لحظة صبر في لحظة غضب تمنع ألف لحظة ندم (من أقوال الامام علي ب | همسات انثويه(امرأة متميزة)

لحظة صبر في لحظة غضب تمنع ألف لحظة ندم
(من أقوال الامام علي بن ابي طالب)

كنت بدور علي اقوال الامام علي جات المقولة دى ادامي
كام مرة ندمنا بعد غضب
كام مرة كنا صحاب الحق لكن الغضب ضيع حقي

١٠ خطوات عملية

١)خودى القرار ( إن الله لا يغير ما بقوم حتي يغيروا ما بأنفسهم )


٢) دعاء وصدقه بنية الاستعانة بالله

٣) حطي نفسك اولويه واعملي حاجات تبسطك ولو انك تحطي كريم اي حاجه تسعدك بالمتاح

٤) ارفعي شعار في البيت مافيش كلام وقت الغضب لما اغضب سكوت مش هاتكلم وهاخد القرار بكده وافكر نفسي بورقة مكتوب عليها لاتغضب

٥) هاقلل الضغوطات اللي ينفع يتقلل ( حسب ظروفك )

٦) اعملي حاجات في وقت غضبك تهديكي المتاح اختارى المناسب لظروف حياتك ( وضوء / صلاة / قرأن ذكر / شاور/ اشربي / وقوف في البلاكونه ،/ تمشيه / رتبي الإدراج / كلمي حد بتحبيه / قراءة / تلوين )

٧) فكرى في حل المشاكل المتكررة
( في وقت انتي قادرة تعملي كده )

٨) ماتيأسيش من نفسك ابدا مرة حاولي مرة لا مره صح مره غلط مافيش خط مستقيم الناس كلها ماشيه عليه بشر بنغلط ونتعلم

٩ ) لما تنجح محاوله من محاولات اتبسطي من نفسك واشكريها

١٠) خلي التحكم في الغضب هدف من أهدافك تسعي له وشوفي الفرق في حياتك وحياة الولاد
.نهي حسين
#امرأة_متميزة