روايات سحر سمير

2023-03-28 01:13:07 اللهم بارك باز کردن / نظر دهید

2023-03-27 23:34:20 و اشتقنا ليكم ... رايكم.. تعليقاتكم و توقعاتكم باز کردن / نظر دهید

2023-03-27 23:34:12 "ادوني ابتسامة ورديتها عليهم"
عاين لي
قلت ليه وانا متقدمة قصادو
__ممكن نطلع العربية
*شغال
__خليها دقايق بس ممكن
طلع قدامي جيت وراه قفل الباب
"كررب طلع العربية فتحت الباب دخلته"
ختيت السلة تحت قدامي ومسكت التلفون"
دقيقة
اسمع اسمع بس بدون كلام...
⊱ ────── {.⋅ ♫ ⋅.} ───── ⊰
قلبي دق لما شفتك من بعيد تنظر الي
لما بان حسنك عرفته داب في دقاته شوية
بنظرة حييتك وانت ببسمة رديت التحية
قلبي دق..
⊱ ────── {.⋅ ♫ ⋅.} ───── ⊰
#قصي
انا آسفة...
*اها انتي اسفة؟!!
__انا عارفة اني غلطه والتصرف العملتو دا كان غلط وعالجتو بغلط تاني ف بس
شوف عملت ليك #البسيمة البتحبها!! والفطاير خليني اطلعهم
"مدنقرة فتحت الشنطة وبتطلع في السيرمس والمك والعلبة"
#قصي
عارفة مشكلتك شنو انتي يا وصال؟!
عارفة؟!!
"عاينت ليه بضحكة "
__ايوة اني عندية
*لا انتي ما بتحترميني !!!
"سكات للحظة"
__انا ما بحترمك؟!!
ياتو يوم ما احترمتك يا قصي؟!!
*كتير يا وصال وامس اقرب شي اكتر من مرة كبرت عقلي وقلت مع الوقت بتتفهم بس كل ما ليها الامور زايدة اسوأ أسوأ هسي اذا سألتك قفلتي التلفون قاصدة شنو ؟!!
__ما قاصدة شي بس سواء انا او انت الاتنين غلطانين!!
*في فرق بين انك تحترميني وبين الغلط!!!
__تمام يبقى انت كمان احترمني لاني اتغاضيت تجاهلك لما صاحبك ومرتو جو وقعدو عزمتهم بدون تاخد اعتبار اني معاك ، وتاني ختيتني قدام الامر الواقع وقمته طلعته معاه ببساطة هل انا دايرة اقعد معاها؟!!
انا ما بحب التخطي والتجاهل يا قصي طالما طرف تاني معاك يبقى تعمل حساب لخاطري.
"بعاين ليها بإستغراب وعلامة استفهام"
وبضحك ضحكة نص"
*تفكيرك وفهمك غريب يا وصال راجعي روحك...
__اراجع روحي؟! في شنو مثلا؟!!
عشان ما متقبلة رفيقك ومرتو ؟!!
*لا دا ما القصد بس انتي بتصعبي الامور شديد.
هسي وين المشكلة البتخليك بعد يمشو فجأة مزاجك يقلب في ثانية وتقلبي باقي اليوم نكد في نكد
وتانيا موضوع مصر الجا فجأة
دا براه عدم احترام لي انا!!!
"بتضحك "
__بتقول انا البصعب الامور في حين انت دا النقاش معاك مستحيل وبس داير طوالي تفرض رايك وانك صاح وانا يا قصي انا شنو ما من حقي اقول عاوزة شنو وحابة شنو ما انا كمان عندي مساحتي الخاصة الانت مفترض تحترمها وتدعمني فيها.
*انتي هسي اتفعلتي كدا مالك؟!
__ما اتفعلته بس انا زهجته وما عايزة اتكلم في الموضوع دا حاليا ممكن .
*شايفة دي مشكلتك يا #وصال انك بتقفلي الباب طوالي كرررب كدا ...
__بخصوص مصر انا وعمتي حا نسافر سوا لانو المحل ومستقبلو مرتبط بالسفرة دي
*وانا قلت انك ما حا تسافري طالما انا ما موافق على سفرك براك
__عمتي معاي ما بتخاف علي اكتر منها.
*اهااا قلتي لي ما بخاف عليك انا تمام تمام سفر ماف والموضوع دا اتقفل لحدي هنا.
"بتنزل من العربية زعلانة شديد وكررب بتقفل الباب وهو بنزل وراها وماشة لقدام بدون تتلفت...
" عاوزة تقطع شارع الظلط"
ماسكة التلفون بتعمل
#مكالمة
بنادي عليها..
وصال اقيفي
وصال
.
.
لحدي ما يد بتمسك يدها...
لا إرادياً بتتلفت بضيق
أوعى
أوعى
و
جرت فرامل عربية ريحة بلاستيك محروق وصوت قوي سيييك سييييك بووووم صرخة !!!!
.....

