_ و اذا حدا سألني عن يلي عم اعملو بهالايام ! * رح خبرك .. ان | اشـہٰ❉ـّٰ̐ہٰٰقاء روحـ௸ِـّٰ̐ہي🎼🌸℡
_ و اذا حدا سألني عن يلي عم اعملو بهالايام !
* رح خبرك .. انا عم عيش لحظة تناقض .. ماني عم اقدر سيطر عليها .. او ما بدي سيطر عليها .. يعني عاجبني الجو .. بس مالي خلاقو .. انت عبالي و عم فكر انو لازم نحكي .. بس مو عبالي نحكي .. او للاصح مو عبالي احكي .. براسي كتير اشيا .. ومو مهم اذا صارت .. حتى الغنية يلي بحب اسمعا .. وقت طلعت طفيتا .. ومع اني بخاف من الوحدة وما بحبا .. مافي شي زاعجني حاليا بكوني لحالي .. او عم كون بالبعد الكافي عن الاشيا .. يلي تصرفاتي مجبورة فيا تكون بقياس معين .. و رغم اني ما بحب الاشيا المجهولة .. عم ميل بلا ما حس .. للطرقات المعتمة يلي ما ببان فيا مني شي .. او ممكن يبان بس يلي بدي ياه .. يعني عم حاول كون انا .. مع انو ابدا ما بدي كون انا .. ما بدي كتير فلسف الامور .. و مع انو احساسي انو من الافضل اني اشرح اكتر .. بس للصراحة .. مو كتير عم يعنيني وضّح .. او برر .. او ازرع الراحة .. او احصد رضا من حدا .. ...
