد واني بحسرتها، شفتها بـعيني من نزلوها للقبر ودفنوها ومن يومها اني دافن كلبي وياها
12
..مسحت دموعي وجاوبته بصوت مخنوك
:-الله يرحمها ويصبر كلبك
3
..بقى ساكت روار ومدنك راسه ندسته بكتفه واردفت احاول اغير مزاجه
:-بس تعرف شي صرت اخاف منكم
2
روار: ليش
مورفو: ياهي التحبونها تموت صرت اخاف ع نفسي
12
...ضحك وكال
:-افلتي بـريشاتج لـعد
مورفو: ههههه هم هيج اتلاحك نفسي
..بقى ساكت ومبتسم تقربت منه واردفت بابتسامه
:-ما راح اكول للأشيب ع هذا حديثنه وانت هم لا تكول
روار: لا راح افتن عليج اكله حجت كل سوالفكم
مورفو: لا حباب
روار: ههههه اشاقة وياج ماراح احجي شي
مورفو: كفوووو من شاربك بس باوع اريد اكلك شي
روار: كولي ماكول لاحد
مورفو: من تروح للنجف اخذني وياك
روار: ترحين لاهلج؟!
مورفو: لا لا اهلي هنا مدفونين بديالى بس اريد ازور بحياتي ما رايحه
روار: صدك والله
مورفو: اي والله
روار: لعد نروح فد يوم كربلاء ونجف وحله اشبعج زيارة
8
...ضحكت متحمسه وجاوبتة
:-اييييي فدووووة
2
روار: اخر مره رحنه امي وورده ودينا واني، ورده ودينا فضحنه لابسات عباية وميعرفن يمشن بيها تسحل وراهن كنسن تراب النجف وكربلاء كله بعبايتهن
8
مورفو: ليش هي لازم البس عباية
روار: لا انتي امشي هيج عادي عبالهم كلوب برتقالي
3
مورفو: لا تعيييييييب الازرك
1
روار: اخخخ كل هل جمال وازرك
مورفو: ايع شكد معجب بنفسك
روار: يا اخي حلووووو من حقييييي شهل عالم هاي
7
مورفو: زين باوع اريد حبشكلات
روار: الأشيب يجيبلج
مورفو: نايم واني اريد هسه
روار: خوش روحي اخمطي فلوس منه وتعالي وها احسبي حسابي هم
2
مورفو: شكد اخمط
روار: ايدج وما تمد
...عفتة وكمت صعدت للغرفه الاشيب نايم ماكدرت اخذ فلوس بدون ما اكله، رحت ندسته ع كيف وحجيت ويا
:-عموو اكعد محتاجتك
1
_امممم
مورفو: اكعد حباب اريد شي
...فتح عيونه حمر وكال
:-شمحتاجه بابا
...قدمتله محفظته واردفت
:-فلوس
الأشيب: اخذي بنياتي ليش تكليلي
مورفو: انطيني انت
...سحبها من ايدي فتحها وكال
:-شكد تردين
مورفو: الف وربع
2
..عكد حاجبه وكال
:-شني هاي الف وربع شسوين بيهن
مورفو: الف الي وربع لروار لان راح يشتريلي
21
...ضحك وكال
:-حتى تبارك ما تقنع بالربع مو عاد روار
...غلست وصرت اغنيله
:-هاتو الفلوس الي عليكم
3
الأشيب: شهل اغنيه هاي
مورفو: متعرفها؟!
الأشيب: لا
مورفو: انت ما قاري زين لعد
...نطاني فلوس وكال
:-مره ثانيه شكد تحتاجين اخذي مو اله تكليلي
مورفو: شكرا فدعوس
...عفته وطلعت نزلت ع روار وكفت يمه واردفت
:-ما نطاني
روار: ليش
مورفو: ردت الف وربع وكال ماعندي
روار: نجي عليهن وحده وحده اول شي شو بس الف وربع ليش
مورفو: الف الي وربع الك
3
روار: نتحاسب عليها بعدين وثاني شي جايه ع الأشيب دورين منه الف وربع لج بابا هذا دوري منه كله ابو الشايب
3
مورفو: ع اساس انت ما تتعامل بـ ابو الشايب
روار: اتعامل بـ الف وربع اني
...ضحكت عليه ورفعت ال25 بوجهه واردفت
:-لا ترجع ولا ربع منها
4
روار: لج كفووووووو هسه صرنه نتوالم اني وياج
2
مورفو: واهم شي جيبلي ابو السلابيح
روار: اييععع شنو هذا
مورفو: بلنكووو عزيزي
...دخل عزيز للصاله الجكارة بحلكه سلم وكعد بالصالة، روار خمط الفلوس من ايدي وطلع كال عزيز بابتسامة
:-حلوة هاي عزيزي
36
...بقيت صافنه عليه ماحجيت شي توسعت ابتسامته وكال
:-يصير حلو شكلج من تصفنين تحاولين تستوعبين الشي
2
مورفو: اي شكرا الله يحلي ايامك
عزيز: وشلون تحلى؟!
مورفو: حطلها شكر
20
...ضحك وسكت، طلعت خاله سهاد من غرفتها ابتسمت من شافت عزيز واردفت
:-هلا يمة شوكت رجعت
...كام من مكانه باس راسها واردف بهدوء
:-هاي جيتي يمه
سهاد: جوعان يمه اسويلك اكل
عزيز: لا الغالية تسلمين
سهاد: ليش ما اشوفك هل ايام وين داتروح والله بالي يمك
عزيز: شغل يمه ملتهي
سهاد: الله يساعدك يبعد امك
...كعد يمها وحضنها وبقى يحجي وياها ويضحك رفعت ايدها ترتب بشواربه ضحك وكاللها
:-شلون يعني ما تعوفيهن بحالهن
1
سهاد: ولك يمه ما يضوجنك مو تحسهن طوال
عزيز: لا مابيهن شي
...ابتسمت اني واردفت
:-جان بابا الله يرحمه نفس الشوارب عنده والنهار كله امسح عليهن بحيث يكلي راح يخلصن عوفيهن بس اني احبهن
12
سهاد: تعالي امسحي ع شوارب هذا الاغم بلكت يخلصن
30
عزيز: شبيج عليه اليوم الغالية
سهاد: كصهن يمه كصهن
مورفو: ترا حلوات خاله ليش يكصهن
سهاد: اني جنت ماخلي ابوك يخلي شوارب لو لحيه ما احبها ابد