على الخير والمحبة نلتقي✎﹏﹏﹏﹏﹏﹏﹏

#سحر_سمير
#فاطمة_قسم الله
#مندرين☻ باز کردن / نظر دهید

2023-03-27 23:34:12 ورح عندك امتحان انتي ناسية؟!
اعمل ليك قرفة دافية بتريحك!!
#رزان
لالا ما للدرجة دي بس زهجانة ما اكتر
#وصال
اخدي نفس واتصالحو بس بتبقي كويسة يلا تعالي
#رزان
جاية ...
«────── « ⋅ʚ♡ɞ⋅ » ──────»
بتلف في المفتاح كرب كرب قفلت باب البيت
"لابسة توبها وطلعت"
"في الشارع بتتلفت وماشة تعاين لحدي ما وقفت قدام الباب ودق دق دقتو بالمفتاح الشايلاه"
منتظرة وفي نفس اللحظة متوترة
الباب بفتح
__السلام عليكم سلافة موجودة؟!!
* صدفة ولا مقصودة؟!!
__اااا هو لالا ما فهمتك؟!
*"بضحك" ما تركزي مافيشة لكن امي قاعدة جوه خشي
__لالا يبقى بجيها مرة تانية
*لالا والله تخشي يا امي يا امي دي جارة سلافة في الباب ابت تخش..
"بقت مخلوعة من ردت فعلو دي وقلبها قال ليها ارجعي وما تشتغلي بالمجنون دا"
"صوت خطوات جاية وبتتكلم"
**وعليكم السلام خشي يابتي واقفة مالك بره خشي جوه
اتفضلي اتفضلي
__بودي يا خالتو لكن ما عندي طريقة اصلا انا كنت دايراها من طرف الباب استفسر عن حاجة لكن...
"بتدافر بتحت في حبوبتها يا حبوبة زحي حبة"
ازيك يا براءة انتي كويسة؟!
خالتو كويسة انا انتي جيتي لي ماما ماما مافيشة بتجي بعدين..
"بقاطع في الكلام"
**اذا عايزاها ضروري اديك رقمها
__لالا ما ضروري هسي لما الاقيها تاني شكرا
ما بستغنى يا خالتو مع السلامة
*الله يسلمك
"بتتلفت وبتسرع خطواتا كأنها بتهرب من شي... "
"كررب بتسمع صوت قفلت الباب وراها"
*دي منو يا مصطفى اول مرة اشوفا؟!
**قالت ساكنة بي جاي جات لي سلافة المرة الفاتت اول مرة وقعدت شوية ومشت، بس عليك الله يا امي البت دي كيف ما اتخيلتيها مرة ولدك مرة ولدك كدا؟!!
*"بتضحك" قادر الله لو قسمتك يجعلا من نصيبك
**امييين يا امي اميييين
*سمح الجن
"بضحك مبسوط"
__
#وصال
ياعمتو انتي امشي المحل قدامي انا بغشى قصي وبجيك بهناك عشان ح اوريك كتلوجات وكذا لوقو وموقع وكمان عملت دراسة كاملة شاملة عاوزة قعدة بمزاج افهمك ليها.
#عمتي
سمح النوصلك
#وصال
لالا متأخرة في البيت شوية وح اطلب ترحال امشي انتي.
بتجي داخلة المطبخ
خليهم يا امي انا بغسل العدة معاي دايراه لسه
#امي
خلاص انا طالعة عند ناس خالك ما بتأخر
#وصال
الليلة اتزكرتيهم من وين ولا ماشة ترفعي ضغطك وتجي زعلانة يا امي مالك بيهم...
وبعدين انا طالعة زاتي شوية كدا
#امي
صلة الرحم يابتي صلة الرحم
#وصال
سمح شيلي المفتاح معاك وما تخشي في نقاشات ياامي انا عارفاك.
"ماردت عليها"
"واصلت في البتعمل فيه"
طييب يا وصال وينو البيض والباكنج باودر ودا الدقيق والسكر والزيت والسمنة وجوز الهند وتاني شنوو اممممم
الخلاط هدا
اسوي الشيرة اول احسن
•كباية موية
•2 كباية سكر
"بشر البرتقال"
على نار هاااادية ولا اظبط شيف يا وصال
"مسكت تلفونها وهي شغالة بتكسر في ال3 بيضات في الخلاطة واحدة واحدة
وشغلت اغنية وبقت تدندن معاها
نص كباية سكر ايوة ايوة اضرب كمان انا عاوز اتوب " بتضحك"
ومعلقة صغيرة خل ونضرب كمان وحببة قشر برتقال وهبهان ..
يالله الزيت الزيت ..
ايوه بدت تفور خلاص واحلى معلقة سمن على الشيرة يا سلاااام على النكهة والريحة تحففة.
كباية دقيق وكباية سامولينا وكباية جوز هند ومعلقة باكنج باودر لخبط لخبط لخبطي يا انا...
ايووووة ونسوط نسوط
الفرن سخن اي خشي حبيبتي انا ...
"صوت امها بجيها انا طلعته يا وصال قفلي البيت معاك كويس وأمني الكوبسات والغاز دا ما تنسي"
حاضر يا ماما ما بنسى تمشي وتجي بالسلامة وسلامي ليهم.
"صوت مفتاح الباب وكرب قفلت الباب تاني"
المسافة دي انا اغير لي بفستان احسن اي اي
"جوه الغرفة واقفة قدام الدولاب امممم الاوف وايت دا احلى والطرحة الطرحة الكبدي مع الشبط ياتو ياتو تمام كدا"
30 دقيقة عدت
"كانت جاهزة غلفتها بالفويل كويس"
الريحة تجنن ...
مع الفطاير احلى عزومة معمولة من يدي بحب.
اخر طلة على المرايا و سمعت صوت
دا ترحال جا...
طلعت وركبت مسكت تلفونها و
#مكالمة
"ماف رد"
#مكالمة
"ماف رد"
"بقت مسهمة وفي بالها افكار كتيرة اتوقعتك ترد على الاقل ياقصي معقول ما طايقني انا جد خايفة من رد فعلو بقيت ..
لي قفلت التلفون لحظتها لالا ما تفكري يا وصال حا تقدري تحلي المشكلة ما اول واحدة تمر بينا عادي بنرجع "
كنت طول الطريق بفكر كيف اصيغ كلامي معاه لما جاني صوت وصلنا!!!
في بالي جا حاجة واحدة اني ما حا انمق اي كلام بس بخلي قلبي بدون اي رسميات...
نزلته واول خطوة والتانية والتالتة بطلع بالدرجات بلز الباب عيني على اسم الصيدلية فوق و #مفتوح
وتاني نظرة وانا بلز الباب خاشة عيني بتجي على عينو

معاه بتين مشيت على جمبة لما طلعو من قدامهم ادوني نظرة خاطفة وانا من جانبي ما قصرته عاينت ليهم من فوق لي تحت بعين عدم رضا زي وشوية حا اقول ليهم طبعا انا خطيبتو ... باز کردن / نظر دهید

