قناة مسلم المطيري

2022-08-03 14:55:04 في غرام الحسين ع

من حــبيناك••لامــــــاننساك
يحسين نموت.. ونظل نهواك

كل.  عاشك  حــبيبه ساكن  عيونه
وعن   درب   اليحبه  مــــايبعدونه
وإذا بحبــك يذبحــونه.  ويصلبونه
مــانعشك  ســواك شمــــايــعذبونه
نوالي الوالاك••نعادي العاداك
نحــبك يحسين.. ونضل نهواك
                   ★★★★
 
ياســر   المــحبه  وروضة   العــشاك
ياكــعبة غرامي الألها دوم   أشــتاك
وسط انضاري ألمحك من احس بفراك
وكصدلك اذا كلبي على شوفك ضاك
عشت بدنياك••خصم الفركاك
انت المحبوب••ونضل نهواك
                    ★★★★

الك مثل الطيور  تــهاجر  احــبابك
وتوكر بالضريح  وتــــذكر مــصابك
يشفه من العلل من  يذكر  امصابك
وماخاب  القــرع  ياســيدي بابــــك
من نتعناك••مــــنبع نلكــــاك
فايض بالجود••ونضل نهواك
                  ★★★★

محــبتك عالكواكب ڱــڵـها مــنشوره
وعلى وجه الشمس يحسين إلك صوره
الخـــالق صــورك وطاك مــن نــــوره
وجسمك مــوجــسم ايات  مـــــنثوره
ربك سواك ••سيد الأمــلاك
انت القرأن••ونضل نــهواك
                   ★★★★
 
يالمضحي بدمــاك وناصر القــرأن
وروحك قــدمــتها قُــربه للــديان
ووصالك تــسبح  ربها عــالتــربان
وتدعي خالقك يرحم بني سفيان
محد ضاهاك••راحم بعداك
شافع للناس••ونضل نهواك
                     ★★★★

لْـۆن انت على خصمك جفك ترفعه
تكــلب  بالــدعاء السبعه عــالسبعه
لجن حته الشمر من راسك ايكطعه
تدعي الله يرحمه وتهمل  الــدمعه

الباري من اوحاك••جهلو معناك
حط بيك اسرار••ونضل نهواك.

الشاعر
        نسيم
      الحميداوي باز کردن / نظر دهید

2022-08-03 14:49:28 هواي مشتاگين ارحمو بحالنه
بس، صوركم بقت تتراوالنه

كلمات الشاعر/ حسين الزيدي

بصوت.( مسلم المطيري) باز کردن / نظر دهید

2022-08-03 14:49:11 هواي مشتاگين ارحمو بحالنه
بس صوركم بقت تتراوالنه
بكل ذكره نشتاگ ..تعبنه الفراگ
ارحمو ابحالنه

---------------------------
هالسنه بهذا محرم .. فاگدين اشكد شباب
مشو ظلت بس صورهم .. تاكل ابگلبي عذاب 
ويانه چانو بالمجالس ..  نلطم ونحيي  المصاب
السنه الراحت يمنه چانو .. وهالسنه جوه التراب

ليش عود الموت دوم ابابنه
دوم يلچمنه بأعز احبابنه
بگلبي البعد راگ .. تعبنه الفراگ
ارحمو ابحانه

---------------------------

أربعين حسين اجتنه .. اعليكم احنه امعلمين
هذا ينصب خيمه ذاكه .. بيده يطبخ للحسين
زاير اعليكم نشدنه .. وفاظت ادموع الحنين
بس صوركم بقت يمنه .. بالمگابر نايمين

اجان يتلكانه حافي ابمايه
معلكه بس صوره الهم هايه
منا اظوه انباگ ..  تعبنه الفراك
ارحمو ابحالنه

---------------------------

لو مشه ابكل خطوه خدمه .. وياهم الممشه حله
‏واهس أو رفگتنه حلوه .. بيهم الهم انجله
راح اليلاگي اليزورك .. سِنّه يضحك بالهله
‏حسين يحضر لليخدمه .. نعلم ابهل مساله

‏مايعوف احسين ابد خدامه
‏بالكبر يحضر ترى گدامه
‏بس دمعي حراگ .. تعبني الفراگ
ارحمو ابحالنه
‏---------------------------

مسافرين اعزاز گلبي ..  سكنو ابوادي السلام
ابد ماطول حلمهم .. هاجروا مثل الحمام
ورود چانو بالمجالس .. تذبل ابطاري الخيام
والجزع عدهم هويه .. لو ذكرت أنه السهام

ياسهام الموت مري اخذينه
للطفوف وخل نشوف اسكينه
بس نلزم الباگ .. تعبنه الفراك
ارحمو ابحالنه
----------------------------

اليوم من دون الليالي .. حيل گلبي ينعصر
گلبيت اصورنه واذكر .. حلوه لمتنه العصر
گلتو ميفرقنه موت .. وهسه ضماكم گبر
اشكي لله الفركه صعبه .. والله ينطيني الصبر

روحي مشتاگه وتحوم ابابكم
والله مو هين علينه اغيابكم
علينه الحزن لاگ ..  تعبنه الفراگ
ارحمو ابحالنه

