مدونة كامو للروايات والقصص

2022-05-18 06:07:49 -هو فيه حد يقدر يسأل قلبه ويقوله " أشمعها " ؟
سألني تاني بنفس نبرة وكله أمل
-حبتيني؟
-أنا خدت عهد علي نفسي زمان مقبلش بحد الا وقلبي يكون راضي عنه .
-قلبك راضي عني ؟
حركت رأسي بخجل
-أيوه ،حتي لو أنت محبتنيش.
-مين قالك إني محبتكيش كل كلمة قولتها في الندوة كانت من قلبي
مسك إيدي حطها علي قلبة
-من ساعة ما دخلتي حياتي وهو بيدق بالشكل ده
عيونك ،ضحكتك، طيبة قلبك ، كل حاجة فيكي خطفوني كله كوم وعيونك كوم.
-بتحبني زي ما أنا؟
-بحبك علشان إنتِ إنتِ وبس.
دخلت الشقة جريت علي أوضه ياسين كنت فرحانه وعاوزه أحضنة
-فين ياسين مش في أوضته يا عبد الرحمن؟
- وحش ماما خدته يبات عندها.
-بس أنا مبعرفش أنام من غيرة أنا هنزل أجيبة.
شدني - تعالي هنا إنتِ راحه فين ؟
-هجيبة .
-أقعدي هنا كده متخلنيش أرتكب جناية مش فيه زوج هنا محتاج حُب و حبه أهتمام وحاجات كتير كده فوق بعض .
أبتسمت - هنسافر الأسبوع الجاي نعمل لياسين العمليه وبأذن الله هتكون الاخير وهيرجع معانا علي رجله، علشان خاطري؟
حرك راسة بنعم وهو بيقرب
- طيب الـ.....
-هششش.
مسك إيدي - لسه مشبعتيش أسألة ؟
حضورة وقربة كان واخد قلبي مخليني أرتجف وأنا ضعيفة قصاد المشاعر الصادقة
-لسه خايفة؟
حركت رأسي بلا
قربني ليه - طيب قوليها .
-هي إيه ؟
-بحبك .
أتحرجت وبصيت في الأرض ف ضحك بشجن وهمسلي
- أنا زوجك من حقي أسمعها !
كنت عارفة إنه مبيضغطش عليا بس بيلاغيني علشان أبطل أرتجاف بس العيبة علي قلبي اللي حب حياة الكبار ونفسة يعبر عن اللي جواه ويصرخ ويقول
-بـ......
قبل ما أكمل وقفني وهو بيبعد بضحك
-يوووه فكرتك هتعنديني وأفضل أقولك قوليها تقوليلي لاء أقولك قوليها تقولي لاء لحد الـ...
قاطعته وأنا بصارع قلبي اللي بيدق زي الطبل وأنا بفك الطرحة ،شلت التوكة ف نزل شعري علي ضهري
-بحبك
بحلقلي وهو مُبتسم ،واحده واحده قرب مني
لحد ما حط إيده علي شعري يمسده بحنان
-كده تغفلي قلبي يا ست الناس، بالراحه عليا وقربي مني ايوه كده، سمعهاني بقي علي مهل.
حطيت إيدي علي قلبي وانا بتنفس بسرعة كان مقرب مغمض عيونة مُستمتع شغوف وجميل خطفت بوسه من علي خده علي غفلة وهمست بتمهل
-ب ح ب ك
وصلني صوته وهو بيشلني بيلف بيا بسعادة
-يا وعدددي
#حكايات_عبد_الرحمن
#أميرة_ماهر باز کردن / نظر دهید

2022-05-18 06:07:48 بصتله كان الجو ضلمه أتسحبت واحده واحده وخرجت ف خرج ورايا
-إنتِ مغصوبة عليا يا أميرة؟
-أنت مغصوب عليا ؟
-طبعًا لا.
-يبقي كمان ولا أنا .
-حاسك مش سعيده بجوازنا؟
-أنت سعيد ؟
ضحك - هتفضلي ترديلي السؤال ب سؤال.
-هروح أغير وأنام مع ياسين تصبح علي خير.
وقفني- أميرة !
لفيت- نعم ؟
-مش حابة تقعدي معايا ؟
-عاوزه أنام .
قرب مني وضم خدي بكفه الكبير وقرب واحده واحده لحد ما باس خدي التاني
-نوم الهنا يا صاحبه عيون الغزلان
كان قلبي أنا علي الأرض منه ،جريت من قدامه بخجل مش يراعي إني لسه صغيرة إزاي يخطف قلبي بالشكل ده غيرت وصليت ودخلت نمت مع ياسين
ورده كانت بتمشي علي خدي أول ما فتحت عيني نقلها بسرعه علي وش ياسين
-صباح الخير
أرتبك - أنا متعود أصحي ياسين علي ورده .
