** ماأنســاك 00 روحي وياك 00 مأ انســاك يابو الاكبــر 00 ماانس | قناة الشاعر ابواياد البيجاوي

**
ماأنســاك 00 روحي وياك 00 مأ انســاك
يابو الاكبــر 00 ماانســـــــــاك
****
شنسه منك ياولينــــه=وانته كل لحظه عشتهه
ويه روحي بنص دليلي=حتى چلماتي احفظتهه
من تجي يمي يغالـــي= داري چنــك طرزتهــــه
اذكر ايامي ويه أمــــي=وانته خويه العاشرتهــه
ردت اســلاك من فرگـــاك
لاوعيونـــــك ما أنســــاك
يابو الاكبر00 ماانساك
***
ياهو خويه وياهو انسه=وكل كتر يصرخ عليـه
من رباب وسكنه يمــي=والطفــــــال الهاشميـه
وذاكه ركن البيت ينشد=وينه ابو اليمه الشفيـه
وكل شبر من دارك انته=تثغب وتبچــي خطيه
تريــد ارضـــــاك يامحــــــــــــلاك
لاوعيونـــــــــــك ماانســــــــــــاك
يابو الاكبر00 ماانساك
***
لاتصدگ مني اسلـــــه=وعيني ماعافت دمعهـه
سالت وخــدي تحفـره=وعالصدر چفي طبعهــه
وآني ماانســه مصابك=روحي من عدي صرعهه
والمناظـره كثره يمـي=مدري روحي وشجرعهه
تـــروح هناك تتلگـــــــــاك
لاوعيونـــــك ماانســـــــاك
يابو الاكبر 00 ماانساك
**
آنــه ياهو ومنهو انتـه=ياحبيبــــــي ويـــا منــــأي
انته خامس وبكساهم=انته قمــه بكل عـــــــــلاي
انته ابن امي وعضيدي=وانته كافلنــي بصبــــأي
بيكم آنه انصان خدري=ولو مشيــت انتــم وراي
من أعضـــــــاك سال دمــــــــــاك
لاوعيونـــــــــك ماانســـــــــــــاك
يابو الاكبر00 ماانساك
**
مددت طولي ويه طولك=وادعي من ربـي المنون
تنهض انته وابقــه آنــه=وانته لعيــالك تصـــــون
جسمي حسيته ايتدفـه=مدري شتهــي وشيكـون
ثاري دمــك ياعـــزيـزي=يشخب وصوتك حنــون
الــدم غطــاك هــــــا لأذاك
لاوعوينـــــك مانســـــــاك
يابو الاكبر00 ماانساك
*
وآنه عمري كلــه يمك=وعنــدي احساس الغريب
من تجي لداري يخويه=أفــرح وفــرحي سليـب
وهسه گلي اشلون حالـي=وانظر لحـالك عجيب
الهــج بأسمك وأنـــــادي=لصوتـي ماألگه مجيب
انظل نتنـــــاك ونترجـــــــاك
لاوعيونــــــك ماانســـــــاك
يابو الاكبر00 ماانساك
**

نسألكم الدعاء

خادم الحسين (ع)
الحاج ابو اياد البيجاوي

قناة الشاعر ابو اياد البيجاوي

لنشر قصائد الحسينية

للاشتراك اضغط على رابط

تلكرام

https://t.me/mhsn1955