2021-07-27 14:41:28
مستغرب من صياحي بعدين صااح : ليييث ..
اجه بسرعه و خايف صاح : ولكم شبيكم خبلتوني انعل الساعه الي عرفتكم بيه ..
وجهه عصبي و يحجي بعصبية خايف على فارس
كال فارس : اخذ مرتك اريد أرتاح.
كتله بعصبية : ما اطلع أني ..
لزمني ليث من ايدي يجر بيه كال بعصبية :
امشي ولج تردين اتجلطين الولد بس امشي شوفي حالته ارحميني دخيل الله..
باوعت على فاارس دار وجهه و يفرك بعيونه ساعده
ليث اتمدده و غط وجهه بلحاف ممرود كلبي عليه ماكدر نسووي شي ...
طلعت من الغرفة و ليث ويااي ماكو احد من اهلي موجود صعدني كبل و هو لازم ايدي صعدنه لغرفتي ..
فتت للغرفة و سمعت طك الباب باوعت لكيته يسد
الباب مال الغرفة و قفله ..
دار وجهه عليه باوعلي رافع حاجبة و مكتف ايديه
توترت من نظراته بس ما بينت اني متوترة ..
كتله : خير ليش هيج تباوعلي ..
كال بهدوء : و تاليه وياااج زينب ..
رفعت حاجبي اله : شنوو شمسويه ..
ما حجه اي شي اشووف خطواته اقتربت من يمي
بس اني ما تحركت من مكاني سويت نفسي قوية
بس بداخلي ارجف ..
اجه عليه و صاار كلش قريب ما يفصل بيناتنه غير
شبر نصه راسه و كال : نزلي حاجبج ..
رفعت راسي اله و باوعت بعيونه كتله بتحدي
: و اذا ما نصيته شتسوي ..
ابتسم قرب وجهه اكثر و بااسني من خدي
ضليت فاتحه عيوني مصدومة رخيت نفسي و حتى
حواجبي الي جنت رافعتهن نزلتهن هو من شافني هيج
رفع راسه و باوع كال بأبتسامة ممزوجة بثقة
: كتلج راح انزلهن الج لو سامعه من البداية ..
خزرته كتله : كافي غرور و ثقة شدعوه ..
ابتسم و كال : يحقلي انغر بنفسي و اعرفج أنتي
تحت تأثيري ..
ابتسمت بأستهزاء كتله : غير يكعد توم كروز ..
اقترب مني كال : يروحلي فدووة توم كروز
حبيبتي لا تكاابرين بس بستج على خدج و هيج تخردلتي شصااار بيج لووو ..
رفعت حاجبي : لو شنو ؟
ابتسم و كال : هيج..
صفن على عيوني و أقترب مني اكثر خفت اني
وظليت ارجع ليورة ماحسيت غير طخيت بحافة الجرباية و كعدت عليه هو اقترب و نزل جسمه سند ايده بحواف الجرباية اثنيهن حاصرني بأثنين اديه..
ظل صافن عليه بلعت ريك خايف و كلبي يدك بسرعة
من قربه الي كال بهمس و هو صافن على عيوني
: ما تغير رايج زينب ؟
كتله بهدوء : بشنووو ..
: مالج نية ترجعين للبيت و لغرفتج ..
انقهرت من كلامه كتله : مالي مكان بهذااك البيت و بهذيج الغرفة الي شهدت على ذلي و انكسااري .
عكد حواجبة و كاال : كسر و ذلة منوو الي ذلج ..
كتله بأستهزاء : و تسئل منووو اسئل نفسك ..
طبك حواجبة و كال : إني كسرتج موو ..
ضحكت : و اخيرااا عرفت ..
ابتعدت عني و سوه مجال ظل يفتر بلغرفة و يباوعلي
وكف ة يهز برجله كال بعصبية :اني الي كسرتج مووو
لعد و انتي ..
وكفت كتله بعصبية : شسوويت الك اني فهمني نسيت شسويت بيه قبل لا تخطبني و من تزوجنة كرهتني بعيشتي ..
صاح عليه : اعرف بهااي الايااام كسرتج لان ما تحملت
يفرضون عليه شي و صح خطأت بس كرهت اجبارهم
خااصة جنت احب وحدة ..
باوع عليه بقهر دنكت راسي هو إجه وكف يم راسي
كال : كولي منو الي كسر كلب منوو اني الي جنت متأمل و حبيت وحده يعني حتى ما اعرف كلشي منه بس حبيته حبيت اسلوبه و اهتمامه و اول بنت انعجب بيه بدون ماشوف شكله و تالي تطلع زوجتي و بت عمي
صاح بعصبية : كوولي منو الي كسر الثاني ولج اني حسيت بيومه من طلعتي حسيت نفسي غبي و مصدوم منج تهت يعني الي احبه و تعاركت علموده و ما اخذ وحده ما اريده تطلع هيااا نفسه خلي نفسج بمكاني مو تصيرين اضحوكه ..
ظليت ابجي و خايفة من عصبيته و هم انقهرت على كلامه صح استاهل الي يصير بس مو هيج ..
كتله : أعرف والله اني سويت هيج لان ..
كال بحدة : لأن شنوو ؟
دنكت راسي شجااوبة شحجي ماحس غير
رفع وجهي بطرف ايده باوعت على عيونه البنية
بيه عتااب و ندم ظليت ابجي و اشهك ..
حجيت و اني ما مهتمه بلي يصير
كتله بهمس : لأن أحبك..
غوركت عيونه من سمع هيج حجيت غمض عينه
و جر نفس ماحس غير حضني لصدره و كال
: مادري جنت شااك بهذاا الشي بس ولج من يمته ..
دفنت راسي بصدرة و دموعي تنزل بسكتة
كتله بهمس : من صغري حبيتك من كالوو زينب ما ياخذج غير ليث و حبك انزرع بكلبي بس كل ما اكبر
ما اشوف بعيونك حب لا اشوف بعيونك كره و حقد
يكول كاتله شخص عزيز عليك بس انت كتلتني ليث
خليت بكلبي اوجاااع ماكدر انسااهن ..
باسني من راسي و كال : خل نبدي صفحة جديدة
زينب ..
ابتعدت عنه و ظليت اتذكر مواقفه وياااي و كرهه و صيااحه و اوجااعي الي سببهن الي و الاشهر الي مخلاني اتهنى بنومتي و حبي الي ضميته بكلبي ..
مسحت دموعي و كتله : اسفه مااكو بعد ايي شي اسمه صفحة ثااانية اذا انطيتك اياها يمكن ترجع تسووي الي سويته بيه قبل و كلبي ما يتحمل اي انكسااار ..
1.7K views11:41
ق
