2022-04-27 08:41:54
يسورة النبأ يا أعظم حچاية
يكلشي يريده الله وبيك الكفاية
يسر البسملة البأول حرفها تصير
يقرآن الله حرز أسمك ألف آيه
ياتنزيل الرحمة يانعمة الوصي
يا روحاً للزهرة يا نفس النبي
يامن فيهِ نورَ الباري قد ظهر ..
علي علي .. شما نسولف بأسمه ابداً مانمل
علي علي .. ياحچاية بخت عد اهل العقل
علي علي .. المايلة بأطراف چفه تنعدل
علي نور الله علي .. علي نور الله علي
____
يأعظم الاعظم الاعظم بوجدك
يظل عطشان كلمن ماحضه بوردك
يا اقدس اسم مختاره رب الكون
الانس والجان كلها ماتجي بسدك
يابو الفقره حبك من الله رزق
يالما تشبه واحد من كل الخلق
هوو علياً بشرٌ لا كيفَ بشر ..
علي علي .. لاهو من الجان لاهو من الانس
علي علي .. بين انفاس الخلِق اقدس نفس
علي علي .. هو صوت الباري والوادم همس
___
ياحضن اليتامه وصاحب الفقرة
صدگ طاهر حليبه الحبك بفطرة
يهنيالة اللمح ظلك يبو الحسنين
مثل نورك ولا مخلوق بالمرّة
يا مولى العليين ومولى الخدم
لوما رحمة نورك جنه من العدم
والمايعرفك موتته چن موتت بقر ..
علي علي .. المايعرفه صدگ شنهي عيشته
علي علي .. انخلقت الاكوان بس لطلته
علي علي .. الله خالق جنة من ضي وجنته
___
بس اسمك لغز مانعرف اسراره
ويانور العرش والهيبة فقاره
ظلمه الدنيا والمايلگه نوره يضيع
ختم ياحب علي للجنة تذكاره
يامن في ذكرهِ كل هم ينجلي
الله مايقبل عمل الا بحب علي
و كلمن وآلاه حيدر بالجنة ظفر ..
علي علي .. كل مفاتيح الجنان بيمنته
علي علي .. النار مخلوقة للناس البغضته
علي علي .. الله خالق كلشي بس لمحبته
____
يابو تراب الحرايب بيك تتباها
الزلم لو جابلتها يضيع منواها
مثل الريشة بيدك صار ذاك الباب
اريد انشد القبلك منو السواها
بس اسمك بالعرب خل بيهم رعب
و تبچيها الزلم كل حومة تطب
فقارك برگبهم ظل تارك أثر ..
علي علي .. تدخل انذار المعارك لو وصل
علي علي .. تختل الفرسان لو شافو حمل
علي علي .. يطش الرگاب عله كيفه لو زعل
___
حسين علي التقي
قنوات مؤسسة فاطميون
قناة الرجوع الى الله @h_ameer1
قصائد منبريه مكتوبه @h_ameer2
مجالس خادم الحسين @h_ameer3
قصائد حسينيه مكتوبه @h_ameer4
2.0K viewsحسين علي, edited 05:41