ضحكت وقومت
-راحه فين؟
-بسيبلك مجال تصحي ياسين.
شدني بسرعه - ياسين مبيصحاش دلوقتي الساعه لسه خمسة.
-طب وأنت جاي تصحية دلوقتي ليه ؟
-تعالي معايا.
شدني لبرا في الصالة ووقفني قصاد السفرة
-عملتلك فطار .
-مبفطرش بدري كدا؟
-إنتِ مكلتيش أمبارح.
-عاوز إيه يا عبد الرحمن؟
-عاوز أتكلم معاكي.
قعدت علي الكرسي - سمعاك
-إنتِ هنا ليه ؟
-مش فاهمه السؤال؟
-أقصد وافقتي علي الجواز ليه ومتقوليليش علشان ياسين .
-لو قولت مش هكون بكدب.
-يعني ياسين هو السبب الوحيد؟
-لاء.
قعد جمبي
-إيه السبب التاني؟
-لو قولتلك هتتفهمني؟
أبتسملي بحنان- جربي ومش هتندمي.
-علشان محتجالك.
-نعم!!
-متتخضش كدا .
-حبتيني؟
أبتسمت بكسوف وأنا بداري وشي
- مش لدرجه حُب.
ملامحه أتغيرت للضيق
-أمال إيه؟
-قولتلك محتجالك.
-يعني إيه محتجالك؟
-يعني زي ما أنت أتجوزتني علشان ياسين أنا أتجوزتك علشان محتجالك ،هقوم أشوف ياسين.
لما خرجت تاني من الأوضة كان نزل فضل يومين متجنبني "يعني كان عاوزني أقوله بحبك وهو مبيحبنيش" بدأنا ناخد علي بعض واحده واحده بدأ هو ياخد رأي في كل حاجه تخصة وأنا بدأت أعمل زيه مكنتش خايفة كنت مرتاحة كنت فرحانه وجوده في حياتي كان مطمني ومفرحني
-القميص ده أحلا ولا ده ؟
-الأسود بيكون عليك جنان .
-طيب إيه رأيك في أخر فيديو عجبك؟
-أنت دايمًا متفوق.
-هروح أجيب ياسين من الحضانة وعدته إني أنا اللي هاخده النهارده أجبلك حاجة وأنا راجع؟
-هتلي سلامتكم.
-قول الصراحة الأكل مظبوط متجاملنيش من فضلك؟
فضل ساكت وبعدين أبتسملي - أوووه إنتِ كده بتنافسي ست الكل.
-نفسي أشوف شعرك؟
-لما أحس إني عاوزه أعمل كده هعمل من غير ما تقولي.
-الشغل كان مُتعب النهاردة
-لا عاوزين همه ونشاط أعملك كوباية عصير فريش
-من حقي أرجع ألاقيكي مستنياني ..أقصد الاقي ياسين مستنيني
أبتسمت -بتغير من أهلك يا عبد الرحمن مرات عمي بتحب تشوف ياسين كل يوم أنت عارف
أصحي وأنا نايمة في حضن ياسين وهو واخدني في حضنة
-أنت بتعمل إيه؟
-بحضن ياسين حبيبي جيتي إنتِ في سكتي أقول لاء؟
-قولتلك الفستان ضيق متلبسهوش تاني !
-مش ضيق أنت اللي عينك بتروح لبعيد.
-مخبية شعرك عرفت لونه وشوفته لما كنتي نايمة مع ياسين وأنا رأسي وألف سيف ألمسه
غمزتلة- بعينك.
-أبتسمي بسرعه.
كنت شايلة يا سين وبلبس البيت ومبمدلة في نفسي- أنت بتعمل إيه يا عبدو؟
-صوره عائلية تخطف القلب.
-لما بنضايق بنعمل إيه ؟
ضحكت رغم ضيقي ف شدني
- بنقوم نعمل أكله حلو تاكل ست الناس صوابعها وراها بتضحكي مش مصدقاني ده أنا حريف في عمايل الحلو.
ثواني إنتِ منيماه في حضنك بقالكم ساعتين ونص ممكن أعرف السبب؟
-عنده أرق يا حبيبي من تعب البرد.
-وأنا كمان .
-أنت كمان إيه ؟
-عندي أرق من تعب قلبي.
