وصية حيـد رماينساهــه وصية حيــدر ماينساهـه حيدر وصه وزاد اوو | قناة الشاعر ابواياد البيجاوي

وصية حيـد رماينساهــه
وصية حيــدر ماينساهـه

حيدر وصه وزاد اووفـــــــه
چـف زينب خلاه ابچفـــــــــه
عباس انت الگافل تكفــــــــه
لتقصــر يبنـــي وياهــــــــــه

حيـدر وصـه بخدر الحـــــره
چنـه يدري شنهو اليجـــــره
بيوم الطـف اطيح العتــــــره
والكافـــــل راده ويرعاهــــه

بعد شوصه حيـدر شبلـــــــــه
هذا حسين ولتظن مثلــــــــه
بالكون ايصير ويوصلًـــــــــه
بالحومـه روحـك تفداهـــــــه

يبني وانت ساقي عيالــــــــه
تتنطــر جيتـــــك اطفالــــــــه
والمــأي اتحرسـه الخيالـــــه
وانت تفــوت وتتعناهــــــــــه

يبني اتذكًــر عطش سكينـــه
وعطش حسين وظيم سنينه
من يشـرب چنــه يروينـــــه
لاتشــرب گبلـــه وتنساهـــــه

يبني اتذكر هــأي الحالــــــه
شوف الطف وشوف اهوالــه
وابنه موذر شوفه اگبالـــــــه
شد حيلك يبني وياهـــــــــه

گافل زينب جــاوب حيـــــدر
بويـه عيونك لازم تنســــــــر
افـدي حسين وزينب واكـــثر
آنــه العباس واحماهــــــــــه

حسين اهـواه اوگرة عينـــي
ريـع اصباي وكل سنينــــيـي
ربانــي بحبه وحامينـــــــــي
بويه وحقك ماانساهــــــــــه

بويه افديهه بكل ماعــنــــدي
افديهه بعيني وبزنـــــــــــدي
وهشمت راسي ومردة چبدي
بغــيره الدنيـه مااحياهــــــــه

وفــه وكفـه وزاد ومــــــــارد
حتى اچفوفــه انطاهـه وازود
وسهم العين وجسمـه اتوسـد
طــاح الفـــارس مارواهــــــه

نسألكم الدعاء

خادم الحسين ع
الحاج ابو اياد البيجاوي

قناة الشاعر ابو اياد البيجاوي

لنشر قصائد الحسينية

للاشتراك اضغط على رابط

تلكرام

https://t.me/mhsn1955