أسوأ نصيحه ممكن تسمعها في بداية حياتك المهنية 'انك تشتغل أي | قفل
أسوأ نصيحه ممكن تسمعها في بداية حياتك المهنية "انك تشتغل أي حاجه تجيب فلوس عشان الفلوس كل حاجه"
دا فكر بعض الـ "انطربرونورز" ( بعض الشباب الصغير اللي بيعبتروا نفسهم رواد أعمال) ان الفلوس هي كل حاجه، دا بيغطي علي فكرهم المادي وعايزين الكل يقتنع بنظرتهم للأمور وأحيانا طمعهم، __ - المهاره هي اللي هتجيب الفلوس - الفكرة هي اللي هتجيب الفلوس - الحرفه والصنعة اللي بتحبها هتجيب فلوس انما تشتغل اي حاجه تجبب فلوس كده هتلاقي نفسك بتجري ورا الماده وبس، كل شويه تتنطط ورا حاجه تلم منها شوية فلوس، هتلاقي ان مفيش مهاره بتعرفها، طماع، شغفك بيضيع ورا كل حاجه، احتراق مهني هيلازمك بعد فترة. بعد كام سنه هتلاقي نفسك فاضي، حتي لو معاك فلوس هيفوتك حاجات كتير
ستيف جوبز قال ؛ لم يكن المال هدفي الرئيس، كانت الأولوية المنتج وكيف سيستفيد منه الناس ستيف جوبز كان مليونير وهو في العشرينات، وقال ان دا ملهوش اهميه لان البيزنس بتاعه كان بيعمله مش عشان المال
بيل جيتس قال المال لم يكن هو الحافز عندما قمت بتأسيس شركة ميكروسوفت ، وان المال لا يعنيني علي المستوي الشخصي —— من الأخر متسمعش نصيحة أي حد تحس منه انه عايزك عبد للفلوس وانها تكون غايتك. الفلوس دافع كبير للعلم والمهارة والابداع. الدماغ هتعمل فلوس، بس الفلوس مبتعملش بني آدم