لحد ما جه معاد محاضرة جديدة ليه طلب مني إني أروح معاه مرفضتش لبست أحلي فستان عندي وأيدي في أيده دخلنا القاعة كان حجزلي في أول صف وما بين كل كلمة والتانية كان يرميني بنظرة وأبتسامة كانت بتتكلم عن الحُب بين الزوجين معرفش دي صدفه ولا قصد بس مع كل كلمة منه قلبي كان بيدق لما الأعداد طلبوا مني إني أطلع علي المسرح علشان يقول كلمته الأخيرة قرب هو مسك إيدي وطلعني باس رأسي وقال "وفي العلاقات تحديدًا ربنا بيعوض يا جماعة والعوض بيمسح كل سنين التعب بأستيكه أسمها الحُب والحُب بيتولد من الموده والرحمة بس الغريب بقي واللي مكنتش مُعترف بيه إنك ممكن تشوف بنت تقع في حبها من غير ترتيب تدخل تشقلب كيانك وتقلب كل ترتيباتك وتصحي تلاقي نفسك واقع في حُبها تسرق قلبك بنظرة وكلمة تخطفك حنيتها وطيبة قلبها ويا سلام لو ضحكت "
كنت بسيح جمبة من الكسوف والخجل رفع إيده وباسها وسط الناس كلها
-شكرًا إنك دخلتي حياتي يا أعظم زوجه في الدنيا
طول الطريق كان ماسك إيدي سحبت إيدي وقف العربية وبصلي
-خلينا نتكلم بوضوح ومن غير لف ولا دوران أنا عاوزك معايا.
-انا معاك.
-أنتِ جنبي مش معايا وكأنك خايفة تقربيلي أنتِ خايفة مني؟
حركت رأسي بلا
-أمال إيه؟
-مش عارفة
-إيه السبب التاني اللي خلاكي توافقي عليا ومتقوليليش محتجالك أنا عارف أنك أتقدملك ناس كتير وظروفهم مُناسبة أشمعنا أنا باز کردن / نظر دهید

2022-05-18 06:07:48 -عنده حق يا بنتي إنتِ إن شاء الله مش هتقطعينا ومش هينفع كل يوم تروحي بالمترو في وقت متأخر زي ده .
-اللي تشوفه يا عمي هضطر أستأذن أشوف وشكم بخير.
نزلت لقيته سبقني وقعد في العربية أول ما قربت نزل فتحلي الباب اللي ورا مهموش مظهرة ولا شكلة وهو سائق وأنا قاعدة في الكرسي اللي ورا
-إيه رأيك في ياسين؟
-زي الملاك الله يباركلك فيه.
وقف العربية ونزل جاب قهوه وأيس كريم مدلي الايس كريم
- شكرًا مش عاوزه
-عارف أنك بتحبية لسه فاكر حاجات بسيطه من أيام زمان
أبتسمت -شكرًا.
-بيتجاوب معاكي ؟
نظرة اللهفة في عيونة خلتني أبتسم بحزن يعني كان عارف سبب وجودي واحد بالذكاء ده صعب تضحك عليه
-خلي أملك في ربنا كبير مش أنت اللي بتقول إن لازم يكون عندنا أمل مهما ضاقت بينا الظروف؟
-ٱنتِ اللي كنتي في أخر ندوة ليا في القاهره؟
-أنا بحضر كل ندواتك.
أبتسم - الدكاترة عملوا كل اللي في إيديهم.
-يبقي سيب الأمر لصاحب الأمر هو اللي قدر ده وهو اللي كفيل بيه قادر يشفيهولك
-كلامك بيطمني.
-أنت كل كلامك علي مر السنين دي كان بيطمني وباخد من القوه إني أكمل .
-يعني ده رد جميل؟
-اللي بيتعمل لله مينفعش يتسمي جميل.
أبتسم ف أتشجعت
-مامت ياسين توفت بقالها أد إيه؟
ظهرت غمامه حزن علي عيونة
-وهي بتولده.
-يا حبيب قلبي .
-نعم؟
أتكسفت - أقصد علي ياسين والله.
فضل باصصلي وهمس
-عيونك ولا عيون الغزلان اللهم بارك
-قولت إيه العربية كانت معديه ومسمعتش؟
-متشغليش بالك إنتِ خلينا في اللي أحنا فيه
-اللي هو؟
- هجي بكرا أخدك بلاش تتعبي في الموصلات
-مش عاوزه أتعب حضرتك معايا أنا واخده علي الموصلات.
