انت ما بقيت ذات الحدا .. يلي قادرة روحي تطمن .. انا ومعو .. لا | اشـہٰ❉ـّٰ̐ہٰٰقاء روحـ௸ِـّٰ̐ہي🎼🌸℡

انت ما بقيت ذات الحدا ..
يلي قادرة روحي تطمن .. انا ومعو ..
لان فجأة صرت حس ..
انو الغياب سهل عندك ..

ما بقيت ذات الحدا ..
يلي فيي شاركو تفاصيلي .. امور يومي ..
او الاشيا يلي ممكن تكون تافهة ..
لان فجأة صرت حس ..
انو اللهفة فيك تغيرت .. و الصبر منك هرب ..

ما بقيت ذات الحدا ..
يلي فيي احكيلو بلا ما فكر ..
و ما انتبه ع حالي و لا ع تصرفاتي معو ..
لأن فجأة صرت حس ..
اسألتك يلي من قلب الاهمال ..
فيا نوع من الاتهام ..

ما بقيت ذات الحدا ..
يلي بعرف نهاية حديثي معو ضحكة ..
نهاية طريقي معو كمشة دفا ..
لان فجأة صرت حس ..
الخطوة صار عبئ عليك .. و الاحاديث كأنو ماعم تنحكى ..

انت ما بقيت ذات الحدا ..
يلي بيعرف يتحمل .. ليزرع راحة ..
بيعرف يستوعب .. ليرتب الافكار ..
ما بقيت الحدا يلي بيمنع المسافة ..
لا ابدا .. كأنو المسافة مريحتك ..
و عيوني مابقى عم تفهم كلاما ..
و عادي يبقى عقلي ملبك .. تفكيري محتار ..
و تمنعني من انو افهمك ..
ترمي اللوم .. لتريح ضميرك ..

لانك ما بقيت ذات الحدا ..
يلي كان .. رفيق روح .. قبل ايا شي تاني .. ...

قناتنا
{ @dead_abd }

#ｲん乇乃o丂丂