2023-05-06 21:55:16
عارف أنه الفترة دي صعبة جداً علينا كلنا، بس حتعدي والله وحتمر زي كل الفترات الصعبة العدت.
حتنتهى الحرب وحنلاقي أصحابنا وأخوانا وكل الناس البنحبهم، ربنا حيجبر بخاطرنا وحيعوضنا.
أي الصوت قوي، والضرب شغال، بس تذكر أنه معانا ربنا الأقوى من كل شيء، حيلطف بينا وحيغير كل شيء عشان يرضينا، ربنا معانا ما تشيل هم.
خليك مطمئن و واثق في ربنا، رحمته وسعت كل شيء.
قادر يغير كل شيء في لحظة "ليس على الله ببعيد".
طمئن ناس البيت و أصحابك، وأملأ قلبك يقين، كلو حيهون وبكرة تبقى حكاوي .
ما تضيع الفترة دي وأنت بتقدر تستفيد منها.!
أيوة أنت، تعال أنت/أنتي نخلي الفترة دي مختلفة وتخلينا نقرب من ربنا أكثر ونملأ قلوبنا يقين.
تعال سوا نتغير، ونخلي الفترة دي تعدي ونحنا أقوى بربنا ومليانين ثقة ويقين وطمأنينة بالله.
ختاماً، كل ما تحس روحك خائف تذكر أنه ربنا معاك وحيحفظك وح يحفظنا جميعًا، أدعي كتير وكلو حيهون ويتسهل.
ربنا يجبر بخاطرك ويطمئنك و يملأ قلبك طمأنينة وسكينة ويحفظ البلاد والعباد، ونرجع نعيش في سلام وأمان بإذن الله .
#قوم_أمشي_أقرا
#إطمئن
6.2K views18:55
