قوم امشي أقرا

2023-06-19 23:29:13 أنا والشلة بعد طلعنا من نص الزمن
- أها الامتحان دا كان كيف؟
- يا زول موية بس ، وأنت ؟
- يا بنقص درجة أو درجتين.
إحنا برضو يوم النتائج : باز کردن / نظر دهید

2023-06-18 23:41:48 عارف الأيام الجاية دي شنو، وفضلها شنو ؟

العشر أيام من ذو الحجة، من الأيام العظيمة، والدعاء فيها مستجاب، وفيها يوم عرفة يلى كلنا عارفين عظمة اليوم دا والصيام فيه.

بتفكر كيف ممكن تستفيد منه، بس ما عارف كيف؟

نحب نبشرك إنو الفرصة جات لحدي عندك
ولانو الأيام دي عظيمه شدييد، جيناكم بي برنامج جديد عشان كلنا ننتهز الفرصة، ونتغير للأحسن.

*برنامج وليالٍ عشر *
عشانك أنت/ي، وعشان كلنا محتاجين نستفيد من الأيام العظيمه دي، ونقرب من ربنا أكتر.

تفتكر البرنامج ح يحتوي على شنو؟
متحمس تعرف؟
طيب البرنامج حيكون فيه ختمه قرآن وما كدا وبس، في كمان تذكير بالصيام وأدعية مأثورة وأسئلة ونقاشات.

بس كدا؟
أكيد لا، كمان عندنا مسابقات وجوائز
ما تضيع الفرصة، وكلم أصحابك وكل الناس البتعرفهم عشان يستفيدو من البرنامج.

خلي الأيام دي تكون بداية لحياة جديدة، مليانه بالعبادات والطاعات، ورضا ربنا علينا.

الزمان:-
الأول من ذي الحجة الموافق ١٩ يونيو
المكان:-
_ أونلاين على قروب واتس اب ( اللينك في التعليقات)
الرجاء مشاركة اللينك مع اصدقائك لتعم الفائدة

#قوم_أمشي_صلِّ باز کردن / نظر دهید

2023-06-18 16:21:07 توثيق الشهادات الجامعية فتح الان في مصر، بورتسودان وقريباً مدني
‏التوثيق بتم بتخفيض 50% من الرسوم الأصلية. باز کردن / نظر دهید

2023-06-17 21:56:02 جامعات قبرص تقبل طلبات تحويل الطلاب السودانين
-تم اعفاء احدى الطالبات المقدمات عن طريقنا من اكثر من ١١ مادة بعد مُعادلة نتائج السمسترات السابقة، التحويل كان من كلية الهندسة الزراعيه جامعة الخرطوم لكلية الهندسه الميكانيكية جامعة قبرص الدولية مع الحصول علي منحة تخفيض 60% من الرسوم السنوية .
في الوقت الحالي قبرص خيار موفق للتحويل بعد سحب منحة التخفيض ٩٠٪ في مصر وصعوبة المعادلة في تركيا .

- المعادلة بتتم في قبرص عن طريق النتائج السابقة كلها صادره من المسجل او من الموقع الالكتروني او ايميل جامعي .
لو مهتم بالتسجيل والتحويل في قبرص انضم للمجموعة على الرابط :

https://chat.whatsapp.com/GVP1vaNroZD1DKzPUJCiMu

كل الخدمات مجانية تمامًا باز کردن / نظر دهید

2023-06-14 00:05:48 قرار رسمي جديد بخصوص التحويل من السودان الي مصر:
اعلنت إدارة الوافدين اليوم في موقعها الرسمي عن أول قرار بخصوص التحويل من الخارج وان الجميع سوف يدفع الرسوم الدراسية من دون تخفيض بمعنى ان الطب ب ٦ الف دولار للسنه للطلاب التحويل.
- بمعني تاني لو عايز تحول لي مصر ح تدفع رسوم الدراسة كاملة بدون منحة الخصم الـ90% للطلاب السودانيين
في رأينا اذا في السنين الاولى افضل ليك تقدم تاني من الاول وتستفيد من المنحة ، اما اذا مستطيع مادياً او في ما عايز الا التحويل في الخيار لك.
عموماً للتقديم في مصر او متابعه اخر الاخبار انضم لمجموعتنا :https://chat.whatsapp.com/GhBi0pfUBfn7HpNEag8t3w باز کردن / نظر دهید

