نعي خويه حسين ياروحي ودليلــــي من فرگــاك خويه انهدم حي | قناة الشاعر ابواياد البيجاوي

نعي
خويه حسين ياروحي ودليلــــي
من فرگــاك خويه انهدم حيلــــي
**
يخويـه حسـين مــن عفنه المدينه
احـس الــروح مهظومـه وحزينـه
صحـت عباس ياخويه نوينــــــــه
نوينه اعله السفر ياخويه ويلــــي
**
هـز سيفــه الچفيل وگال يخـــــتي
عــد عينــچ يخويــه وموش انتي
ليهـزچ مصـــاب او امه چنتـــــي
عينــي افــراش من ترديـن ميلي
*
يعبـاس النشد يصعـب عليـــــه
لـني ادري تــروح انته من اديـه
واخوك حسين بأرض الغاضريه
تخذمــه الناس لوطر صبح ليلي
*
سمـع الحسين هزراسه وأجاهه
ينظـر حالهه وزايـــد بچاهــــــه
ركضــت ليه صاحت من لفاهــه
يعـين ادمـوع لجل حسين سيلي
*
كض راس العقيلـه وهلت العين
وصـيتي ليـچ يابت الميامـــــين
شنهي ايصيرباچـريختي تدريـن
لجــل الديـن يختي اهموم شيلي
***
يازينـب يخويـه بكــل الاحــــوال
وصيتي ليچ هـأي الحرم واطفال
وبسكنه يخويـــه وكـل العيـــــال
اووصيـتي لــيچ يازينب عليلــي
*
توصينـي يبو اليمه بحيــــــاتـي
ما اعــوف الحــرم لآخـرمماتي
أبــنك ابني واعيالـك بناتـــــــي
يخويـه حسين بس ارحم دليلي
*
على الدنيه العفه ياخوي يحسين
وعلى العبــاس هو الگـره للعين
سهـم العين وانطـه النوبه چفيـن
يويلـي راح ماشوفـــه جبيلـــــي
***
عيوني غورگـن لجلـــــك وسالن
وعليك اسيـوف هالصكن وسالن
الحرايــر خويـه نشــدني وسالن
عنــك ويــن ياروحي رميــه
**
صاحـت سكنـه والعيلـــه يويلي
ياهـو اخلافه ياعمـــــــه يويلي
مايرضـه الهظـم عنــــي يويلي
ولايرضــه الحزن يبعد عليه
****
يمته حسين يگعدلــــــي وشيله
هـو چرغـدي وســــتري وشيله
مالـي حيــل يادهــــــري وشيله
هــم حسين والعيله سويه

الحاج ابو اياد الييحاوي

قناة الشاعر ابو اياد البيجاوي

لنشر قصائد الحسينية

للاشتراك اضغط على رابط

تلكرام

https://t.me/mhsn1955