شغل العربيه
-يبقي معادنا إن شاء الله بكرا الساعه تلاته العصر.
-بس أنا بيبقي ورايا شغل.
-خمسة كويس؟
حمدت ربنا أنه نسي أخر مره أتقابلنا فيها علي السلم ،بقي يجيلي كل يوم الساعه خمسه أفضل مع ياسين في شقة عمي وعلي معاد رجوعي ينزل من شقته اللي في الدور اللي فوق يوصلني كنت بتعلق بياسين كل يوم عن اليوم اللي قبله بقيت أحسه جزء مني كان محتاج حنان ولعب محتاج يحس أنه طفل وجوده في بيت فيه ناس كبار مش مساعده يخرج الطاقة اللي جواه وفي اخر اليوم عبد الرحمن يجي يلعب معانا أكتر وقت بضحك فيه من قلبي كان معاهم
-أنا حاسس في تحسن.
أبتسمت لفرحتة
-أنا كلمت دكتور قالي أنه في عملية ممكن تساعدنا
-عمليات تاني لاء مش هسمح لأبني يتألم تاني
-بس ده هيساعده أنت كده بتأذيه مش بتحميه
-غيري الموضوع.
-امممم.
أتفضلي - ليه مبتجبلكش زي ؟
- أيس كريم؟ مليش تقل عليه .
-جيوب الأنفية بتوجعك لما بتاكله
أبتسمت-لسه فاكرة حاجات بسيطه من أيام زمان
-تعرفي إن عيونك حلوه أوي، شبه الأطفال
-ده غزل صريح لا أسمح بيه
-ولو قولتلك إنه حقيقه من قلبي
-.........
خيالي الغبي صورلي حياه لينا سوا ف أبتسمت غصب عني
وقف العربيه فجأة وبصلي
-تتجوزيني ؟
متصدمتش أنا كنت متوقعة من نظراتة وكلام مرات عمي كان بيمهد
-علشان ياسين؟
-هيبقي عيب لو قولت إن ياسين سبب من الأسباب؟
-إيه فكرتك عن الجواز؟
-تفاهم بين الأتنين ومودة ورحمه.
-والحب ؟
-بيتخلق من الموده والرحمه.
أبتسمت وبصيت للشباك
-ممكن توصلني يا أستاذ عبد الرحمن.
- حاضر .
اول ما دخلت الشقه لقيت ماما واقفه علي الباب
-موافقه يا أميرة قولي أه وفرحي قلبي؟
-إنت موفقة يا أمي؟
-ده يوم المونا يا بنتي راجل ونعم أخلاق ومكون نفسه وعنده اللي يرضيكي.
-وهو إيه اللي يرضيني يا أمي؟
-عنده الأخلاق اللي بتدوري عليها وسنه مُناسب ليكي كفاية فلوسة معاه تعيشك مبسوطه طول العمر كفايه هيأمنلك مُستقبلك لو خايفة من أبنه نقول لمرات عمك تربيه هي روحها فيه ومش هتقول لاء.
-إنتِ مصدقة اللي بتقوليه ده هي دي مقياس السعاده والإختيار المُناسب هتجوزه علشان فلوسه ومكانته؟!
-تعبتيني معاكي يا بنتي إنتِ موافقة ولا لا؟
سكت فتره وبعدين همست وأنا بضغط علي نفسي
-موافقه.
دخلت أوضتي بسرعة قبل ما أبوظ الدنيا عيط ،عيط بكل قوتي بكيت وكأن طعنت قلبي غدر بكيت وأنا بشهق وبهمس"مكنتش أقصد والله ما كنت أقصد أنا أسفة بس ضعفت مش كفايه أنك حاسس بالأمان عاوز إيه تاني؟"
بعدها كل حاجه حصلت بسرعة كتبنا الكتاب وأنا أكتفيت بيه أتحايل عليا نعمل فرح بس أنا رفضت
حتي الشبكة أكتفيت بديلة ومرضيتش بأي حاجه تانيه كنت بقولهم إني مش فلوسه ولا شهرته والجامعه اللي متخرج منها اللي أغروني ،مرات عمي أتحايلت علينا تخلي ياسين عندها لكني رفضت خدته ودخلت أوضته
-أنتِ كده بقيتي ماما؟
-عاوزني أكون ماما ؟
-ياريت يا ماما أميرة أنا معنديش ماما وهفرح أوي لو تكوني إنتِ ماما.