2023-06-11 23:00:45 السلام عليكم ورحمة الله وبركاته
انا امنيه عاوزة احكي ليكم عن تجربتي بالاخص في تالت ثانوي
امتحنت سنة ٢٠١٨ واحرزت ٨١ الحمدلله بس كانت رغبتي ادخل طب وقدر الله ماشاء فعل فقلت اعيد واحرزت ٨٧ رغم اجتهادي بس اكتشفت انو طريقة دراستي ما كويسه،
كنت بعتمد على الكتاب وما بهتم بالامتحانات السابقة نهائي دي اكبر غلطة لي بس الحمد لله
وناس البيت قالوا لي قدمي خلاص م معروف يحصل شنو ،تمرضي أو كدا وطبعا كنت بمرض كتيير
بس اصريت انو اعيد للمرة التانيه بعد صلاة الاستخارة ولهي سنة٢٠٢٠ودي سنة كورونا طبعا شوفو الحصل الشنو

سبحان الله شوفو الحصل انو العام الدراسي كان ماشي كويس وبجد متحمسه انو إن شاء الله ح اجيب طب الخرطوم بس الفتره من التجريبي الي الشهادة مرضت مرض شديد كانت قرابة شهر كدا وكنت راقده في السرير حرفيا م قريت ولا راجعت القريتو والحاجه الاصعب من كدا دخلت في حالة اكتئاب ممكن تقولوا والأفكار تمشي وتجي انو ح أنقص من درجتي الفاتت وانو م عندي قسمة ادخل طب وضيعت سنه على الفاضي وغيرو..................
بعد كدا قلت اتوكل وافوض امري الى الله والجايه من الله بتصل زي م بقولوا
شوفو المعجزه الحصلت قبل عشرة أيام من امتحانات الشهاده أعلنوا تأجيل الامتحانات بسبب كورونا
سجدت سجدة الشكر لله بسبب تأجيل لانو صحيا ولانفسيا م كنت جاهزه للامتحانات
بس الحمد لله رب العالمين
وبعد كدا امتحنت واحرزت ٩٤.٣
ودخلت طب الحمد لله
شوفو رحمة الله واسعه كيف لا تقنطوا من رحمة اللة
واي شي يحصل ليكم كونوا على ثقه بالله انو لخير
وانا بنصح اي شخص ممتحن العام دا ما ييأس وم يتأثر بالحرب إن شاء الله كل الامور بترجع لمجاريها بإذن الله
وابقو عافيه
#لسه_بعافر
المشاركة رقم "١١" باز کردن / نظر دهید

2023-06-10 17:28:09 جاهزين لي قصة اليوم
وروني حماسكم
#لسه_بعافر باز کردن / نظر دهید