2023-03-27 23:34:12 __الموضوع طويل اولها طلعنا على كافيه بس جو صاحبو وزوجتو وبدون مقدمات لقيتهم قعدو وووو بعدها خلاني وطلع وبعدها عمل مني رايح بدون اي توضيح او او وانا وقتها صراحة مزاجي قلب فجأة وقريب البيت رميت ليه الكلام كدا جا رب رب اني مسافرة مصر وبعدها شد وجذب مني ومنو وحصل الحصل في الاخر قفلت التلفون ولي هسي ما فتحتو.
**اجي اجي يابت الطاهر اجي يختي دا جن كلكي..
"بضحك عليك الله يا عمتي انا بقول في شنو"
*بري منك قادرة انتي جنس دا ما عرفنا
__اها الحصل حصل بس اسوي شنو انا هسي؟!
*امس انا قلت ليك في العربية مش باللين يا #وصال والراجل كان طاوعك تخافي منو ؟! وقت ما رضى من اول مرة افرحي قصي ودناس ومتربي كويس وانتي عرضو طبيعي ما يوافق طوالي على سفرتك براك . بس انتي اعرفي كيف تسايسيه ما بس طوالي لا رايي ولازم امشي وقراري وانت ما من حقك تعترض انا عارفاك كويس وانننن..
__والله الكلام بجي كدا ياعمتو بدون احس بحصل عكس الجواي والدنيا تجوط.
*سمح هسي قومي على المحل وافتحي تلفونك دا واتكلمي مع ودالناس وبالهداوة والرواقة المشكلة بتتحلى وليك ولي زمنك اتعودي حلي مشكلتك معاه وقتي ما تتهربي منها وتخليها لليوم البعدو الكلام دا بقتل المشاعر وبخليها باردة بين الطرفين سامعاني.
__سمح ياعمتي الله يخليك لي حاسة اني ارتحته لما حكيت ليك خلاص قايمة قايمة البس.
#سلمى
رزة ياخ ما اخرتينا اتكلمي لي بعدين في العواليق دا انا والله فترته منك لا بالليل اقدر انوم معاك كويس لا بالنهار اقرا معاك ولا ارتاح اليوم كلو دوووودوووو تتوسوسي ياخ احترميني حبة انا معاك في الغرفة دي ما براك.
#رزان
ما عاجبك داك الباب والبيت واسع امشي نومي مع وصال ف ما تديني محاضرة صباح ومساء ما ناقصة جد يا سلمى براي الليلة عندي امتحان ومزاجي في راسي من الزهج.
#سلمى
لانك ما قارية كان قريتي ما كان دا حالك وانا كلمتك بعد كدا ح اكلم ليك وصال واصلا هي محذراك منو وحزفتو قبل كدا من تلفونك ..
#رزان
ابقي بت وكلميها
#سلمى
حا تسوي شنو مثلا ؟! ولا حاجة انا طالعة جاية جاية ما جاية حا امشي اخليك لاني زهجت من تصرفاتك حقت شفع الثانوي دي.
"كررب فتحت الباب وقفلتو وراها"
"جاها الصوت البتتكلم معاه وهو طول كلامهم كان سامعهم"
*بت خالك دي صوتها كسار ياخ
** كسار في عينك انت التاني
*هي ما بتخش هنا
**لا انت ما سامعها هسي بتقول في شنو ؟! عاملة روحها الشريف الرضي انسانا منها
*سمح احكي لي عنك ما تمينا كلامنا انا عايز اتعرف عليك اكتر اصحابك طلعاتك بتسوي شنو في يومك وتاني عندك حبيب بتحبي؟! في زول في حياتك؟ !
**طيب دقيقة دقيقة "شغلت اغنية رايقة كدا" خليني اعدل المود اول هههه
*طيب ارفعي صوتك حبة
هههههههه "ضحكة رقيقة "تمام كدا سامع كويس
**ايوة اها احكي لي ، انتي عارفة حاليا وانا بتكلم معاك برواق كدا حاسي ان دي احلا صدفة لمتني معاك من مدة طويله شديد وحاسي ان نهايتها احلى ، قولي لي رغاي ياخ انت خلاص خلاص يلا ردي لي على سؤالي ...
** سؤالك هههه قصدك اسألتك ههه مع انه نفسي اسألك جذبك لي شنو طوالي كدا لكن خليني ارد على سؤالك اول مع ان ما عارفة لييي اول ماشفت كلامك قلت الود دا مالو مهبوش " ضحكة تاني" بس في نفس الوقت ما انكر انك ظريف.
*مهبوش؟!! عندك الفاظ بتعرفيها براك
** هممم
*ههه عاوز اقول ليك شي بس ما تزعلي بمناسبة اسمك "بضحك" بزكرني ب شكولاته كت كات ما عارف لي "بضحك"
صحي انتي عندك اخوان؟!
**هاهاها ظريف شديد ، انت مالك جنك اسئلة كدا خلي كل شي بوقتو بجي حلو ولا شنو؟!!
*تمام يا ستي بس ما ممكن اني مستعجل اعرف عنك عشان بفتش لي الحب!!
**الحب "اخدت ليها ضحكة طويلة * حب دي هنا ماف بأي حال من الاحوال
*لي بحب دي ما هنا ماف ما تقفلي الباب انتي ياخ خليه مفتوح انا قلبي من هسي دق دق دق تلاتة دقات ما سامعاه؟!!
**"بتغير الموضوع كأنها ما سمعت القالوا وبتواصل في كلامها"
المهم يا ( بتسكت حبة ) يا ... !
طيب بالنسبه لي إسمك ؟؟ حا أناديك بيو كتير كدا ولا ….
"طق طق صوت الباب دقة"
"برجفة قفلت التلفون سريع وختتو جوه الشنطة وقامت كررب فتحت الباب"
#وصال
رزان؟!! قافلة الباب لشنو؟!
سلمى قالت لي منتظراك وانتي مؤخراها مالك في شنو؟!
والباب؟!!
#رزان
ما ماشة عندي مغص ومتوترة وسلمى زادت علي زيادة زي البقيت ثقيلة على قلبها بقعادي معاها في الغرفة في الطالعة والنازلة هي تتنرفز وتتزهج فيني انا الليلة راجعة مع امي .
#وصال
يابت انتي هبلة دا كلام شنو ، يعني يجي من اي زول الا انتي يارزة انتي اختنا الاتربت معانا تعالي تعالي جيبي شنطتك دي وبطلي عوارة انتي وهي وكان عارفة هي منتظراك بره اصلا الاتنين هُبل .. باز کردن / نظر دهید