-شدته لحضني
أنت السبب التاني في وجودي هنا بعد قلبي الغبي، أه حبيته وشوفته مُناسب عيب، من اللحظه اللي رفع رأسه وبصلي فيها وانا حسيته سرق قلبي جالي وطلب إيدي أقوله لا؟
أديني أهوه جازفت وسمعت كلام قلبي علي الله مندمش كان نام في حضني وهو ماسك فيا بوست جبينه
-حتي أنت بتخاف يا ياسين؟
-و هو في حد هنا تاني خايف؟ باز کردن / نظر دهید

2022-05-18 06:07:48 -من زمان مشوفناش بعض هو سافر وهو عنده عشر سنين لما رجع شوفته مره كان تجمع عائلي وأتقابلنا علي السلم ..أقصد هو سلم من بعيد ألقي السلام علينا كلنا من غير ما يخص حد وبعدين راح قعد مع الرجالة .
-وإنتِ كانت عيونك عليه ؟
-اللهم أغزيك يا شطان تصدقي يا شيخه أنا غلطانة إني بتكلم معاكي .
-يوووه مش بوعيكي لنفسك لتقعي كدا ولا كدا !
-لا ياختي متخافيش عليا أنا كنت بلعب وقتها مع ياسين أبنة مكنتش فضيالة.
-إيييييه أبنه؟
كتمت بؤها- يلا يا رنا علشان نلحق المحاضرة فضحتينا.
دخلت كنت عارفة إن المُحاضرة النهاردة بتتكلم عن أختيار الشريك المُناسب، كنت مُبتسمة ببلاهه طول المحاضرة وكأنة بيوصفني بيوصف اللي أنا محتاجة واللي مستنياة كلامه طمني حسسني إني مش مستنيه وهم وإني هصحا في يوم علي حقيقة إنه أتحقق الحلم كان كلامة مُحفز أتحفر في قلبي ،كنت قاعدة في أخر القاعة علشان ميشوفنيش قال يعني هو لو شافني وسط كل الحشد ده هيعرفني وحتي لو عرفني إيه اللي هيجرا هيجي يسلم عليا ويقولي أنه مبسوط إني موجودة
-يلا يا أميرة الناس كلها مشيت.
مكنتش عاوزه أمشي كنت فرحانة وأنا قاعدة أحساس حلو لما تلاقي حد عارف يعبر عنك عارف يوصفك بكلام أنت نفسك مش كنت هتعرف توصف بيه اللي جواك.
-يلا .
وأحنا طالعين كان واقف بيمضي للناس علي كتابة الأخير مرينا من جنبة قلبي كان بيقولي أنه عمره ما هياخد بآلة مني ولأول مره قلبي يكدب بصلي فجأة وأبتسم ومن رجفتي بصيت للأرض وخرجت بسرعة وأنا بسأل نفسي هو فعلا بصلي ولا أنا بيتهيألي؟
دخلت أوضتي قعدت علي طرف السرير وأنا حاطة إيدي علي قلبي
-دي مجرد نظرة !
-إنتِ اللي سرقتيها.
-وهو كمان سرقها
-بس هو كان بيبص عادي
رفعت كتفي -وأنا كمان ببص عادي
الباب أتفتح فجأة
-هو أنا كل ما هدخل عليكي هلاقيكي بتكلمي نفسك زي المجانين؟
ضحكت - تعالي يا أمي .
قعدت جمبي - مرات عمك رنت عليا .
-أم أستاذ عبد الرحمن؟
-هو مين ده اللي أستاذ يا بت ٱنتِ الراجل لسه مكملش الخمسة وتلاتين.
-يكملهم بالهنا.
-بتقولي إيه ؟
-بقول وأنا مالي.
-مرات عمك طلبت مني أخليكي تروحيلها علشان ياسين.
-أبن عبد الرحمن ليه ماله؟
-الواد يحبه عيني من ساعة ما أمة ماتت وهو حركتة تقيلة زي ما إنتِ عارفة عمل عمليات كتير لحد ما عبد الرحمن صعب عليه ألم أبنة وقال كفاية كده وهيرضي باللي يجيبه ربنا
-وإيه اللي رجعة فجأة من ألمانيا؟
-الدكتور بتاع ياسين قال إن يمكن لما يبعد عن المكان يكون أحسن ليه ويتحسن.
-لا حول ولا قوة الا بالله الله يشفيهوله يارب بس أنا دخلي إيه مفهمتش؟
-مرات عمك طلبت مني أقولك تروحلهم كل يوم كدا كام ساعه تكلمية وتحركية كدا أنتِ مش دكتورة وعارفة.
