أِقلآمـہ. زَرَقَآء

2022-06-16 00:50:08 محدش يلوم علي حد الفتره دي ..

ولا يعاتب عليه ولا يحسسه بالتقصير والذنب أعتقد إن مبقاش في بيت واحد حوالينا مش موجوع ؛ كلنا مستهلكين وطاقتنا خلصانه يادوب مكفيانا بالعافيه وفعلا تعبنا مش مستحملين ضغط زياده..

البيوت مقفوله علي حواديت بتهد ..
وكل واحد تايه في دايرته وبيفكر يخرج منها إزاي ومش معني انه ضحك قدامك يبقي عايش في الجنه ممكن يكون مبتلي اكتر منك بس مش بيحكي..

فالله يكون في عون العباد جميعا ..
ويارب يهون و يسند ويقوي ويرزق الجميع ..

هونوها علي بعض عشان تهون ..
وإدعو لبعض وباذن الله ربنا يعدلها. باز کردن / نظر دهید

2022-06-15 08:59:07 نصائح مهمه جدا لطلاب الثانوية العامة

● لازم ليلة الإمتحان و بأي طريقة تنام ٦ ساعات أو ٧ ساعات .. إياك تروح الإمتحان من غير نوم دماغك هتهرب منك ومش هتركز.

● لازم تروح اول يوم بدري نص ساعة علشان تعرف مكان لجنتك .. إياك تروح علي الميعاد بالظبط لأنك بكده هتضيع علي نفسك نص ساعة من وقت الإمتحان في التعرف علي مكان لجنتك و الجلوس فيه حتي تهدأ.

● بلاش تسمع حاجة من أصحابك سواء خير أو شر قبل الإمتحان .. يعني حرفيا .. أعزل نفسك و خليك في حالك .

● أول حاجة تعملها جوه اللجنة تكتب بياناتك بخط واضح ( لأنك بعد ما بتخرج من اللجنة الشيطان بيستلمك و يصورلك إنك لم تكتب بياناتك و ده للأسف يؤثر علي تركيزك في المادة التالية ).

● لازم تكون لابس ساعة في إيدك جوه اللجنة و كمان أدواتك كاملة .

● تعامل مع الأسئلة بكامل تركيزك و حاول تكون ثابت علي قدر الإمكان حتي لو شفت أسئلة مش عارفها .

● قراءة رأس السؤال .. قراءة رأس السؤال .. قراءة رأس السؤال .. مهم جداًااااااا لأنه بيعرفك المطلوب بدقة وكده تبدأ الإجابة صح.

● وقت الإمتحان متظبط علي عدد الأسئلة وزيادة شوية مش تقلق من الوقت خااااالص

● لو شفت سؤال - لا قدر الله - صعب و لقيت نفسك تنحت قدامه زيادة عن اللزوم سيبه و أنقل علي سؤال تاني و ابقي أرجع له بعدين.

● لو أثناء اللجنة لاحظت إن المراقب بيتكلم مع زميله أو زميلته في اللجنة و يشوش عليك .. أرجوك خليك جرئ وأطلب منهم و بكل أدب إنه يساعدكم بتوفير هدوء اللجنة.

● لو أثناء اللجنة لاحظت صوت ضوضاء شديد كتخبيط جاي من ورشة قدام المدرسة مثلا .. اطلب من المراقب يحل الموضوع ده .. هما هيتصرفوا و يبعتوا عامل يستأذن من صاحب الورشة بكل ذوق و علي فكرة بيستجيبوا .

● خليك بارد و بلاش تخلي أي حاجة توترك .. يعني لو المراقب كل شوية يقول باقي كذا دقيقة و وقت الإمتحان يخلص خليك بارد و بلاش تتوتر .. لو حد في لجنتك اتظبط بيغش و عمل مشكلة و حصلت ضوضاء و صوت عالي خليك بارد و ركز في إجابتك و ورقتك و خليك فاكر إن مجهود سنة كاملة ممكن يضيع لو معرفتش تمسك أعصابك جوه اللجنة.

● جوه اللجنة لازم تكون مقاتل عنيد و بلاش تستسلم و تجاوب أي كلام بغرض إنك تخلص من الإمتحان و تخرج من اللجنة و خلاص.

● جوه اللجنة إياك إياك إياك تخرج دقيقة بدري عن الوقت المحدد .. استغل الوقت حتي أااخر ثانية جاوب و راجع مرة و اتنين و لو اتبقي وقت بعد كده جاوب علي الأسئلة الاختيارية .