2023-03-27 23:34:11 انا ما ناسية السويتو معاه بس ما اتوقعته رد الفعل دا منو
اتوقعت يطانشني ، اتوقعته ما يقيف ويسلم علي ، اتوقعته يعمل لي بلوك وقتي من حياتو ، بس ابدا ما اتوقعته الزلة الزلاني ليها عشانها...
ودا كلو ما هاميني الوجعني شديد انو متمسك بسهاد وبعتز بيها انا والله شفت حبو ليها في عيونو بس كمان عمر العشرة الكانت بينا تمر بالبساطة دي من ناحيتو وانا عارفة كويس بس هو برد لي الصاع صاعين زي ما عملت فيه ...
ههه من متين احمد بقى ملتزم كدا؟!
اول مرة اهابو ههه اهابو؟!
عجبك يا ....
هههه
اول مرة اقيف قدامو كدا من فترة طويلة لقيتك اتغيرته كتير للدرجة دي ملتك مني تكون قالت ليك عني شنو؟!! ما هي السبب ايوة هي السبب ولازم تدفع تمنو بالغالي!!!
"بتاخد نفس حار"
اول ما عاينت في وشو كأني اول مرة اشوفو!!
كنت عايزة اتكلم معاه كتير واقول ليه
طيب وحبي؟!
كلامك لي انك مستحيل تنساني؟!
كنت بتنوم بي في أحلامك وبتصحى بي في واقعك!!
انت بقيت واحد تاني كأنها أثرت فيك شديد وبقيت اقرب نسخة ليها مني.
واحد بدل انا اكرهو لقيت روحي بكرها هي اكتر ومستخسراها تكون ليه.
هي شوية شديد ليك وانت كتير شديد ليها.
انا حياتي اتدمرت وفي بالي حاجة واحدة احمد وسهاد ما اتخلقو لي بعض...
احمد لي وانا ليه.
عارف يا أحمد لو كان حسيت فعلا ولمجرد إحساس انك قنعان مني بس كنت خليتك في حالة واحدة .. بس مجرد سوء فهم حصل ودي رد فعل عكسية منك للعملتو انا لكن اوعى تقنعني ان سهاد خيار اول ليك.
لانك كدا كذاب كبير.
"صلحت بليمت توبها كويس وماشة بخطوات براحة مارة وهي عينها على مدخل البيت "
وبشبه تمتمه براحة..
وكان ما بقى لي يبقى اخير ليه يموت من يكون معاك يا سهاد.

#بيت_حاج_ الطاهر
الله الله شااااامة ليك حاجات حاجاات ظابطة
#سلمى
في شنو كدي عندك حمى ولا حاجة
لالا والله راسك بارد طيب في شنو عيد ميلادي ولا رزة ولا افتتحتي المحل ولا عيد ميلاد قصي اكيد عيد ميلادو..
يابت ردي...
#امي جات خاشة المطبخ
بسم الله في شنو الليلة؟!
#وصال
يا جماعة مالكم مستغربين مع انكم ناسيين حاجة لكن ما مشكلة بحاول اتجاوزها ..
ف بس صحيت بدري صليت الصبح وما رجعته نمته قلت اخش المطبخ اعمل الشاي واجهزو واعمل ليكم فطاير بالطوة وكيكة دا كل الموضوع يعني ما تندهشو للدرجة دي
#امي
بري يا بتي ما مندهشين لكن ما من عوايدك تخشي المطبخ بدري وتسوي دا كلو ...
#رزان
في شنو الليلة؟!!
#وصال
لا حول ولا قوة الا بالله مافي شي والله العظيم مافي شي وبعدين انا اصلا بحب المطبخ والطبيخ مش بس بخش بمزاجي مستغربين مالكم اجي؟!!
اقعدو طيب قبل الشاي والفطاير تبرد انا حشيتها بكذا حاجة واحدة بجبنة وواحدة بلحمة مفرومة وواحدة بشكولاته وواحدة بجوز هند وقرفة .
وال في العلبة دي ماف زول يهبشها.
"صوت الباب بفتح في اثناء كلامنا وجوطتنا"
ياسلاااام الليلة دا منو الرايق العمل كيك من الصباح شاماه من خشيت الريحة تلالي وتعشرق في الحلق..
"بصوت واحد وصاااال"
#عمتي
اصبحتو كيف ،، وصال كدي كدي مالا الليلة
#رزان
والله يا ماما كلنا صحينا ومستغربين بس انا بقول ليكم وصال وقت تخش المطبخ وتعمل حاجة معناها مزاجا ما رايق انا بعرفا كويس .
قولو لي عرفتي كيف؟!!
ملاحظين انكم ما سامعين صوت حاجة مميزة اوتار الحنين مافي؟!!
#سلمى
اي والله وانا اقول البيت دا صاني الليلة مالو كدا لاني فاقدة صوت متعودة اسمعو من الصباح.. تاني شي قالت نحن ناسيين حاجة مهمة امممم ياربي شنو ؟!!
#وصال
خلاص خلصتو كلامكم وتخميناتكم وونستكم بي يالله انا داخلة جوه "شالت كباية الشاي حقتها ومشت"
#عمتي
مالا وصال يا بنات زعلتوها انتي بالذات يارزة عارفاك لئيمة معاها الكلمة بالكلمة وبتتشاكلو زي الضرات.
#رزان
والله يا ماما ما سألتها حتى امس لما جات بالليل ادتنا طله وطلعت عادية كانت ما عارفة هسي مالا.
#امي
كدي يا زينب خشي عليها شوفيها هي بتحكي ليك اي حاجة بس ما تكون اختلفت مع قصي انا بتي وبعرفها سمح عندها قوة الراس مرات ما بعرف الجبدها بيها منو.
#عمتوزينب
"بتقوم من جمبهم وبتجي غرفة وصال بتفتح الباب طوالي بتلقاه مقفول طق طق وصال انا عمتك افتحي الباب"
__عمتو انا بجي هسي دقايق بس
*قلت ليك افتحي الباب انا واقفة
"كررب"
مالك في شنو اتكلمتي مع قصي في موضوع مصر؟ ! !
__طيب خشي خليني اقفل الباب
*انتي بتبكي؟!
__من متين بت الطاهر بتبكي يا عمتو
*وكان بكيتي مالو دا بقصر منك نظر ولا ببوظ ليك عين...
__ما كدا يا عمتو بس لما اجي اتكلم مع قصي بكون عارفة ردو مسبقا ان اي حاجة بقابلها بالرفض منو ما عارفة مشكلتو شنو؟!
*سمح انتي كلمتي يعني؟! وقال ليك شنو؟! باز کردن / نظر دهید