2023-06-06 14:33:39 اشتقت للجامعة ! باز کردن / نظر دهید

2023-06-06 00:09:39 عانيت و انا طفله من المشاكل الاسرية كنت طفله مهمشه كنت كده حاسه و ده خلاني اكون بارده جدا في مشاعري مع الناس و ما بقدر اعبر عن اللي جواتي لحد و كنت انطوائية و عندي عدم ثقه بنفسي
و بسبب المشاكل دي للاسف ما اتاسست من صغري مافي حد مسكني القلم و علمني الحروف ما عرفت اقرا و اكتب
و اشتدت صراعات الاسرة و ما ح كذب اني عانيت من تعنيف الاسري ( امي) اتذكر كتير كيف كانت تعاملني بقسوة غير عن كل اخوتي اللي بتعاملهم بحنان و بتحضنهم ما متذكرة متين حضنتني في يوم شافتني برسم قالت لي ( عاجباك الحاجات البسيطه دي انتي عمرك ما ح تطلعي شي) تكون عايزه تنتقم من بابا او تشاكلت معاه تعذبني انا عشان تنتقم منو بصفتي بنتو المحببه و قالت كده قدامي في يوم ( بعامل ...... عشان انتقم من ابوها)
بس وقتها جملة عشان انتقم من ابوها خلتني افكر في نفسي و اني لازم اكون ناجحه ولازم اشتغل على نفسي عشان اكون قويه و واثقه بنفسي
تعلمت القراءة و الكتابة وانا بعمر 14 و درست الصف الثامن مرتين نجحت في المره التانيه و هنا كانت نقطة تحول ده اول انجاز لي دي اول علامات نجاح لي من الفرحه بكيت و قلت لازم اكون ناجحه من اليوم لاخر يوم في حياتي قريت الثانوي و في الصف الثالث بذكر انها جات و قالت لي انتي ما ح تنجحي و كنت في فترة امتحانات الصف الثالث بقا قلبي بارد مش بحس ابدا باي كلمة جارحه تتقال له صح اني لحد اليوم ببكي كتير بس عمري ما افقد الثقه بنفسي و نجحت بمعدل عالي و دخلت كلية القانون اللي هيا حلمي من زمان وانا بعمر 15
انا الان فتاة بعمر 23عاما ادرس بكلية القانون اكتب رواياتي واقع مخيف و ظلام ظالم اللي تحكي عن قصة حياتي
#لسه_بعافر
مشاركة رقم "١٠" باز کردن / نظر دهید

2023-06-03 22:09:43 السلام عليكم ورحمة الله الحمدلله والصلاة والسلام على رسول الله ..أنا قصتي إني من صغيرة بكون مريضة بس علاقتي مع ربي سمحة بصلي وبدعي وقراني يلازمني اينما ذهبت وهكذا وأجمل شي ثقتي في ربي ويقيني التام بانو الدعيتو ح يستجاب والحمدلله ما مرا دعاء وما استجاب إلا لخير عظيم جدا .في  الثانوي تعبت كعادتى انو كل إمتحانات بكون مريضة  مرض موت عديل بس مع ذلك أنا بدعي واكتر وقت بدعي فيه الليل ..فكنت بدعي بقين لا يخالطه شك ..ف تالت جاني مرض  عبارة عن ورم دموي كبير وودوني الخرطوم وغبت م يقارب ال ٧ شهور عن المدرسة...  الشهادة جات وأنا الورم لسا معي  والناس قالت لي جمدي وفي ناس حبطوني إني م ح أنجح أصلا  قلت أمري بيد ربي م ح أجمد وح استمر والحمدلله دخلت الامتحان وجبت ٨٥.٦  بفضل الله و القيام والدعاء وعدت السنة البعدها ونفس الشي مرضت بس الدور   شلل ف الرجول (الأقدام) وتشنجات بس م غبت إلا ف الحالات الضاغطة وما يأست من انو ح أزيد السنة بلا شك ولو مريضة لماذا اليأس وهناك الله عز وجل! والحمدلله جبت ٩١.١ ودخلت طب حكومي وحتى ف الجامعة كانت القصص مستمرة وانا يقيني يزداد اكتر وحاليا خلصت سمستر ٣ بفضل الله وبرحمته التي وسعت كل شي ، العبرة انو الشخص لا ييأس من رحمة الله مهما حصل و يكون واثق ومتوكل على الله حق التوكل يعني تتوكل وتكون مطمئن انو المدبر أمرك الله  وها هو حلمي تحقق بالدعاء و باليقين بالله إنه سيحقق ..إنه لن يتركني بعد إذ إبتلاني لأن الله إذا كلف أعان وإن الله رب الخير لا يأتي إلا بالخير وإنه القادر على كل شيء
#لسه_بعافر
المشاركة رقم "٩" باز کردن / نظر دهید