مثلك وفــــاي يامي عيناي لاماعرفــيت ياريع اصباي ما | قناة الشاعر ابواياد البيجاوي
مثلك وفــــاي يامي عيناي لاماعرفــيت
ياريع اصباي ماريد الماي افرح لوجيت
***
ماعرفت عيوني غـيرك او شافـــــــت
يبو فاضل خلافك بالحـزن عاشــــــــت
روحي ويمك اشبيهه ابــألم ذابــــــــــت
لنهــه معلگــه بروحــك وألـك لابـــــــت
تحلم كل يوم تنهض وتگوم لاماظــنيت
انت سلـواي ماريد المــــأي افرح لوجيت
***
رغم ليل اهــدعش اوحـش على الخـدر
بس ظـل الگمر نــوره الي يزهًــــــــــر
ماخــذ كل ضـوه وجهك مسه يبهًـــــــر
وضوًه الحومــه والميــدان والعسكــــر
وياليل الهــــام لاهاد ونـــام وانه النطريت
اصبح كل راي ماريد المـأي لاماهمـــــيت
***
لحظات الغياب احسبــهن بساعــــــات
وماعدهـن ابـد وي عمري ذاك الفات
چثيره جـروح گلبي شببن آهـــــــــات
لاچن هالجــح مامثله مــرً اوفــــــــات
جرح بكل صوب وياروحي تلوب منهن مليت
يابعد اعضــــأي ماريـد المــــأي افرح لوجيت
****
شفت أمـي اجت خويه وتواسيــــــني
على فگــد العزيــزابچي وصد عينــي
واثاريهه على فگــدك تحاچينـــــــــي
وينــــه كــــافل الخــدر دخبرينـــــــي
وين العـــباس راعي النوماس صحت ورديت
روحي ودنياي ماريــد المـــأي افرح لوجيـــت
***
نصبت مأتم الزهره على امصابــــــــــك
وتخــط چقــين من عدهه على اترابـــك
شسوي ابروحــي ياخويــه على غيابـك
باب حســين راح او قفًل ابوابــــــــــــك
بعد هالكــوم يم خدري اتحوم بس ماذليــت
اسمك ويــأي ماريد المـــــــأي افرح لوجيت
***
صرتـوا للفخــر رايه ورسم الــــــــــنه
ضريحــين وزهــن بالگـــاع والجنــــه
عــن جــدي خبر خصكم وصل منــــــه
الــه شيعــه يگــول الگبره تتعنـــــــــه
تبچيــه ادمـوم وتقدم رسوم اتگول اتعنيت
بلسم كــل داي ماريـد الماي افرح لو جيت
خادم الحسين ع
الحاج ابو اياد البيجاوي
قناة الشاعر ابو اياد البيجاوي
لنشر قصائد الحسينية
للاشتراك اضغط على رابط
تلكرام
https://t.me/mhsn1955