---------------------------
حسين الزيدي باز کردن / نظر دهید

2022-08-03 14:43:04 يابعد وجهي يخويه شلونك

كلمات الشاعر / حمزه السماوي

بصوت.( مسلم المطيري) باز کردن / نظر دهید

2022-08-03 14:42:43 يابعد وجهي يخويه شلونك
ما يعيش الما يشوف عيونك
زينب صبرج منين
باجر ماكو الحسين
——-
انت مو حي الله واحد واكدر انساك
انته الحسين العزيز الموت فركاك
مو اجيت اوياك لازم ارجع اوياك
راح اضل ابين هذا وبين هم ذاك
وكت ما بي خير اودع حسيني
طلع مو من خيمته من عيني
شحجي والحجي وين
باجر ماكو الحسين
——-
عله روحي ما خفت بس خايفه عليك
وهاي اول مره تسكت من احاجيك
انه اتمنه الذبح بيه ولا بيك
مو بعد روحي يبعد آنه اناديك
حسين يبن امي ويعطر الوالد
بغيبتك صار المخيم بارد
طاح الدمع والعين
باجر ماكو الحسين
——
طلب عندي ثوب لازم تلبس الثوب
ما اريدك تبقه عاري وانت مسلوب
مو بديك ولا بديه هذا مكتوب
الخيم سهله اعليك خويه احتركت كلوب
خويه من توكع يصير اونيني
ومن يذبحونك اغمض عيني
وانه ابين الاثنين
باجر ماكو الحسين
——
باجر ابنص الحرب وتصيح عطشان
منين اجيبلك الماي وكلهه نيران
الخيل سّوت فوك صدرك خويه ميدان
وشفت اصبعك منكطع بس يقره قرآن
لا تضل لابس المحبس باجر
ينسلب منك واشوفك حاير
لو ذبحوك مرتين
باجر ماكو الحسين
——-
راح اروحن للسبي ونتلاكه فد يوم
وراسك براس الرماح وينزف ادموم
ينصبغ خويه بدمائك لون الهدوم
وبالسياط اسكينه تكعد خويه وتكوم
بالطشت راسك رقيه اتشوفه
وهيه جانت للحضن ملهوفه
والماعنده جفين
باجر ماكو الحسين
——

حمزه السماوي باز کردن / نظر دهید

2022-08-03 14:36:14 يله ياطوعه. يله ياطوعه

كلمات الشاعر
غسان نعيم الدراجي

بصوت. ( مسلم المطيري) باز کردن / نظر دهید

2022-08-03 14:35:16 يله ياطوعه
يله ياطوعه. كومي هلالي
------------
ها يطوعه راح أصول وانتي اريدج شاهد
اليومً اضلمهه عليهم لاميسلمً واحد
براسي خليت العساكر هاشمي ومعاند
اليومً عزرائيل اتعبه بيها نازل صاعد

صرخه مسموعه
صرخه مسموعه. لافتىً الا علي
--------------
ذوله نسوان الشفتهم ماشفت بيهم زلم
جوه سيفي بكيفي صارو بيدي اطشرهم وألم
انه تربات الصميده ذاك عمي والنعم
الكوفه لمن صلت بيها الضهر شافوه النجم

ضلمه اسويهه
ضلمه اسويهه. ليلهم ماينجلي
-----------------
مايهموني بجمعهم اني عندي المقدره
انه حيدر وانه حمزه وانه سبع الكنطره
اليومً حالف عالمنيه الا ألزمهم سره
اني هاي الكوفه كلها مثلي ماجابت مره

فدوه لحسيني
فدوه لحسيني. ناسي وكل هلي
--------------
ريح صرصر راح اصيرن انسف القصر وهله
اليومً موزلمه عليهم نازل اعليهم بله
النايحه بكل بيت صارت والثكالى معوله
الواقعة رتلهه سيفي واختتم بلزلزله

هذا من هاشم
هذا من هاشم. لوسأل سائلي
-----------
راح اطلب طلب منج وانتي اسمعي مايلي
ويه كل ضربه الحسامي انتي صيحي ياعلي
وطلب ثاني بعد عندي حتى يكمل محفلي
شكثر طاحو شكثر شردو انتي بس سجلي الي

رايد بهايه
رايد بهايه. افتخر يم الولي

-------
لخادم الحسين
غسان نعيم الدراجي باز کردن / نظر دهید

2022-08-02 23:56:26 رفعت الراس.... نبع الاحساس
غيرة الكون...... أبني عباس

كلمات الشاعر / ابو احمد الطائي

أداء وألحان.... مسلم المطيري

الثلاثاء الموافق 2/8/2022 باز کردن / نظر دهید

2022-08-02 23:52:29 أم البنين أشرف نفس
بعلم الوفاء انطت درس
بيها الفخر ينقاس
ام البطل عباس

كلمات الشاعر / ابو احمد الطائي

أداء وألحان.... مسلم المطيري

الثلاثاء الموافق 2/8/2022 باز کردن / نظر دهید

2022-08-02 23:50:38 ابوذيات بحق ام البنين عليها السلام

للشاعر رعد الچريخي

بصوت. ... مسلم المطيري
يوم الثلاثاء الموافق 2/8/2022 باز کردن / نظر دهید