2023-03-27 23:34:11 #مندرين4
بقلم سحر سمير و فاطمة قسم الله
-٤-
"الساعة 7:00 صباح الخميس"
#واتساب 20 رسالة غير مقروءة

__أحمد أحمد قوم "بتهز فيه من كتفو" الساعة سبعة وحاجة جهزت ليك الحمام والشاي جاهز قوم يا احمد. دي المرة الكم اصحيك قوم كفاك نوم...
*"بتثائب" صباح الخير "بعاين للتلفون"
قايم صحيت
"جا عليها واداها ضمة وهمس ليها كيف اصبحتي ست روحي انا"
"بتتبسم " اصبحت طيبة بيك.
*الله اكبر "ماسك قلبو بي يدو" الكلمة دي خدرتني
"بتضحك"
امشي امشي الحمام "لزتو براحة بخجلة"
*يخلي لي الضحكة دي كل صباح يارب كدا لا تموت لا تفوت
"اللهم آميين يارب ويخليك ليك ياعمري انا"
"اتلفت منها بدندن ...
" بتصلح في ملاية السرير وبتطلع في الهدوم الما نضيفة وماسكة تلفونها بتعاين في الجدول بتاع المزكرات حقتها لشغل اليوم"
__ الليلة يوم الغسيل والغسيل والغسيل والمكوى والغسيل ونضافة البيت العامة ودايرة اقلب تحت السراير والكراسي كمان دي كلها والستاير و انزل الحلل الكبيرة فوق الدولاب اجليها كمان وتاني شنو تاني شنو يا سهاااد ، "طلعت في الصالةة غازة يدها في نصها"
انا شايفة اغير رصة الكراسي دي اجيبا بي هنا والسراير اختهم لجوه احسن كان جا ضيف يقعد في الكراسي امممم
*وه بتتكلمي مع منو من الصباح كدا؟
__واي خلعتني بتكلم مع ام رويحتي دي
*اها دا تطور ملحوظ وصلتي لي مرحلة بعيدة شديد انتي "بضحك" انا طالع الليلة عندنا شغل بره إحتمال اتأخر شوية اذا ربنا سهل برجع بدري ادعي لي معاك شديد اتوفق اليوم دا...
_وانا عندي منو غيرك أشملو في دعواتي كلها ليك ربنا يسهل امرك ويسدد خطاك ويوفقك ويحفظك لي يارب العالمين
"ماسك كباية الشاي وهو واقف شايل كيكة في يدو التانية "
*الله الله الصباح البفتح النفس معاك!!
تعالي جيبي بوسة وانتي حلوة كدا من الصباح
"بتتبسم"
*ساكتة مالك يعني ما رديتي"بعاين ليها"
__لالا ماف شي بفكر امشي لي جارتنا وبفكر ما امشي
*على راحتك شوفي اذا انتي مرتاحة تمشي او لا "دخل جوه"
__امشي او لا امشي احسن اوووف لالا ما امشي
"ساعة زمن كان واقف قدام المرايا بسرح في شعرو لما هي جات داخلة وبقت تعاين ليه وهو ما منتبه ليها مع اتصال تلفونو الخلاه مسكو وقفلو ودخلو في جيبو"
__التلفون ما مهم ولا شنو ما رديت عليه
*من متين واقفة هنا لالا دا السواق
__من لحظة وانت مركز شديد بس ما في المرايا مالك في حاجة؟!
*لالا بس في شغل تحصيل مهم شديد لازم بالكتير انجزو وامكن يكون فيه دور ترقية عشان كدا مهتم اسويه .
_اها الليلة ما ماش بالموتر؟!!
ما تشيل هم الفيه خير ببقى ان شاءالله اتوكل على ربنا انت بس
*ان شاءالله يارب ، ح ارفعو في العربية اول في تحصيل مشوارو بعيد حبة مضطر اطلع مع سواق الغابات ، بنزلو في الشغل هناك.
ياالله انا طالع عايزة حاجة مني؟!
المصاريف ختيتها ليك في الدرج الاول هناك.
_اها يعدل طريقك لالا عايزة سلامتك بس
*ياالله لا اله الا الله
__محمد رسول الله
#الميدان
في الشارع اتقدم نص المسافة..
لمح بت واقفة هناك ملفحة بي توب...
#اتصال "قَبّل انشغل بيه"
ماسك التلفون
*ايوة يا انور "السواق" انا منتظرك وين انت ياخ كدا حا نتأخر اركب الموتر يعني امشي ..
وطيب استعجل وقت في اللفة داوشني مالك طيب منتظرك في الميدان انا
" جاه صوت بتكلم"
** منتظرني ولا شنو "بتضحك"
__"اتلفت بعاين في وشها" انتي فهمك معاي شنو ؟!
**فهمي اني دايراك معاي معقول كل الكان بينا من مسجات واتصالات وحب ينتهي بالبساطة دي ولا بتعمل تقيل علي.
كدا اظن ختيت النقاط على الحروف.
__يابت الناس انا وانتي ماف درب بلاقينا بقى ، كنتي ماضي وانتهى زمان لا حاضري ولا مستقبلي بشملك تاني ولحدي هسي انا محترم العشرة بس وكان ما كدا اقسم بالله العظيم عينك دي تاني ما ترفعيها فيني.
وهسي بقول ليك احترمي روحك واحفظي كرامتك وخلي الطابق مستور وبطلي امور النسوان الما تمام دي انتي قايلة بمجرد حركاتك دي حا ارجع معاك بالعكس انتي خليتيني اشوفك بمظهر بشع شديد اكتر من العملتيه تحبي اذكرك لو ناسية؟!
وقدر البقى عندي ليك من احترام خليه وكان جاية بالباب هداك ابقي مرا ودقي ليها عديل وخشي ليها ماتبقي زي الحرامية تتلبدي ليلك ونهارك تراقبي فينا. انا شايفك يا... ولا اقول ليك ياخ حتى نطق اسمك خسارة فيك.
انا بحب سهاد واوعك ترسمي في عقلك خيال مريض من تاني اني ولو للحظة بس افكر فيك ولا في غيرك حتى . القلتي عنها كتيير كتيير شديد و....
"تييت صوت بوري عربية وقفت قصادو "
"بتعاين ليه وهو بمشي من قدامها كأنوا ما شايفها"
بتقول:
مسكت دموعي علي بالغصب و كل كلمة قالا لي احمد هسي زي السكين البتطعن فيني تتغزه غز ودا ما أثر فيني غير ملاني حسد وحقد بزيادة .. باز کردن / نظر دهید