● بعد الخروج من اللجنة ممنوع ممنوع تراجع مع حد من زمايلك .. اللي حصل حصل و الكلام في اللي فات نقصان عقل .. و علي طول تروح علي البيت و تجنب المشي في الشمس .. و إياك تفتح نت أو تراجع إجابتك منه ( و يا سيدي بعد آخر مادة في آخر يوم ابقي افتح نت و راجع مع زمايلك براحتك ).

● طوال أيام الامتحانات حافظ جدا علي التزامك الديني لأنه بيديك ثبات و راحة نفسية مطلوبين جدااااااً أيام الامتحانات.. أي ذكر وإستغفار مش محتاج منك وضوء وطهارة باز کردن / نظر دهید

2022-06-15 00:33:28 أخد مني اللي كان عايز ياخده وضيع مستقبلي وبراءتي وسابني.. ريحيني وقوليلي إن ربنا عَزَّ وَجَل هاينتقم لي منه.

ج/ أنا عارفة إن الحقايق مؤلمة و إن الناس بترتاح للأكاذيب، بس الحقيقة دين في رقبة اللي يعرفها للسائل، فلأ مش هاريحك وأكدب عليكي وأضللك وأضيعك.. هاقولك الحقيقة.

والحقيقة عزيزتي -اسمحيلي اقولك عزيزتي في وسط الكلام يعني- إن الحماقة في أسود صورها إننا لما حد يأذينا ويسرق عمرنا إننا نفضل واقفين في نفس المكان معلقين نظرنا بيه منتظرين الاعتذار والانتقام، فوق الوقت اللي سرقه بنديله وقت إضافي وبدل مانتخلص من المشاعر السلبية والألم بنضيف عليها غضب وسواد وشماتة وحسد وتشفي.. الحاجات دي مش هاتضره إنما هاتضرك إنتِ وهاتحولك لكائن سام كريه مُنفر، عارفه؟ حتى جمالك الخارجي بيروح لما بيكون ده في قلبك..

و أنا مش عارفة مين ابن ال اللي رسّخ في دماغ الستات على مر العصور إنهم دايماً مفعول به، وإنهم في كل النزاعات ضحايا مظاليم، وإنهم على طول الخط مُغرر بيهن وإنهن بدون وعي كامل ولا إرادة.. مش أفراد كاملة ناضجة مسؤولات ومُكلفات زيهم زي الرجالة زي مالخالق قال.

وزي ما هو هايدفع التمن عاجلاً أو آجلاً، إنتِ كمان هاتواجهي أفعالك منفردة، وآه أفعالك -معلش هاصدمك- بس أي اتصال جسدي عن تراضي وموافقة فعل اتورط فيه ٢ فاعلين.. مش فاعل ومفعول به، بغض النظر عن دوافعك وبغض النظر مين دفع التاني لارتكاب الفعل، ولأ ربنا مش هاينتقملك منه في الدنيا عشان هوا مظلمكيش ولا حاجة.. إنتِ اللي ظلمتي نفسك وقدمتيها لواحد بدون مقابل.. لواحد عمره مابيقدم أي شيء لأي حد بدون مقابل، هو كذب واحتال عليكِ عشان يوصل لغرض معين.. الخديعة هاتتضاف لسجل جرايمه وإنتِ أتمنى تتعلمي ماتبقيش مغفلة بعدين.

أما فعل الفراق والهجر والخروج من العلاقات مش جريمة وربنا.. حتى لو كان بدون سبب، أي إنسان من حقه ينسحب من أي علاقة في أي وقت وربنا مش هاينتقم منه ولا حاجة طالما ماظلمش وطالما أدى واجباته المادية لو عليه واجبات مادية.

بحزن أوي لما ألاقي واحدة قاعدة موقفة حياتها ومستنية ربنا يبعتله مصيبة تشيله بس عشان سابها.. بدل ماتتابع حياتها، تشمت فيه لما الدنيا تيجي عليه وتفتري على ربها سبحانه وتعالى لو الانتقام بتاعها ماوصلهاش.. قمة العذاب النفسي ومرض القلوب.

واعرفي حاجة أخيرة -حتى لو غضينا النظر عن الدين- الحدود بين الجنسين هي الحاجة الصح، وهاقولك السر اللي مخليني على أعتاب الثلاثين وقلبي ماتكسرش ولا مرة لحد الآن، السبب إني حتى من قبل ما أبقى متدينة مابسمحش لأي راجل يحط صباعه عليا قبل مايقدملي التزام اجتماعي ومادي ومعنوي وقانوني كامل.. مكنش تدين إنما منطقية، وعمري ماسمحت لنفسي أصلاً أحب راجل بدون ما يكون بينا التزام.. مش تدين برضه، إنما لأني لو حبيته هاتعمي عن عيوبه وهاديله صلاحيات المفروض مايخدهاش..