-مش هو مش عاوز .. من وراه يا أميييي ؟؟
كتمت بؤي
-هصص إنتِ بتصوتي ليه يا بت هو أنا بقولك هنقتله أنتِ هتروحي تساعديه وأهو كله بثوابة
مكنتش مقتنعة بس قلبي كان بيقولي أروح، دخلت سلمت علي عمي ومراتة وبعدين دخلتله كان نايم زي الملاك رموشه طويلة زي شعرة الحرير اللهم بارك فيه لمحة سمار محلياه أظن يشبة لوالدة كتير في الشكل لمست شعره ف أبتسم قلبي دي أول مره ألمس طفل صغير من غير عيون تتربص عليا أخر مره كان بعد ولادة رنا صحبتي بشهر روحت زورتها ويومها شيلت طفلها الأول ساعتها سألتني بتلقائية
-مش مشتاقة للأطفال يا أميرة مش نفسك تكوني أم؟
الكلمة ضربت جزء ضعيف جوا قلبي مشتاقة الا مشتاقة ده أنا قلبي بيرتجف مع أول لمسه وأول ضمة وأول ضحكة لطفل صغير ده أنا بحلم باللحظه اللي هتكون فيها بطني مدورة زي البطيخ وأفضل رايحة جاية بتأمل في نفسي في المراية أقعد طول الليل أحكي مع طفلي اللي بيتخلق في بطني عن أول لحظه لينا سوا وقت ما يكون بين إيدي وجوا حضني هعمل إيه؟ أظن إني هطير في السحاب قلبي هيرقص علي طبول فرحتة وهيغني...
-طنط أميرة؟
كان بيبتسم ببراءة وأنا قلبي كان ضعيف خدته في حضني بشوق وكأنه متربي علي إيدي
-صحيت يا حبيبي؟
حضني أكتر جيت أبعد تبت فيا
-أنا هنا علشان نلعب سوا.
بعد بفرحة - بجد ؟
-لو حبتني هجيلك كل يوم أتفقنا ؟
-ياريت يا طنط أنا حبيتك أوي من أخر مرة لعبنا فيها سوا.
خدته في حضني تاني، فضلنا نلعب لحد الساعة تسعة ولما جه معاد نومه قولتله إني لازم أروح بس هو رفض
-ممكن يا طنط تحكيلي قصه؟
-قبل النوم يعني؟
حرك رأسه ف خدته في حضني وبدأت أحكيلة قصه كنت بلعب في شعرة لحد ما نام مكنتش عاوزه أقوم كنت حابة أفضل جمبة ألاعبة أخده في حضني وأساعده يحاول يمشي أتسحبت واحده واحده
-انا مضطره أمشي يا مرات عمي الوقت أتأخر
-خليكي يا بنتي ده بيتك بردو .
-معلش علشان مش عامله حسابي إن شاء الله مره تانيه.
-يا عبد الررحمن تعالي يا حبيبي بنت عمك أهيه مروحه.
كنت لسه هسألها بتناديه ليه بس هو وقف قلبي لما طلع من أوضة الصالون وهو بيسألني
-يلا .
أتلجلجت- علي فين ؟
-أوصلك.
أبتسمت - لا أبدًا ملوش لزوم هركب المترو.
-بليل كده؟؟؟
كان بيسألني بحده بلعت ريقي باز کردن / نظر دهید

2022-05-18 06:07:48 - أنا هسيبة انا قررت خلاص.
شرقت -بتهزري صح قولي أنك بتهزري ده إنتِ أمك هتعمل منك بطاطس محمرة .
- مش هاجي علي نفسي أكتر من كده ده مش صح ،لو كملنا هنبقي بنضيع وقتنا علي الفاضي ،كدا أفضل خلي كل واحد يشوف طريقة
-عملك حاجة ضايقتك طيب؟
-كله علي بعضه بيضايقني.