2023-03-27 23:33:24 "سكت مسافة وضماها عليه شديد "
*وحياتنا هسي كدا مالا ما هدا مبسوطين وفي امان الله الحمدلله رب العالمين.
_بس يا احمد دي تلاتة سنين اتخيل يكون عندنا طفل صوتو مالي علينا البيت ..
*كلها اقسام وطالما نحن موكلين امرنا لي الله مش انتي مؤمنة وانا مؤمن عاجلا ام آجلا ربنا برزقنا بالذرية الصالحة مستعجلين لشنو ، وبكرا تتجرسي وتكوركي ياولد روق ساي ويابت تعالي هنا وياود ما تجر اختك "ههههه" ما تدخلي افكار سلبية في راسك يا سهاد.
_ههههه يارب يارب رضياااانة بالشلهتة دي اسمح منها ماف برضو ..الحمدلله ما دخلته سلبيات وانت شايفني بس يا احمد بس اول ما اطلع مكان واتعرف بناس ويعرفوني متزوجة اول سؤال بقولو لي عندك اولاد؟!! دا السبب الخلاني ما بحب الطلعات "من جواها وما اتحنن ولا البس دبلة" كترت اسئلة الناس وتركيزهم حاجة ما حلوة. مع اني يكون عندي طفل ما عشان زول بس عشان يملا علينا البيت
ويارب ما تحرم بيت من الاطفال .
*"بهظار" انتي اصلا ما بتطلعي "عاينت ليه وكشرت وشها"
هههه طيب طيب انتي عايزة مني شنو اسويه ؟!
_انا ما عايزة منك تسوي شي ، بس كل العاوزاه اني حا امشي لدكتورة تفحص لي امكن عندي التهابات او محتاجة حبوب او حقن دا كل الموضوع انا فتشته في كم قروب وبشوف كاتبين كدا ...
*طيب خليني بكرا اشوف دكتورة واحجز ليك عندها نمشي سوا
_لالا شفته جارتنا الاسمها سلافة الحكيت ليك عنها دي دكتورة نساء وتوليد حا امشي ليها بكرا البيت واعرف مكانها .
*اها "بضحك"
_شنو مالك بتضحك؟!
*مبسوط منك
_في شنو؟!
*بقيتي تعرفي تتصرفي من دوني
_ايوا ايوا يعني ارتحته داير تقول
*بالعكس اني اوديك واجيبك واساعدك واعمل ليك العايزاه على قلبي زي العسل "بعاين ليها"
_بتحبني؟!
*بموت في سهاد تعالي كدا اكتر
_"اتسحبت منو وهي بتضحك طيب اقيف النطفي اللمبة واجيب موية اول وطلعت جري بره".

#عند_قصي
#مسج
*نمتي
"ملصق"
#وصال
"بتعاين على الرسالة وما فتحتها"
*اذا صاحية ردي لي
"شايلة التلفون وبتقراها بدون تفتحها"
#اتصال
"بتعاين ليه وبتقلبو ما بترد"
#مسج
*تمام تصبحي على خير.

بتتكلم براها...!!!
معاك الخير
بتجدع التلفون في طرف السرير وبتجر التوب تتغطى كلها وفي راسها الف كلمة وكلمة اولهم
جد كلام عمتو صاح انا لي عملته من الحبة قبة ولا لي حق!!!
قامت تاني مسكت تلفونا
#مسج
_صاحي؟!!
#قصي
"بعاين لتلفونو بدون يفتح الرسالة وبتكلم مع روحو"
يادوب فكرتي تردي غلطانة وانا كل مرة اتنازل واصالحك عمرك ما فكرتي تعتذري مرة.
#رسالة
_ارجع لي بإتصال
#قصي "بتكلم براه"
اتصلته وما رديتي
#اتصال من وصال
"بعاين للتلفون وما برد"

"ماسكة تلفونا وبتهز فيه "
طيب ما داير ترد ولا تتصل استاهل انا ودا تلفوني حا اقفلو .
#ربع_ساعة
ماسك التلفون بتصل
ان الهاتف المطلوب لايمكن الاتصال به الان نرجو محاولة الاتصال في وقت لاحق.


"لقد كنت أتجنب المحبة طوال حياتي، كنت أعلم أن قلبي أكبر مني، وإنها لكارثة أن تكون شخصا عاطفيا ومنطقيا في آن واحد، كلما قطعت نصف الطريق في عاطفة ما صفعتني يد المنطق، إنني أخشى قلبي المندفع بمشاعره، وأني أرى أن لا منطقية في الحب.


وعلى الخير والمحبة نلتقي✎﹏﹏﹏﹏﹏﹏﹏﹏

#سحر_سميرঞ
#فاطمة_قسم اللهএ
#المندرين☻ باز کردن / نظر دهید

2023-03-27 23:33:23 احمد: ما بنستغنى لكن المرة الجاية وقريب نعزمكم عرسان في بيتنا ان شاءالله.
"قصي ووصال بعاينو لبعض وبضحكو"
فرصة سعيدة ونتلاقى
"طلعو طوالي "
قصي: تحبي تقعدي ولا نمشي؟!!
"بعدم مزاج واضح"
__لا وديني البيت
*مالك في شنو؟!!
__ماف حاجة
*وصال؟!! عايني لي!!
__اها
*في شنو مالك قلبتي فجأة؟!!
__قلت ليك مافي حاجة انا ماشة بس"قامت على حيلها واتقدمت قدامو"
طلعو العربية واتحرك وطول الشارع كان في هدوء ما عادي"
وفجأة قريب للبيت:

__انا مسافرة مصر ! ! !

"ماف اي صوت طلع من قصي لحدي ما وقف قدام باب ناس وصال واتلفت عاين ليها"

**اممم ما رضيتي تقعدي نتكلم وما رضيتي تقولي مالك وما حاولتي تفتحي الموضوع دا الا بعد وصلتي البيت تمام اها وانتي رايك شنو؟!
__رايي اني لازم اسافر مصر ومعاي عمتو زينب عشان تطمن ما ماشة براي كويس
*طيب انتي ما شايفة ان كلامك كدا فيه إهانة لي و مجرد اداء واجب بس للمعلومية يعني يا قصي اعرف وخلاص.

