2021-09-25 15:40:07
مرحباً
ح نحكيلكم ع أكثر طرق فعالة في الدراسة عن تجربة و أثبتوهم الدراسات
الطريقة الاولى : هي الدراسة و تثبيت المعلومات عن طريق الاختبارات التجريبية يعني لما نقرا و بعدين نختبر نفسي هني اني ح نشوف المعلومات كيف تحورت لأسئلة mcq و زي ما كلنا نعرفوا أن لما نغلطوا في سؤال معش ننسوه أبداً
الطريقة الثانية هي التدريس الفكره لما أنت تشرح يلي قارية لشخص أخر او مجموعة أشخاص أنت تلقائياً تلقى في نفسك تحاول تبسط الفكرة و تفهمها ١٠٠%عشان تشرح بسهولة
طريقة قالوا أنها فعالة بس شخصيا مجربتهاش هي الدراسة في مجموعات يعني جربتها نوعاً ما في قروبات أونلاين بس ع أرض الواقع لا يعني تعالا أنت و مجموعة من أصحابك و اقروا مع بعض لو لقيت مافيش فيهم فايده و يضيعوا ف وقت شوف مجموعة تانيه من قصيرها
بس لو فيهم فايده كل شخص ح يبدا يشرح نقطة هو فاهمه و كل واحد عنده جزئية مش فاهمها ح تحاولوا تحلو مع بعض و تذكروا أن فلان شرح هكا و هكي
طبعاً في طريقة حالياً متداولة و أكيد سامعين بيها يلي هي ال pomdora أي أنك تقرا 25دقيقة و تاخد بريك 5 دقايق شخصيا جربتها بس ما مشتش معاي لان كان نضت معش نولي
هما قالوا حاول ماتطلعش و انك في ال5دقايق ادير تمارين تمدد وهكا جربوها ممكن تناسبكم
طبعاً في فكرة مشابهة وهي أنك تقرى لمدة 45 دقيقة تاخد بريك 5دقايق و 10 دقايق تكون مراجعه سريعه ع يلي قريته نظام موجز الموضوع و تبدا في ساعه تانيه بنفس الشكل
طبعاً من الطرق الغير مجدية أنك تقرا 5 و 6 ساعات متواصلة بدون بريك لان بديهياً و حسب الدراسات أن ال 6ساعات هاذم انت دماغك كان مركز في اول 30دقيقة بس و بعدها زي مادرت شي في دراسات قالوا ان كل شخص عنده قدرة معينه يعني في ناس يكونوا مصحصحين أكثر من ٣٠ دقيقة و نصحوا أنك تعدل مؤقت بجنبك وتشوف مدى تركيزك و ع الاساس هذا ادير بريكات !
طبعاً في هلبا طرق تانية زي المينوميكس و الهايلايتنق و غيرة بس هادم أثبتوا أنهم فعالات أكثر
وفي الختام نتمنى إني نكون أفدتكم و ربي يوفقنا و يوفقكم لما يحب و يرضى
شَهد .
132 viewsShahd, 12:40