الحب عندي بيبدأ بمجرد ما الاتنين يتقفل عليهم باب والحقايق تظهر، إنما أي حاجة قبل كدا ده هبل ووهم لذيذ وهرمونات كيماوية ومسلسلات مش واقعية، و هي مشاعر فينا الخسيس من الرجال بيستغلها للحصول على حاجات مجانية.. والحمقاوات من النساء مابيتعلموش من اخطائهن وأخطاء من خلت، اللي قبل مالباب يتقفل علينا المفروض يكون اختيار عقلي منطقي بحت خالي من العاطفة.

يقول لي: خدي عصاية وارسمي خط على الرمل، أوعدك محدش هايتجاوز الخط ده أبداً..

ماتسمحيش لحد تاني يتجاوز خطوطك وينال منك اللي محفوظ لرجل واحد فقط، مش هامشي أوزع حب وقبلات وتعاطف على رجالة الكوكب أنا.. مش هاحط وقتي وأفكاري ومشاعري في واحد مش متأكدة هاكمل معاه ولا لأ.

انسيه وتابعي حياتك واوعي تحكي اللي حصل لمخلوق وافتحي صفحة جديدة مالوش أي أثر فيها.. وأخيراً سيبي اللي جاي لرب اللي راح واللي جاي وماتخافيش من حاجة.

قلبي عندك..

هدير سعيد باز کردن / نظر دهید

2022-06-14 20:09:22 خد خطوتين لـ ورا، وتابع الفصول اللي فاتت من حياتك بنظرة حيادية هتلاقي إن ولا حاجة من اللي كنت هتموت عليها زمان بقت فارقة معاك دلوقتي لما هديت، وشوفتها على حقيقتها!.. وقعنا وكملنا، وهنقع تاني وهنكمل تاني؛ دي سنة الحياة.. المهم إنك تكون متأكد في كل لحظة إن أقدار ربنا دايماً في صالحك.. رب الخير مش بيجيب إلا الخير.. الحمدلله على كل نهاية كانت نهايتها تمهيد لبداية جديدة أفضل. باز کردن / نظر دهید

2022-06-13 23:56:30 الموضوع كله إنك تبقى عارف قيمة نفسك زي ماهى فعليًا.. لا تقلل منها ولا تاخد مقلب فيها .. لا خسارتك تحسسك بإنك ولا حاجة، ولا مكسبك يحسسك بإن يا أرض إتهدي.
ماتقارنش نفسك بحد، وماتحسش بتهديد من حد، انت فيك اللي مش موجود فيهم؛ زي ما فيهم اللي مش موجود فيك.. طول ما انت بتقدّر نفسك صح عمر ما هتلاقي حد بيديك قيمة أقل منها إلا لو غيران منك أو بيحقد عليك .. بس كده. باز کردن / نظر دهید

2022-06-13 21:36:15 "لكُل إنسان مهما بلغ من سماحة النفس و الخلق طاقة محدودة من تحمل الأذى، وقد يأسرك فيه تغافله فهو لا يزال محملاً تجاهك بالود و البشاشة كل مرة لكنك ستبحث يوماً ما خلفك و ستجده أيضاً ببشاشته إلا أنه يتحاشاك و هذا هو رده." باز کردن / نظر دهید

2022-06-13 21:13:08 "ﺑﺲ ﻛﺎﻥ ﺩﺍﻳﻤﺎً ﻓﻰ ﺣﺎﺟﺔ ﻧﺎﻗﺼَﺔ..ﺷﺊ ﻣَﺎﻳﻤﻨﻌﻜﺶِ ﻣﻦ ﺍﻟﺤُﺐ، ﺑَﺲ ﻣﺎﻳﺨﻠﻴﻬُﻮﺵ ﻳﻜﻤّﻞ"

- رسائل البحر (2010) باز کردن / نظر دهید

2022-06-13 20:49:34 نوع فونك اي ؟ باز کردن / نظر دهید

2022-06-13 20:39:44 شكرا لأنك معي تحول إكتئابي إلى ضحكات و أتجاوز بك تعب الأيام لتفلت جميع الأيدي الا يديك . باز کردن / نظر دهید

2022-06-12 12:44:33 قررت ابتدي يومي متفائل وانزل اجيب فطار

=الورقه اللي ملفوف فيها الطعميه باز کردن / نظر دهید