"سكتت واتلفتت بي جمبة"

**وصال اتلفتي علي وعايني لي بتكلم معاك!!
__قصي انا ما عندي مزاج اتكلم حاليا وما تسألني مالك؟!
عايزة اخش بيتنا وخلاص.
*راحتك يا وصال راحتك
"كررب فتح تأمين العربية ونزلت من سكات"

الا من صوت العربية وهي بتتحرك من قدامها وصوت اللساتك مع الحصحاص كرررج كررررج ....

"دخلت البيت وبتتكلم براها"
بتقول :
طوالي بتتصرف بعدم اللامبالاة دي بس انا ما زودته الموضوع المرة دي وطالما انت عملته كأنو ماف شي حصل يبقى تمام اتحمل النتيجة ...
في حين عشان قلت ليك مسافرة مصر ومعاي عمتي قومت الدنيا وقعدتها...
اذا انت من هسي ما بتديني الحرية اني اطلع براي او او طيب بعد نعرس ح تفرض علي اقعد في البيت زي مرة صاحبك.
اصلا اصلا دي عادتك والله ابوي الولدني ورباني ما قاعد يتعنت لي كدا ...
"بتكركب في مفتاح الباب وما حاسة بروحها "
بتدخل البيت "طق ولعت لمبة الممر"
امي امي انا جيت نايمة ولا شنو
"تاوقت ليها في الاوضة لقتها مافي"
فاتت وين هسي بسم الله بيتنا دا مالو صاني كدا
"كررررب فتحت الباب فجأة"
سلمى _ رزة
طيب ما هدا انتو!!
رزان مالك اتخلعتي كدا ؟!! بسم الله
* اتخلعته؟!! عليك الله انتي ما شفتي روحك فتحتي الباب دا كيف مش يا سلمى؟!!
** خلعتينا فعلا في زول بخش كدا؟ !
_" عاينت ليهم بعدم اقتناع" امي وين في الاوضة مافي؟
** انتي ما عارفة الحصل هو ؟ !
"بضحكو الاتنين لما رزان بترقد في السرير "
_ ليي في شنو ؟!! مالكم بتضحكو كدا!!
** جات المرا المخرفة دي وقالت لي خالتو يطلقك هسي دي ولا تطلعي من البيت دا انا وانتي ما بنعيش هنا سوا..
_ رزان شنو الالفاظ والمرا المخرفة حصل شنو يا سلمى؟!!
* قصدها حبوبة ميمونة طلعت تاني وكالعادة راحت من بيتهم ما عرفت ترجع جاتنا هنا وامي مشت ترجعها.
_ اها انا ماشة اوضتي وانتي هي ختي التلفون من يدك شوية واقري ليك قراية تنفعك بقيتي مركزة معاه شديد شايفاك انا ما غفلانة منك.
"طلعت وكررب قفلت الباب معاها"

#بيت_احمد_وسهاد
"في غرفتهم"
احمد ماسك تلفونو راقد على السرير وسهاد في كرسي التوليت رفعت شعرها لي فوق وشالت التونر والقطنة
* بالمناسبة صاحبك دا الله يكون في عونو
_"مشغول في التلفون" كيف في شنو؟!
*خطيبتو دي ثقيلة خلاص
_ههههه بضحك لي الخلاك تقولي كدا شنو؟!
* ما استلطفتها في الكلام شايفة روحها كدا ومتكلفة ومتصنعة
_عليك الله طيب شايفكم بتتونسو مندمجين في الكلام سوا
* انا حاولته اتكلم معاها وقدر ما افتح موضوع اشيل الونسة منها يالله حسيتا ما طايقانا بدون سبب
_في ناس طبعهم كدا لما يلاقو زول اول مرة ما بعرفو يتونسو معاه كويس الا بعد تتعرف عليهم وخطيبتو دي احتمال كدا متأكد اذا لاقيتيها مرة تانية ح ترتاحي معاها في الكلام والونسة اكتر.
*اممم ما عارفة بس حسيتا ثقيلة .
_"بضحك" ما تركزي انسي الموضوع
*اتلفتت بتعاين ليه" ما حكيت ليك قبيل لما اتصلت بي الحصل بعد الليلة مشيت لي جارتنا العلى اليمين دي زيارة
_اها
_طلعت ظريفة اتخيل دكتورة وعندها طفلة وشغالة
*اها
_ظريفة زي التقول بتعرفني من زمان ما زي الثقيلة دي
احمد انت سامعني؟!!
*اي معاك قلتي لي لقيتيها ظريفة
"بتعاين ليه"
_انت منتبه في التلفون كدا مالك ؟!
"رفع راسو عاين ليها"
*لالا معاك بس شغل كدا اها احكي لي الحصل شنو؟!
_ما مهم "قامت بعد اتعطرت وجات قعدت جمبو "
"قفل التلفون "
احمد اذا بتتذكر قبيل قلت ليك عاوزاك في موضوع
*تعالي اطلعي جمبي مالك
_"ختت راسها على حضنو وماسكة زرارة القميص بتحرك فيها"
ما عارفة ابدا الكلام من وين وامكن عارفة ردك مسبقا بس انا عاوزة افرحك بطفل يملا علينا حياتنا .. باز کردن / نظر دهید

