التدريب الصيدلي الصيفي - مسكنات الالم عدنا عدة مجاميع لأدوي | المصطلحات الطبية

التدريب الصيدلي الصيفي - مسكنات الالم

عدنا عدة مجاميع لأدوية المُسكّنات ومنها

: #مجموعة_النسايد NSAIDs.
*هذا الإسم هو إختصار لجُملة Nonsteroidal anti-inflammatory drugs (أدوية مضادات الإلتهاب الغير ستيرويدية)

ما اريد أدوخكم بالفارماكولجي لكن كم معلومة عامة عن هاي المجموعة :
- غير ستيروئيدية او ستيرويدية يعني ما تحتوي على الستيرويد (الكورتيزون) والذي مسؤول عن معالجة الإلتهابات.

- المجموعة هاي حيل مشهور ولما أذكر الأدوية راح تعرفون نصفهم لان ماكو بيت يخلى من عندهم.

- الإستخدامات : للإلتهابات (كَمُسكّن)، خافض حرارة، تسكين آلام الجسم المخُتلفة.
زين شنو الأمثلة عن هاي المجموعة الشائعة والمشهورة؟

أولهم وأشهرهم هو الباراسيتامول ( البعض ما يعتبره ضمن مجموعة النسايد على اعتبار انه هو خافض ومُسكّن فقط لكن الاصح انه هو ضمنهم لان نفس الميكانِزم والخصائص وهذا راح تعرفونه بالفارماكولجي) وعندنا أيضًا الانواع الآتية (يمين الاسم التجاري، اليسار الاسم العلمي):

Diclofenac Na or K - Voltarene
Acetylsalsylic acid - Aspirin or aspegic
Mefenamic Acid - Ponstan
Iboprofen - Brufen
Tenoxicam - Mobiflex
Piroxicam - Feldene
Naproxen - Naprosyn
Indomethacin - indocin

وأخيرًا ذول نحط جواهم خط أحمر :

Meloxicam - Mobic
Celecoxib - Celebrex

اكو ادوية أُخرى تنضاف لهاي الادوية حتى تصير أقوى مثل دواء : Ketoprofen

ومتوفرة بشكل حب وكبسول وابر وتحاميل..الخ
أهم الشغلات الي لازم تعرفونها عن هاي الأدوية كالتالي :
- أبدًا ما تُعطى على معدة فارغة لان تأذي المعدة وتسوي قُرحة (ومن هُنا نستنتج انه الي معدتهم مو تمام او عندهم قُرحة ما يصير ياخذون هاي الادوية).

- الي عندهم ضيق تنفس ما ننطيهم من هذا او نكون حذرين عند الإعطاء (ومن هُنا نستنتج انه الي عندهم ربو منعًا باتًا ننطيهم هذا الدواء)

- للحامل في الثلث الاخير من الحمل او المرضع

- للي يلحظ عندهم ارتفاع قوي ودم استقرار بالضغط

- للي عندهم امراض بالقلب او الكبد او الكلى

- للي عندهم حساسية من الدواء او تداخل مع ادوية اخرى ياخذونها (الكليشة الثابتة هاي)
هذا هو كمّلنا؟ بس دقيقة، اكو واحد كلت لنا عليه جواه خط أحمر مدري شنو!
هاا، هذا إسمه Celecoxib والآخر Mobic وذول يكونون آمنين لجماعة المعدة (الي عندهم آلام وقرحة) لكن مو بجرعات عالية او تكرار هواي ها!

زين اذا ما عندنا هذا شلون؟ كلش عادي انطي للمريض مسكّن ووياه واحد من ادوية المعدة ويُفضّل ppi .