- أقصد فعل ملموس يا أميرة ؟
أفتكرت كل كلمه وجعتني منه كل مره دورت عليه وملقتهوش، كل لحظه خذلني فيها بكلمه أو نظرة كان مليان عيوب ودي مش مشكله المشكله إنه مسلم بالعيوب دي وعاوز يغيرني علشان أتماشي معاها
هو خاطبني علشان نفسه وبس عاوز يغيرني علشان أليق عليه
-مضايق إني مش بحط ميكب بيقولي إني عندي هالات سوده تحت عيني لازم أخفيها وأستايل لبسي الكلاسيكي الواسع بيرجعني لأيام زمان وده مينفعش يتماشي مع أستيلة المُدرن والنهاية جت لما قالي إني راجعيه علشان مش عاوزه أقوله بحبك أقوله وأنا مش حساها يا رنا
-دي الخطوبة الكام اللي بتتفشكل يا أميرة
-والله لو المليون عمري ما هاخد الخطوة دي إلا مع اللي أحس معاه بالأمان
انا أميرة عندي ٢٨سنه متخرجة من كليه علاج طبيعي عندي أحلام وطموحات عندي أمال وخطط بحلم أحقق حلمي وأسعي يكون ليا حلم دايمًا اللي معندوش أحلام بيموت من اللاشيء أزاي إنسان يعيش حياة طويلة عريضة من غير ما يكون عنده حلم عاوز يحققة ولما يحققة يدور أزاي هيطورة ولما يطورة يسعي ويجاهد علشان يحافظ عليه تحقيق الأحلام بيحتاج همة ،وأجتهاد ،وصبر المحافظة عليها بتحتاج مُعجزة نرجع للمهم أنا بنت زي أي بنت بحلم أحقق ذاتي إن يكون ليا أثر ،أعيش حياة بسيطة لما أكبر أبص ألاقيني وسط زوج صالح وأطفال يكونوا خلف لينا في الدنيا حياة هادية ومالينة مودة ورحمة ،أمي بتحلم تشوفني عروسة أبويا زيها وأكتر أخواتي الأصغر مني متجوزين اللي بعديه علي وشك إنجاب أول طفل في العيلة فرحة أمي بية متتوصفش وحزنها إن مش بنتها البكر هي أمة بتقطع قلبي قالتلي مره إني "قاسية أوي علي نفسي " اللي متعرفوش إني رحيمة بيها لأبعد حد والدليل إني أهوه مش عاوزه أرميها لأي حد علشان ده مش واجب مطلوب أنفذة في وقت محدد ده نصيب بيجي لما ربنا يريد ونبص نلاقي القلب مال غصب عن عينينا
-أديتيلة الدبلة ؟
-كل شيء نصيب يا أمي.
-انا مش عاوزه أقولك كلمة تجرحك يا بنتي بس أنا امك وواجبي أفوقك أنتِ بتكبري.
-عارفة.
- يا خوفي يا بنتي لتندمي بعدين.
-هندم لو كملت في حاجة وقلبي مش راضي عنها أنا صليت صلاة أستخارة مرة وأتنين وعشرة وقلبي مقبوض مش مطمنة يا أمي مقدرش أكمل وأنا خايفة .
-اللي أنتِ عاوزه ده لسه متخلقش إحنا هنا فيه الحلو والوحش مش كل الناس وحشة يا بنتي إدي نفسك فرصه تقبلي عيوب غيرك مفيش بشر خالي من العيوب ،أنتِ عاوزاه شيخ جامع يعني؟
ضحكت- وهو شيخ الجامع مبيغلطش يا أمي ،
لما يجي مش هيكون مثالي أنا عارفة بس هيكون فية عيوبة مش هتأذيني هيساعدني أساعدة نغيرها زي ما أنا هسمحلة يساعدني أصلح عيوبي ،اناعارفة إن كلنا عيوب بالكوم المهم نحاول نغيرها مش نعتبرها أمر واقع.
-انا معرفش في الكلام الفلسفة ده كل اللي اعرفة إنك لازم تتجوزي.
طيبت علي إيدها - لما يجي النصيب يا أمي.
دخلت أوضتي وقفلت علي نفسي كنت سامعة أسطوانة كل يوم من ورا الباب ،قال أنا بتبطر علي النعمه طب هو يجي وانا أفرشلة الأرض ورد بس يجي زي ما بتمني، جريت علي ركن الصلاة اللي كنت بحتمي فيه من العالم جوا أوضتي البسيطة وعيط عيط لحد ما هديت " محدش فاهمني يارب محدش عارف أنا محتاجة أيه وإيه اللي ناقصني فاكرين إن أي جوازه هتفي بالغرض ، أنا عاوزة يكلمني يكمل ضعفي ونقصي ،يسند ضهري ويطمني ، عاوزه راجل، راجل مخافش وأنا جمبة ، أنت وحدك العالم باللي في قلبي ووحدك أدري باللي يناسبني وهتراضيني وهتعوضني عن صبري خير ،أنا واثقة في عوضك يارب "
-غريبة أنها عدت الموضوع كدا من غير خناق زي كل مرة؟
أبتسمت- كام كلمة والموضوع أتقفل خلاص بقي يا رنا أتعودت.
-دلوقتي مرتاحة ؟
-الحمد لله .