2023-03-27 23:33:23 #في_الكافيه
#أحمد
عامرين والله ولمة يعني كدا في الحرم
"واقف "
معليش يا مدام ح آخد منك قصي دا شوية نخليكم تتونسو بي راحتكم وتتعرفو على بعض كمان ...
#وصال
إتفضلو...
"قامو منهم وطلعو بره طلعو العربية وفتحو القزاز"
_جيب سجارة
*معاك ولاعة؟!!
_هاك
عارف يا قصي انا ما صدقته وقت قلت لي معاي وصال امكن دي احسن فرصة عشان اخلي سهاد تتعرف بي وصال وتقدر تتعلم وتطلع من قوقعته وتتفتح على الناس جبتها طوالي
*انا كمان اتبسطه لما جبتها معاك خليهم بالمرة يبقو صاحبات انا زاتي كدا بكون مطمن لاني بثق فيك وما اظن وصال حا تلقى صحبة افضل من زوجة صديق العمر . .
بس انت مالك حاسيك ما تمام ليك كذا يوم وتاني موضوع شنو الكنت عاوزني فيه...
_ موضوع امي يا قصي ما مريحاني كل يوم بتجيب لي سيرة عايزة اشوف اولادك قبل اموت والا تعرس واحدة تانية والبت دي ما قسمتك معناها ..انا ما عارفهم مالهم ما متقبلين سهاد بس دا كلو عشان ما قبلت بإختيارهم .. واختي بدل تهدي الموضوع مشجعاها وانا في النص بقيت رايح بحاول اتفاداهم ..
جد انا غير مرتي ما عايز يا قصي ولا عندي القدره افتح بيت تاني ، انا بحمد ربنا على سهاد بت ناس خشمها عندها لا زولة مشاكل لا شفت منها كعب انا مرتاح معاها في حياتي اكتر من كدا داير شنو؟!!
لكن كتير بحسها ما مرتاحة لما اسوقها ونمشي ليهم.. بس انت عارف امي واخواتي ما عندهم زول غيري وكان نفسي اسكن معاهم في البيت لكن اعمل شنو في الاخر اشتريت راحة بالي "بضحك" بس برضو جاري هنا وجاري هنا بقدر الامكان اصلح الامور . ..
*يا أحمد كل الامهاات كدا سايرهم وبعدين ياخ انتو يادوب ليكم تلاتة سنة عرسان قول ليها يا حاجة اصبري "بضحك"
يعني دا كل المقلق بيك ياخ خاف الله المفروض انا النوم يكون غالبني لاني لسه لافي عذابي كدا
_اووووف ياريت دا السبب بس انا خايف على سهاد شديد عايزا تطلع وتعرف الناس وتختلط بيهم وتعمل ليها صاحبات انت عارفها ما عندها زول غيري ، بحاول اخليها تمسك ليها درب رزق وأساس اتطمن عليها بيه.
*احمد في شنو انت هسي مالك يازول قلبتها نكد مالا هسي بت الناس كويسة ما تركز عليك الله ياخ وبطل التشائم حقك دا زي كل مرة يازول مالك والله تاني تقول كلامك العوير دا لا بيني لا بينك.
وكان على سهاد انا بوصي وصال عليها ح تخليها تتمنى ترجع ليك زي زمان وتمسكها لينا ب زلة وتقول نحن السبب "بضحك"
_بضحك "بهظار عاين ليه" على قلبي حلو طالما ح تخلو بالكم منها معاكم.
*جيب سجارة طيب وبطل هبد كلام ماف داعي ليه
_شايفك
*من عاشر قوم
_عارف الليلة لاقيت منو؟!!
*منو؟!
_فلانة جات تلف وتدور من تاني
*احمد انا شايف تحسم البت دي
"تلفونو بضرب تاني"
طيب خلينا نخش هسي اتأخرنا عليهم ظاهر ونشوف الموضوع دا يوم نتلاقى برانا"
_
#جوه_الكافيه
__إتأخرو كدا بره مالهم؟!!
*ما عارفة ، انتي شغالة؟!
__ايوة
*شغالة شنو؟!
__عندي محل فساتين
*اهاااا يعني بتبيعيهم وكدا ولا بتصممي براك ؟!
__لسه المحل شغالة عليه
*ربنا يوفقك
_اميين جمعا
*اتعرفتي على قصي وين؟!زي علاقة حب شايفة من تفاهمكم
__ ممم تقدري تقولي صدفة بس اتلاقينا
" من جواها ما عاجباها الاسئلة ماسكة التلفون بتكتب مسج "

[انت وين يا قصي انا منتظراك لاني بديت ازهج خلاص عاوزة امشي]
تم الارسال
امممم
وانتي شغالة ؟!
*لا انا بحب قعاد البيت ما متخيلة روحي اشتغل وكدا
__غريبة الزمن دا يعني ماف بت بتقعد في البيت ما معروف الظروف شنو.
*الغريب في الموضوع شنو بالعكس انا بعتبر البيت مساحتي الخاصة ومرتاحة كدا ما زهجانة منو. ويارب بعيد الشر من اي ظرف كعب.
__اللهم آميين ابدا ما قصد اكون سلبية او حاجة لكن بس انتي ربنا ما خلقك عشان تكوني خاملة اكيد اتخلقتي لسبب وانا بشوف اي واحدة قاعدة ساي في البيت ما عندها شي يشغلها مفترض تخت نقطة وتفكر في حياتا من اول وجديد.
الفراغ برضو ما حبابو ...
قعاد البيت زي كأنك بتلفي وتدوري في مكانك بدون نتيجة .
مافي اي تطور ملموس.
*انا ما قاعدة ساي عندي مملكتي بيتي في حالة شغل ومطبخ وترتيب يعني ما ماكلة شاربة نايمة دا برضو يعتبر شغل وشغل ما هين ولا ساهل انك تكوني مسؤولة من بيت وزوج .
كل حد وعندو وجهة نظر مختلفة والا ماف داعي نعيش الحياة اذا كنا كلنا متشابهين وانا شايفة اني مقتنعة بقعاد البيت طالما متفاهمة مع احمد ومع روحي والبسوي فيه .
__اها تمام يا ستي

"بصوت قاطع كلامهم"
قصي: شايفنكم بتتونسو من هناك بس ما تكونو عملتو علينا حلف "مبتسم"
سهاد : بتضحك حقو تخافو مننا ايوة
احمد : احم احم الله يستر "بضحك" يالله نحن نمشي يا سهاد بعد دا ...
قصي: بدري مالكم ياخ الونسة معاكم سمحة باز کردن / نظر دهید