-وأستاذ عبد الرحمن ده رجع أمتي من بلاد برا ؟
أبتسمت - بقالوا شهرين .
-ومشفتيهوش خالص؟
-إزاي يعني يا رنا مشفتوش ده أبن عمي ده أنا متابعة كل ندواته الأون لاين وكل فيديوهاته وكلامة اللي بينزلة إنت عارفة إني مليش في السوشيال ميديا أنا كنت بفتح علشانة.
-أقصد وش لوش يا أميرة ؟
أفتكترت المره اللي جه فيها عندنا كنت بجري علشان أطلع الدور اللي فوق مخدتش بالي من اللي نازل بأندفاع رجلي أتلوت كنت هقع لولا مسكته ليا
-بسم الله ما شاء الله إيه العيون دي
بعدت عنه بسرعة وأنا بعدل الحجاب
-أنت مين ؟ وأزاي تمسكني كده
-أنا أنقذتك كنتي هتقعي
-كنت سبني أقع
-حاضر المره الجاية
أبتسم ببرود ونزل
-أما قليل الذوق صحيح
جه صوته من تحت
-حقك عليا علشان الخضة بس داري شعرك البندقي عرفت لونه.
همست بغيظ
-بااارد. باز کردن / نظر دهید

2022-05-18 06:04:51 رواية عشق الروح الفصل الثاني عشر 12 بقلم الياسمين عبده
https://www.camo3blog.com/%d8%b1%d9%88%d8%a7%d9%8a%d8%a9-%d8%b9%d8%b4%d9%82-%d8%a7%d9%84%d8%b1%d9%88%d8%ad-%d8%a7%d9%84%d9%81%d8%b5%d9%84-%d8%a7%d9%84%d8%ab%d8%a7%d9%86%d9%8a-%d8%b9%d8%b4%d8%b1-12-%d8%a8%d9%82%d9%84%d9%85/ باز کردن / نظر دهید

2022-05-18 05:56:11 رواية لؤلؤ الصعيد الفصل الثالث والعشرون 23 بقلم آية علي الشربيني
https://www.camo3blog.com/%d8%b1%d9%88%d8%a7%d9%8a%d8%a9-%d9%84%d8%a4%d9%84%d8%a4-%d8%a7%d9%84%d8%b5%d8%b9%d9%8a%d8%af-%d8%a7%d9%84%d9%81%d8%b5%d9%84-%d8%a7%d9%84%d8%ab%d8%a7%d9%84%d8%ab-%d9%88%d8%a7%d9%84%d8%b9%d8%b4%d8%b1/ باز کردن / نظر دهید

2022-05-18 05:52:01 رواية مليكة الرعد الفصل العاشر 10 بقلم سوكا
https://www.camo3blog.com/%d8%b1%d9%88%d8%a7%d9%8a%d8%a9-%d9%85%d9%84%d9%8a%d9%83%d8%a9-%d8%a7%d9%84%d8%b1%d8%b9%d8%af-%d8%a7%d9%84%d9%81%d8%b5%d9%84-%d8%a7%d9%84%d8%b9%d8%a7%d8%b4%d8%b1-10-%d8%a8%d9%82%d9%84%d9%85-%d8%b3/ باز کردن / نظر دهید

2022-05-18 05:45:44 رواية حياة الحديدي الفصل السابع 7 بقلم منال آدم
https://www.camo3blog.com/%d8%b1%d9%88%d8%a7%d9%8a%d8%a9-%d8%ad%d9%8a%d8%a7%d8%a9-%d8%a7%d9%84%d8%ad%d8%af%d9%8a%d8%af%d9%8a-%d8%a7%d9%84%d9%81%d8%b5%d9%84-%d8%a7%d9%84%d8%b3%d8%a7%d8%a8%d8%b9-7-%d8%a8%d9%82%d9%84%d9%85-%d9%85/ باز کردن / نظر دهید

2022-05-18 05:41:30 رواية قسوة أطاحت بي الفصل السابع 7 بقلم ديانا ماريا
https://www.camo3blog.com/%d8%b1%d9%88%d8%a7%d9%8a%d8%a9-%d9%82%d8%b3%d9%88%d8%a9-%d8%a3%d8%b7%d8%a7%d8%ad%d8%aa-%d8%a8%d9%8a-%d8%a7%d9%84%d9%81%d8%b5%d9%84-%d8%a7%d9%84%d8%b3%d8%a7%d8%a8%d8%b9-7-%d8%a8%d9%82%d9%84%d9%85/ باز کردن / نظر دهید